كيفكم حبيباتي ان شاء الله جميعكم وكل أحبابكم بألف خير يا رب.
أكيد الكتير منا بيعرف بسكويتات هارديز وبوبايز اللذيييييييذة بصراحة أنا بحبها وبتعجبني كتييييير
وأنا ألفلف في النت وبالصدفة لقيت وصفة لهالبسكوتات بعدها صرت ابحث عنها وأقرأ معلومات عنها ووصفات كتير ورح أعطيكم نبذة مختصرة عنها
في الانجليزية الأمريكية كلمة بسكويت هو نوع من أنواع الخبز السريع الي ما بيحتاج لوقت للتخمير وبيستعيضوا فيه عن الخميرة بالبيكنج باودر أو البيكنج صودا
طبعا الانجليز بيطلقوا كلمة بسكويت على نوع تاني تماما الي هو البسكويت العادي الي احنا بنسميه بسكويت في العادة
هذه الصورة بتبين النوعين المختلفين من البسكويت الي عاليمين هو البسكويت بالبريطاني (الأميركان بيسموه كوكيز) واللي عاليسار هو البسكويت بالأميركي وهو نوع خبز وهو الي رح نتكلم عنه
البسكويت بيتقدم عندهم أكتر شي عالإفطار
ولكنه أيضا بيتقدم على الوجبة الرئيسية كساندويش متل هيك
او بجانب الوجبة وخاصة الدجاج المقلي متل هيك
طولت عليكم كتييييييييييييير انا آ سفة هلأ بنيجي للمهم وهو الوصفة
بنحتاج في هالوصفة للمكونات التالية
3 كاسات دقيق
واحد ونصف ملعقة طعام سكر
واحد ونصف ملعقة طعام بيكنج باودر
ربع ملعقة طعام ملح
نصف ملعقة شي بيكنج صودا
واحد ونصف اصبع زبدة مقطعة الى شرائح رفيعة ومحفوظة في الثلاجة
بيضة واحدة مخفوقة
كاس واحد من البتر ميلك
في البداية خلوني أحكي عن البتر ميلك هو نوع من الحليب بيكون حامض شوي البعض بيحكي انه هو لبن الشرب عندنا وبما إني ما كنت متأكدة إذا هالكلام صحيح فحبيت أستعيض عنه بالبديل وهو سهل ومتوفر بناخد حليب سائل عادي وبنضيف لكل كاسة منه ملعقة كبيرة خل أبيض وبنتركه في حرارة الغرفة ربع ساعة وهيك بيصير عنا البتر ميلك جاهز
بنبدأ في البداية بخلط المكونات الناشفة في وعاء عميق الدقيق والسكر والملح والبيكنج باودر والبيكنج صودا وبنخلطهم مع بعض
بعض وبعدها بنخرج الزبدة المقطعة من التلاجة
وبنضيفها عالخليط وبأطراف أصابعنا بنبدأ بفرك الدقيق والزبدة ببعض حتى يتداخلو ويصير عنا الدقيق بشكل متكتل
بعدها بنعمل حفرة في الوسط وبنصب فيها البتر ميلك
وبواسطة شوكة وبخفة بنخلط المزيج حتى يتجمع على بعضه بعدها بنرش سطح العمل بشوية دقيق ونضع العجين عليه أهم شي بهذه العجينه انها ما بتحتاج لعجن كتير بالعكس هي بتحتاج لأقل مقدار ممكن من العجن فلازم نعاملها بنعومة وما نضغط عليها ولا نعجنها بشدة
بنفرد العجينة بنعومة بشكل مستطيل بعدين بنطويها من الجانبين على بعضها
وبنرجع نفردها بشويش ونطويها مرة تانية هدا الشي بيساعد انها تكون طبقات عند الخبز
بعدين بنفردها بايدينا بهدوء ونعومة لحتى تصير بسمك 2-3 سم تقريبا ونقطعها بقطاعة البسكويت أوبكاسة حادة
ونضعها في صينية مغطاة بورق زبدة وندهن وجها بشوية حليب أو اذا بتحبي لون قوي ببيضة مخفوقة مع ملعقة حليب سائل
وبإحدى الوصفات نصحنا الشيف انه نضغط على كل قطعة ضغطة خفيفة بإصبعنا في المنتصف وقال انه هذا بيساعد انها تنتفخ بشكل متساوي من جميع الجهات وما تميل لجهة معينة عند الخبز
ثم نضعها في فرن مسخن مسبقا على حرارة 200 لمدة 15 دقيقة أو لحتى تتحمر من تحت بعدين بنفتح عليها من فوق حتى تتحمر وهيك شكلها لما تخرج من الفرن شوفو كيف نفشت وبتكون هشة ولذييييييذة
طبعا يفضل أكلها وهي داافية لكن حتى لما تبرد بتضل لذيذة
وهاي بعض اقتراحات التقديم
هون قدمتها عالإفطارمع زبدة ومربى
وهون مع نوتيلا
وهون للعشا حشيتها دجاج فيليه مشوي مع جبن سلايسوبندورة وكاتشب وعجبت ابني كتيييييييييير
وبيكون هيك خلصنا
وملطووش لعنيناتكم 
يب مآطلعت الصور 🙂 ‘
يعطيك العآفيةة آختي ’