*ذاكر سعتنين بتركيز كأنك ذكرت اليوم كلو (الغريب اما تقعد تذكر سعتين يقولو و هي دي مذكره.
*مذاكرة ايه دا اللى على السرير.
*بلاش البرفان وانتى نازله.
*يا ابني تعالي اقعد معانا ولا انت ماجر اوضه جوه البيت ……
* ابقي نشف الحمام بعد ما تخرج منه.
* يا خويا ياراتك حافظ الدروس اللى عندك زى ما انت حافظ الاغانى كده .
* اعملى حسابك اول م الدراسه تيجى الرسيفر هيتشال هو
والتليفزيون.
*قبل الفجر: ارجع بات في المكان اللي انت جاي منه.
* لو كانت اللي علي التليفون طنط سلوي قوليلها ماما نايمة .
* ابقى قابلني بكرة تاخد بالجزمة وتاكل كل حاجة غصب عنك.
* عيشه تقصر العمر والواحد هيلاقيها منين ولا منين وانا خلاص زهقت وجبت اخري وانا عارفه مش هترتاحو غير لما اموت.
يابنى حرام عليك هات قناة الناس الشياطين ماليه البيت.
* امشى جاتك مشش فى ركبك .
* جتها نيلة الى عايزة خلف تيجى تتفرج .
* متحطيش الموبيل جنبك و انت نايمه هيجبلك تخلف عقلي .
*ذاكر ياموكوس مش فالح غير فى الهيافه والكلام الفاضى.
* متتأخرش وهات عيش وانت جاى .
* هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .
* كل يوم هات هات لمة ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملة.
* هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج).
*أوعا حد يضحك عليك ويقولك جرب السيجارة دي.
*ابقى ورينى مين حينفعك فى الاخر من شوية الصيع الى انت مشيلى وراهم .
* قوم اقرا لك كلمتين ينفعوك .
* وطي المدعوق ده شويه .
* مش ملاحقه علي التليفون ولا الموبيل عملالي فيها الست المهمه.
*برة البيت بتضحكوا وجوة البيت لاوى لنا بوزك ………… خلي شوية اصحابك الصيع ينفعوك.
*لما ما ترضاش تاكل في البيت:طبعا مانت اتعودت علي اكل بره .
* عيب … لازم تحترم اللي أكبر منك .
* لو شفت خناقه ما لكش دعوة بيها .
* كريم دا عيل بايظ وماتمشيش معاه تاني .
* مين منى دي انتى كل يوم تصاحبي واحدة جديدة ؟.
* هياا الوزيرة معندهاش وزاره النهارده قومى يا حبيبتى الساعه10 .
* انته مبتكلش جزر ليه .. اجيبلك برتقانه. طب كل سلطه .
* يبني بأسلوبك ده مش هتعيش معاك واحده .
* قومي ساعدي امك ده اللي هيتجوزك أمه داعية عليه.
* اوعى حد غريب يديلك حاجه تاكلها و تشربها و تاخدها منه .
* يا ابني حرام عليك الى بتعمله فينا ده.
* انا سايبالكوا البيت وماشية ومش حتشوفوا وشي تاني .
* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.
* وانت فاكر احنا مستنيين منك حاجه .
* انتا لو فلحت تبئى تيجى (احم احم ) متهيئلى معروفة على قبرى.
* ابقي قبليني لو فلحتي …بس ديما مش بيقلوا نقبلهم فين!!! غربيه .
*مين اللي ساب باب التلاجة مفتوح.
* كفايه رغي في التليفونات .
*لما الولد او البنت ماتاكلش تقعد الام تقول وشك بقى عامل زى اللقمة المقمرة هتتعبى ومش هتقدرى تروحى الكلية و هلف بيكى على الداكترة.
* اطفي التلفزيون وقوم ذاكر ولا و خش اوضتك .
* بلاش تمشى حافى البس شبشب وانته داخل الحمام .
* ما فيش مذاكرة على المزيكا .. وازاى بتذاكر و البتاع ده شغال جنبك .
*فلوسك بتروح فين يا هبله انتي بتصرفي على الصبيان؟؟.
*مع ان الواحد كل سنة بينجح و رغم كدة يقولولك ابقى تف على وشى لو نجحت كل سنة الكلام دة :D:D .
* ماتتأخرش علشان عندك كلية بكرة بدرى.
* انا عارفة ازاى المك .
* انا : ياماما بقه ايه ده ؟؟؟
ماما:مووو لما يخدك .
* ادلعى ياهبة فى ايامك المهببه .
* ده منظر اودة بني آدم ، انت عايش فيها ازاي؟.
* هو انا الخدامه الى ابوكم جبهلكم .
* الى يطلع من الاوضه يطفى النور وراه .
*أبوك عندك أهو اتصرف معاه .
* اللي بيشيل قربه مخرومة بتخر عليه لوحده ..
* لو مش فاهم حاجه ارفع ايدك و قول للأستاذ مش فاهم .. متتكسفش .
* يأبنى المذاكره مابتخلص …. نفسى اشوفك مره ماسك كتاب.
* اعمل حسابك مش حندخلك جامعه خاصه.
* قالب ليلك نهارك طول الليل صاحى وطول النهار نايم
طبعا ما حضرتش ولا محاضرة ولا سكشن , وطول اليوم صايع بره البيت .
* مالكش دعوة بالسياسة .. وماتمشيش في مظاهرات .و امشي جوا الحيط :D:D .
* احمد ربنا الاكل الى مش عجبك ده فى ناس مش لقينه .
*والله لو منضفتيش الشقه ومسحتيها ما في نزول النهرده .
* قومي سخني الأكل لأخوكي.
* ابوكم كان دايم بيطلع الاول على الفصل… " لما كلهم كده امال مين الى بيطلع الاخير .
* ومن اشهر الجمل الى بتتقال كل يوم بعد الاكل :
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.
* ( حضرتك راجع البيت متأخر و عاوز تتوه الموضوع وانت بتكلم مامتك )
انت : ماما عاملة ايه مش عارف ليه حاسس انك وحشتيني يا ست الحبايب
مامتك : وحش اما يلهفك كنت فين ياد يا صايع انت ؟ ايه اللى رجعك متأخر امبارح ؟؟
ريحانة الفؤاد
برد عليكي بالشامي
ولي على طولي شو مهضوم 
شو هالحكي الحلو هاد يؤبشني حكايتكم شو حلوين
يا هيك الحكي يا بلا بس كلو خناء بخناء شو اصتكم
مزاجك حلو يا ريحانه وروحك حلوه وفكاهيه
لك روحي الله يرضى عليكي شو مرضيه
.
برد عليكي بالشامي
ولي على طولي شو مهضوم
شو هالحكي الحلو هاد يؤبشني حكايتكم شو حلوين
يا هيك الحكي يا بلا بس كلو خناء بخناء شو اصتكم
مزاجك حلو يا ريحانه وروحك حلوه وفكاهيه
لك روحي الله يرضى عليكي شو مرضيه
.
والله انتم اللى كلامكم عسل عسل عسل
مشكوره اخى مخاوى على مرورك الرائع
يعنى ايه
يؤبشنى اوعى تكون شتيمه
اه ازعل
كل سنه وانت والاهل بخير
انا عارفه مامتك بتقولك ايه
بس بلاش أقول هههههههههههه
بجد موضوع رائع من ريحانه الاروع
[]انا عارفه مامتك بتقولك ايه
بس بلاش أقول هههههههههههه
بجد موضوع رائع من ريحانه الاروع
ميرسى ياضحى على مرورك الرائع
وخلى الطابق مستور وبلاش الكلام هههههههههه
تحيتى ليكى ياقمر
[]ميرسى جدا جدا على المرور الرائع
يسلموووو
في آلعائلة o.O
.
.
.
.
… .
اذا صليت. » ما بشوفوك 😐
اذا آشتغلت. » ما بشوفوك 😐
اذا بكيت. » مابشوفوك:|
اذا درست. » مابشوفوك:|
بس امسك الكمبيوتر او اللاب وافتح النت الكل. »» بشوووووووووووووفك
:((
وبحكولك : 24 ساعة قاعد على الزفت بتخرب عيونك
هااااااااي معروفة عند الكل
يسلمووووووووووو