آنا واختي * شوق يدفعوني لأدبغها 2024

طالما هذا الموضوع ترددت في كتابته لكم وطالما يوم كتبته ترددت في انزاله لكم ..

بس اخر شي قررت أنزله .. ولقيت الدعم من بعض الأعضاء والتشجيع من قبل ربيعاتي ألي في المدونة ..

ومن ذاك اليوم الذي تم تشجيعي تحمست وقلت بيني وبين نفسي العزيزه .. يابنت نزليه لأنتي أول وحده ولا أخر وحده تنزلين مثل المواضيع هذي ..!!

من شد كثر مافكر انزله ولا مانزله حلمت إني نزلته في المدونة..

عشان ماطول عليكم إليكم سالفتي الموتردده بها …) حسيتني في برنامج احمر في الخط العريض

في البدايه خلينا نتفق على مصطلحات ومترجمات ..:

العمه : لا يقصد بها اخت أبوي او عمت أبوي او عمت أمي …الخ "يخال أبوي حك اضهري " بل يقصد بها الله يكرمكم الدوره الشهريه للفتيات
آم علي : وليست ام الجدان ألي ولدها علي .. بل هي تحمل نفس المعني العمه

يالله تمسكو في أذانكم نبي نقص القصه وخلو كرتون المنديل عندكم ..cry

في يوم من الأيام "السوداء " كنت جالسه على الكرسي وامامي "لغة العصر " .. الكمبيوتر

وجالسه اطقطق في مخيم عبير واتماعط أشوش التماسيح

وكان ذا اليوم يوافق شهر أكتوبر.. يوم *مندي * تاريخ 10 10 1310م و ه

الزبده ..

وبينما وانا جالسه اكتب .. سمعت صوت الباب يقرع ومعه صوت بكاء مخنوق
صوت أصياح بس بصوت مخنوق ..جدا cry

قلت بيني وبين روحي تسنه صوت أختي .. اكيد متهوشه مع احد العيال وضربها .. تبني افزع لها
مالي خلق اقوم واترك النت عشان هواش بزارين .. لأن ضربي مايرحم .. ماودي استاثم اكثر من الأثام الي اجمعها من الخيمه عبير ى نية:
إلا واختي تدخل وأنا مسويه نفسي ماسمعتها
تنادين ..مجنونه ..مجنونه ..مجنونه ومازالت تصيح
قلتلها .. نعم خير تراكي اخوتين وش تبين غثتين كل يوم تتهوشي مين الي ضربك هل مره …!!
قالت .. ياليت احد ضاربني , قلت لها اجل انطمي واطلعي
ورجعت تنادين مجنونه .. مجنونه طيب شوفيني ابغى اتكلم معك ..
قلتلها .. بعدين مهب الحين ماتشوفني انا مشغوله .. وأنا مازلت اطقطق في الكيبورد
قلتلها.. يالله قولي وش الي عندك انا اسمعك ..

يوم جت تقول الي عندها قامت تبتسي أكثر .
يالله الشكوى لك .. وانا خلاص وصلت معي قلتلها بتقولين ولا اطلعي برا

قالت …بصوت مخنوق جدا ..
آنا

آنا

والله العظيم موبيدي ..

اوه ** رجعنا ليطيري ألي **

قلت انتي وشو ..

قالت أنا

أنا

أنا

**حامل **

حامل حامل حامل حامل حامل ..

اختي تقول هي حامل

من قالت حامل أنا شبصت في مكاني واخر شي شفته خشت اختي وبعدها حل الظلام علي .. وصارت الدنياء تدور بي وأول مره احس بدوران الأرض حول محورها وحول الشمس !!!!!..)) اذا تخرجت بألف كتاب اصير دكتوره جيوقرافك طبعا حسب خبرتي اول انسانه تحس في دوران الأرض
المهم
يوم رجع لي النظر من جديد أول شي سويته
مكعت فيش الكمبيوتر .. ماعندي وقت اختي تقول انا حامل , طار بقريح الكمبيوترات عساه يخرب مومشكله المشكه في هذي ألي حامل
وعلى طول مسكت شوشت اختي ورفست بطنها ..وقلتلها متى صار كل هذا متى رحتي متى طلعتي متى تعرفتي …!!

وقامت أمل تجعر*تصيح* اكثر فأكثر

وعشان اهلي مايسمعون اصراخي معطتها مع شوشتها وسحبتها في اقوى ماعندي ونزلت من فوق إلى تحت وأنا مازلت ماسكه شوشتها
وهي تصارخ وتصيح خلاآص الله يخليك خلاآص وخري عني والله موبدي والله غصب عني
وهي تقول هل كلام وطاقتي كل مالها تزيد ..
ورحت لأبعد مكان في البيت مجلس الرجال
وفتحت الباب ورمتها بقوه على الأرض وقلتلها الحين تقوليلي كل شي كل شي
ومين الي سوا فيك كذا ولد مين .. وشلون تأكدتي أنك حامل ..قولي لي كل شي والله أن ماقلتي والله لقول لأبوي
قالت انا جايه لمك بقولك كل شي كل الي صار .. وقالت لا الله يخليتس لا يدري ابوي في السالفه
قلتلها طيب وشلون
قالت العمه ماجتن لها اسبوعين وهذا يأكد اني حامل
يوم قالتها خلاص حسيت ان الدنياء تافه وان الأنسان ضعيف وحطيت يدي على راسي والعبره اخنقتن angry
إلا واسمع صوت أبوي ينادي " بنات العشاء جاء يالله تعالو حطينا العشاء ""مصيبة:
من سمعت الصوت هذا قامت دموعي تدحدر وراء بعضها البعض
ابوي ينادينا على العشاء ولا يدري وش صار فينا .. خلاص راح كل مستقبلنا تمنيت الموت يجي ياخذني انا واختي ولا سمعت صوت ابوي .. ينادينا في كل حنيه ابوي الي يخاف علينا من نسمة الهواء كذا جازته *أمل * cry
يوم جلست تقريبا 10 دقائق ابي الوضع يهد وانا اهدى عشان افهم السالفه وشي هي في الضبط

قلتلها آمل قوليلي كل شي خلاص مراح اضربك .. أنا أهلك وعزوتك أذا انا ضربتك والله من خوفي عليك

قالت والله لقولك كل شي والله مراح اكذب عليك انا جايه ابي منك حل ..*وشو عقبه عقب ماطاح الفاس في الراس*

قالت ان العمه تأخرت وأني كتبت في النت أن ام علي متأخره علي وش معناتها وهل لها اضرار ..
وكتبتها في موقع خاص للعرائس .. وقالولي مبروك معنتها انتي حامل وأني يوم مريت على المطبخ وكانت الشغاله جالسه تكشن للعشاء تسبدي بدت تقلب وألي اكدلي بعد
يوم اكلت شورما من المطعهم وانا احب المايونيز مير يصير فني حمو .. )) لا بعد الأخت توحم
وكل هذا يدل على اني حامل
انا جالسه اسمعها احتري يجي دور الرجال ومتى اطلعت عن البيت مع اني خشتها في خشتي أربع وعشرين ساعه..!!
ومير تسكت ..قلتلها كملي للحين انتي ماقلتي المهم منهو ولد الكلب ألي سوى فيك كذا ..!!

قالت بكل بساطه … وراه الكلبه ولدت

مير انا اعصب من جديد .. تستهبلين انتي وخشتك الرجل الي انتي حامل منه .. ولا من وين حملتي

لايكون بعد حامله من الجن ..هذا عاد الناقص
عسانا نسلم من الأنس يجون الجن بعد ..والله ياذا البلشه

قالت وش دخل الرجل في اني اكون حامل …. شكلها تبي تجنني صدق
شكلها تبي تدخلني الأشهار من شدة كماختها ودلختها ..
وجلست ساعات أفهمها الموضوع وش معنا قولت *انا حامل *
اخر شي طلعت اختي فاهمه الحمل غلط على بالها من تأخرت عنه أم علي حامل
لا والله كان بنات السعوديه كلهن حمل قبل يجي الرجال

وبعد يوم جتها العمه .. ابردها الله في العافيه

ياهلا ومسهلا في العمه الي بغت تودي اختي في ستين داهيه

من قالت انها فاهمه الحمل في طريقه دلاخه وغباء مير افطس ضحك
واجلس ابتسي مره ثاني تذكرت شكلها وهي تصيح خلاص مجنونه يكفي ضرب
لكن والله قطعت قلبي .. كل جسمها ازرق
بس وشو عقبه يوم شبعتها من الضرب والصياح

زبدة الموضوع ..

لزم نفهم الأمر في الأول حتى لو كان صدق همين نسوي الأمور الصحيحيه .. في التأني سلامه وفي العجله ندامه

هي مشكلتها ألجأت للنت عن السؤال والأستفسار .. وهذا اكبر غلط احطوها في المعلومات وهي مافهمت معنى الزواج

لزم احنا نهتم في العينات هذي وخاصه انها في مرحلة مراهقه .. وللأسف هم متأثير في المسلسلات التركيه بقوه
لزم نحسسهم في الحنان والأمان اذا ماحسسناهم لزم نكون منهم قراب مانخليهم يلجؤن لأشياء اخر بدون استشاراتنا

والحمد الله على كل شي .. وعلى مايقلون شر البليتي مايضحك

**بس خلتني افوت العشاء وافصل كمبيوتري على سالفه حمل كاذب **

يوم خلص الفلم الهندي رحت طلبت لها على حسابي ارضوتها بدل العشاء الي فاتينا

وسلامتكم ……عاد الحين لاحد يطلع إلا تارك له بصمه هنا ..عشان لو قدر الله انطرد مثل مجنون ايطاليا
ماننساه … ويبتل الواحد يضحك يتذكره