انا رساله مرسله في عجاله
…………ما تحتمل صبرك ويكفيك تأخير
شخص ن يحبك وانت قاطع وصاله
………..بعد السلام يقول طمني ابخير؟!
اتروح وطمن قليبه وباله
……….ماعاد يتعبكم سوال اومشاوير
ان كنت راضي عنه يرتاح باله
……..اكيد هو راضي بحكم المقادير
وشلون اعرف انك قريت الرساله
……ابيك تشرح في غيابي وش يصير
في هذه الصفحات سوف ننقش جميعنا
رسائل شعريه جميله
لكل قلب" حزين شاعري
يهوى الشعر والقصيد
فهذه الصفحه سوف تحمل لنا اجمل قصائد قد قرأناها
ونريد ان يشاركنا الجميع في قرأتها
فمثلا"
نكتب لكل قلب حزين
يا ضايق الصدر بالله وسع الخاطر
دنياك يازين ما تستاهل الضيقه
………..الله على ما يفرج كربتك قادر
والله له الحكم في دبرة مخاليقه
………..حلو العيون استهانت دمعها الحادر
كف العباير حزين الدمع ما طيقه
………حسايف الحزن يغشى وجهك الطاهر
والورد في وجنتك حرام تغريقه
عن كل قلب راحل
فمان الله يا راحل وتاركنا بدون أسباب
………………..سمعت الشورمن حاسد ولا قدرت تاليها
نقول إرحل ترى ما عاد تفتح لرجوع أبواب
……………….محبتنا الأصيله باقيه باسمي مباديها
يا راحل لو يطول البعد منا ما سمعت عتاب
……………..نقدر عشرت الغالين والزلات نمحيها
رحيلك زود الحرقه وغرق بالدموع أهداب
…………….ولا هو باختيارك تقنع النفس بمآسيها
وأنا ما بي يبين الشرح للاقراب والاغراب
……………وتكفيك الاشارة والامور بيدك تنهيها
و أنا ما كنت أقول الشعر لو ما احس قلبي ذاب
………….عتب عيني على من هو حرمها شوف غاليها
وعن لكل قلب يحب
احبك يالغلا حبن تعدى عالم المعقول
………….ومن زود الموده صرت اشك بحبي لذاتي
احبك حب فوق الحب وحتى الشرح معه ايطول
………….ومن زود الغلا الفت بك اجمل رواياتي
احبك حب ماحبه على طول الزمان انسان
……………ابي قلبك انا المرهف امانه يابعد عيني
ترى حبك يزيد فيني واشوفه صاير(ن)بركان
…………..ولااقوى اصد ناره ولاحد(ن) منه ينجيني
غرامي لك شعور ثاير معزه مع غلا وحنان
…………..انا ميته في بركانه وابي القرب يحيني
تمنيتك صدى واحلام ولاصار بيننا ما كان
………….تمنيتك هقاوي القول ولا لحظه تخليني
رجيت الله يعطيني وصل حبك مطر هتان
………. ابيه يسقي ورود الحب في قلبي ويرويني
عطش وردي وجاب الله سيول تروي العطشان
………عسى وصلك علي دايم يرد الروح ويرويني
تقولي جيت هلاوالله سكنك الروح مع الأجفان
…………واذا كان شفتها شويه تدلل يانظر عيني
وعن العذاب
يالتني في دنيتى ما تعذبت
………….والاعرفتك يا بعد كل غالى
صوتك يعذبنى وأنا آقول الاهنت
………..يامنيتى حبك يعيش بخيالى
الاتعذب المشتاق في حكمك امنت
………راضي بحكم أيامنا والليالى
خذنى معك اللى تبى وين ماكنت
………ماشى بدربك وانت عطنى مجالى
عن الهموم
اون ورياح الليالي توني"
…………..والبرد في جوفي كما الغار خاوي
ماكن لي عقل ولا قلب كني
…………جذع وقف في وجه الأيام ذاوي
وبي عبرة محبوسة تمتحني
………..وفي عيني وحلقي وصدري شكاوي
إن قلت زانت خالف الوقت ظني
………وإن قلت هانت عاجلتني بلاوي
أجامل ايامي ولا جاملني
………هامت بي الدنيا هيام الخلاوي
الوقت جاير والليال اسهرني
………والحزن ما بين الضلوع متلاوي
أون وكل يحسب اني اغني
……..عليل وكل يحسب اني مداوي
فنقول هيا ايتها الاقلام المميزه
والرائعه لنتشارك في اروع القصائد
م/ ن
الوله والشوق
يعطيك العافيه عالفكره
وان شاءالله لي عودة للمشاركه في متصفحك
دمت بخير
ربي يعطيك الف عافية على النقل الروووووووووووووعة
والفكرة الحلوووووووووووة
ونحن على اتم الاستعداد لهذه الراااااااائعة
تحياااااااتي لكككككك يالغلااااا
إيه احبك كلمه اقراها بعيونك
إيه احبك غارقه باقصى مداك
كل ما فيني يتادي لك يا عونك
إيه احبك.إيه احبك.يا ملاك
لا تغيب اشتاق مرباعك ضعونك
لا تغيب اهواك واتنفس هواك
واستعيد الروح من همسة شجونك
واستشف البوح من همسة غلاك
إيه احبك واشتهي غيمة مزونك
ارتشف حبك واشارك في عناك
لا تقول ابعد ابد للي يصونك
بالجفا ارجوك لا تنطق شفاك
لا تخون اللي بقلبه ما يخونك
ينتشي نبضه يحلق في سماك
اسقني حبك وانا بروي غصونك
في حديقة قلبك ارعى من رعاك
ما عرفت الحب الا في لحونك
ولا حملت الشوق الا في رجاك
لك خضع حرفي باشواقه يبونك
يتبعونك في محبتك ورضاك
اقتل احساسي لو لحظه يخونك
واشتعل غيره إذا طول جفاك
خوفي العذال مره يشغلونك
وانا قلبي ما تعلق في سواك
روحي مع قلبي/عقلي يتبعونك
قربك الشافي وهجرانك هلاك
حبني بالحيل تلقاني بعونك
وانا احبك فرحتي لحظة لقاك
بنسج الذكرى قصايد يندهونك
والوفا صوره يجسدها وفاك
لا ندهت القلب في لحظة سكونك
قال لك لبيك من حبه وجاك
بس اوعدني إذا خابت ظنونك
تبتعد تنسى لمن قلبه عطاك
وانتبه الاصحاب لو مره يجونك
لا تعيد ارجوك لحظاتي معاك
منقوله
يعطيك العافيه
تحياتي
يجي لك قلب في يوم
وتصدمني
اخاف . . . . . .
لايوم تسألني
شفتك انا . . . وين؟ !
ذكرني
ذكرني
ذكرني
احسنت لطرحك
مثل هذا الموضوع لك كل الشكر
دمت بود
وأنا تراني عضوة جديدة وين التراحيب
عن كل قلب راحل
تصدق وإلا ما تصدق .. أنا عاجز عن التفكير
تعال وشوف في عيني غيابك وش عمل فيني
حبيبي ما بقى عندي صبر .. يتحمل التأخير
رحلت .. وعقبك الدنيا غلاها طاح من عيني
أجاوب اللي يسألني عن أخباري وأقول بخير
وأنا لا خير بغيابك .. ولا حاجه .. تهنيني
على طاريك كل لحظه ..ولا أحتاج للتذكير
حريص القلب ما ينسى عيونك , لا توصيني
محد يقدر يعوضني لأنك ..في عيوني غير
ومهما شفت أنا الفرحه ..بدونك ما تسليني
وكيف الحال وشلوني .. جواب ما يبي تفسير
بدونك إنت , ما تضحك حياتي وترمش سنيني
مثل شاعر عجز يوصف شعوره وخانه التعبير
أنا ضايع .. ولا أدري من فراقك .. أنا ويني
مثل طير كسر بعدك جناحه وما قدرت اطير
أحاول أبتسم وأنسى ولكن وش ينسيني..؟!
أشوفك في صباحي إنت معنى يا صباح الخير
وأشوفك في مسائي حلم وردي ..لا تصحيني
تصدق .. السهر يرسم عيوني ويتقن التصوير
ويشق النور في صفحة حياتي .. وما ألاقيني
أنام شلون ومشكلتي عجزت ألقى لها تدبير
طلبت النوم ..لحظاته وعيا النوم يعطيني
تغير وجهي ..من أول غيابك وإبتدى التأثير
حبيبي .. من التعب كافي خذيت اللي يكفيني
يا أغلى من رحل عني يا كل الحب والتقدير
تعاااااال إن كان لي عندك معزه وكان تغليني
تعال: إن كنت تعشقني وإذا فعلا تبي لي خير
تعال: ومد لي ..كف الوصل .. وآمد كفيني
إذا كان الجفا واجب بدى من قلبي التقصير
أبيك الحين .. ترجع لي ولا ترجع تخليني
أنا ما أقول اللي صار فيني ما هقيته يصير
لأني كنت .. ( متأكد ) .. بأن البعد (ينهيييني)
لكل قلب حزين
تسولف لي عن الضيقه وانا كلي ألم وأحزان..
أنا من وين ماناظر بعيني شفت ضيقاتي..
تسولف لي عن الضيقه وأنا عنوان للحرمان..
دخيلك لادخيل الجرح لاتكشف معاناتي..
حبيبي لاتشجعني أسولف وأكسر الكتمان..
تعبب من السكوت الي تعود يسكن بذاتي..
عليم الله مافيني شبر يضحك فرح وأشجان..
وأنا لو جيت ابضحك لك اجيك اضحك بدمعاتي..
حياتي شعرن وشاعر وجمهوري بقايا انسان..
ونقادي زمن قاسي ولايفهم كتاباتي..
اناظر للبشر حولي أحد يضحك ..أحد طربان..
وانا صعبن علي أضحك أسايرهم بضحكاتي ..
عجزت أكذب على نفسي بفرحه مابها ألوان..
وحزني ماعجز عني بدا يرسم نهاياتي..
طريقي صعب وجروحي كثيره وداخلي ضميان..
ابي لو يوم واحد احاول اجمع شتاتي ..
انا قصه تبعثرت في زمن خوان ..
تعلمت اخسر البسمه وأداري عضة شفاتي ..(((((ابكتبلك وبالخط العريض وريشة الفنان انا الخسران توقيعي وانا الخسران بصماتي أكمل لك عن الضيقه?اكملك عن الاحزان تأكد لو بكمل لك تصيح وتطلب سكاتي)))).
مشكور اخوي عالموضوع الحلو
والسمووحه
وانثر اشواقي حروف ترسم احساس وشعور
المشاعر لك هديه وكل كلي لك حلاااااااال
منزلك قلبي حبيبي باني لك به قصور
لا انتصف ليلي تجيني فارس يهوى المحال
يحتويني بكل نبض يسكن اعماق الصدور
تحتضنك قصورعشقي ويغبطك بدر الليال
تنتظرك نجوم ليلي والفلك فينا يدور
العمر لو راح كله لجل لحظات الوصال
فدوة عيونك حبيبي لحظتي دونك دهوور
انزف احساسي قصايد اعشقك وصل و منال
واسمعك نبضات قلب تعزف اشواق وسرور
بعد حبك ياحبيبي كل حب للزوال
وبعد شوفك ياعيوني تنتعش كل الزهور
لا تقول الحب ولى حبك بوزن الجبال
حبك اللي قدملكني ماتواريه القبور
رغم كل البعد احبك اعشقك حلم وخيال
واعزف الحانك اغاني ترسم احساس وشعور
م حبي ع