{ أول مره في حياته يتفشل قداام أخووه الصغير ~ !! 2024

هذي قصة أول مره اتفشل فيها قدام اخوي (( الصغير))..وش السالفه ..
اخوي معطل..ثالث ابتدائي..دخل علي بالغرفه وانا جالس اتفرج عالستالايت الفجر..قال : تعال قم جووعاااااااان مره..قلت ياخي اقلب وجهك وش شايف غرفتي مطعم ؟؟
قال الله يخليك ناصر مااعرف اسوي شي .. ياربيييه وش السوات ؟؟ اخاف يفطس واتحسف..

قلت امري لله .. امش ياوخيي يالمزعج .. وفتحت له الثلاجه قلت يله وش تبي؟؟
قال ابي هذا.."أشر على هت دوج مثلج" قلت لا والله ؟؟
تراني ناصر مب امي اعرف اطبخ..قال ماعلي ابي ذا .. وصكيت الثلاجه بقوه وقلت اقول بس يله مع السلاااامه ..

ويسحبني مع ثووبي..تعااااااال بمووووووت .. قلت مع السلاااااامه مت ..
قال الله يعافيك ناصر سو لي هت دوج .. قلت ماعرف يااخينا…قال الا بالمايكرويييف.. قلت مااعرف وش اضغط مااعرف شي .قال اجل ودنيييي السيفوييي تفتح كل يوم ""قصده 24 ساعه""قلت هاه ! دام السالفه فيها ودني..

اجل وين المايكرويف اعرف اسوي هت دوج .. واروح للمايكرويف واقرا كلمات بالانجليزي واروووح أترجمهااا .. ولقييت تسخين .. وحطيت الهت دوج واحط تسخيييين والاخ راح مدري وين وانا استناااه يقظي..
المهم خلص التسخين وطلع صوت ((طوط طوط طوط))3مرات يعني خلص ..

واناظر ..مااستوت..واعيييدها مره ثانيه وكان عاجبني الصوت .. ويوم خلصت طلع الصوت مره ثانيه ((طوط طوط طوط)) أجلس ارقص عليها .. طوط طوط طوط .. وانا ارقص الا على جية اخوي .. وقال يوه ناصر ليش ترقص .. خخخخخخخخخخ

انا تفشلت قلت لا بس بيت الجيران مشغلين اغاني وجالس ارقص.. قال يانصاب اصلا انا طلعت الشارع وكانت انوارهم مسكره ..
قلت طيب تعال حبيبي خذ الساندويتش حقتك..قال لا انت ودها فووق بغرفتي قلت طيب عالطريق غرفتي ..وأرقيها غرفته يوم دخلتها وش شفت ؟؟ تعرفون قوارير البيبسي الجديده ؟؟

اللي مكتوب فيها اسامي اللاعبين ؟؟ ايوه هي .. وكل اسامي اللاعبين فيها والمشكله فاااضيه ومرصوصه فوق سريره ..تحلفون الجميح .مصانع تعبأة البيبسي..المهم نرجع للسالفه.. ..

وقام يناقز .ناصر يرقص على صوت المايكرويييف اخوي مجنوون ناصر مهبوول ناصر غبي .. وجالس اقول بنفسي والله انه صادق .. قلت الاغاني ارقص على صوت مايكرويف ؟؟ منب صاحي ..

وجا الظهر من بكرا .. ويجي خالي يسلم علينا .. وذالصغير هو اللي فتح .. وقال خالي ..فااااتك امس ناصر صار مجنووون .. خالي استغرب قال وين ناصر ؟؟
وناداني وقال ناصر وش اللي صرت مجنون؟؟قلت وشو ؟؟ قال ان اخوك أول مافتح الباب قال فاتك ناصر صار مجنون ..

واناظره هو وراه قلت لا يمزح بس عشان امس كان زهقان وجلست اسويله حركات ويقول لي ماشاء الله عليك ياناصر انت مجنون .. قلت ايوالله شفت ياخوي وشلون انا مجنون .. وهو يناقز وراه ..
نصااب كذااب ..كان يرقص على المايكرويف..وأسحبه بسرعه..قلت تعال واقفل عليه بالغرفه اللي جمب مجلس الرجال ..

ودخلت خالي المجلس ..وقال وشلون ترقص على المايكرويف ؟؟ قلت لا.تخبر ياخال بزارين والنصب معاهم على طول..وهو يخبط بالباب خااااااالي تراه نصاااب يرقص على المايكرويييف ..

ودي اني بقسته مع كرشته عشان يطلع الهت دوج اللي ماكلها امس مني .. المهم طلع خالي وفتحت له الباب وكان نايم على الارض ..ورحت قومته ويناظرني بالعيون اللي توها قايمه مين انت ناصر المجنون ؟؟

واشيله مع ذراعه اقومه من الارض قلت قم بس قم ..

وهو يمشي شوي شوي كان نايم ويقول والله انك نصاب ..ناصر مجنون ناصر مهبول.. واقول لا اله الا الله مانسى حتى وهو نايم .. وارقيه غرفته وخليته يناام ..

وانتهت الساالفه .. وشرايكم باللي صار..وش تسووناذا اخوانكم فشلوكم وفضحوكم قدام كبار .. وش موقفكم ..

يسلموو على ردك الحلووو ..
و ليش ما كملتيهاآ تراها تضحك .. =]
ولا تحرمينا من طلاتك ..

[ احلى دوسرية ]

مشكوورة على ردك و مرورك المنورين ..
ولاآ عدمآنك ..

[₪₪]

مع حبي و تقديري
»Soft Girl«

[ اشعة الشمس ]
مشكووورة على ردك و
مرورك المنوورين ..

[ السوسة ]
يسلموو ع الرد الحلووو ..

[ هنوووي ]
هههههه .. ليش ؟؟
يسلمو ع الرد ..

[ نوارة ]
شكرا ع الرد ..