انا عملت اصابع الجبنه المقليه وطلعت حلوووة اوووى واكيد الكبار والصغاااااار هيحبو
المطلوب*****
جبنه رومى وبيض ولبن ودقيق وبقسماط مطحون وزيت
الطريقه*****
بتجيبي طبق وتحطى فيه بيضه وشويه لبن وحطى شويه ملح صغيرين خاالص علشان الجبنه الرومى حادقه وشويه فلفل اسمر صغيرين وتضربيهم كويس
بتجيبي طبق وتحطى فيه بيضه وشويه لبن وحطى شويه ملح صغيرين خاالص علشان الجبنه الرومى حادقه وشويه فلفل اسمر صغيرين وتضربيهم كويس
وطبق فيه دقيق
وطبق فيه بقسماط وياريت ريتش بيك وده صورته
وتقطعى الجبنه الرومى صوابع بالشكل ده
نجيب قطعة الرومى ونحطها فى البيض واللبن وبعدين نحطها فى الدقيق وبعدين نحطها تانى فى البيض واللبن وبعدين نحطها فى البقسماط وده هيكون شكلها
وبعد كده نقليها فى زيت ساخن وغزير خلى بالك هتحمر بسرعه وطلعيها على مناديل مطبخ علشان تصفى الزيت
وهتكون مقرمشه جداا والجبنه سايحه فى النص وجميلة بالشكل ده
وقدميها لاولادك هيحبوها جدااااا وسهله وسريعه
بالهنا والشفا ويارب تكون عجبتكم
تسلم الايادي
الله يعطيك العافية
الله يعطيك العافية شكلها مشهي
ينقل للآنسب
شكلها زاكيه
تسلم ايدك يا قمر
تسلمي يا الغلا
يسلمو على المرور
