ابي حل لجدتي 2024

السلام عليكم ورحمة الله وبركاته

هذي القصه حقيقيه

الله يسلمكم انا جدتي الله يخليها ويرد عليها عقلها ساكنه معنا في البيت … عجيز منتهيه

صلاحيتها , طايحه كل ضروسها الا واحد ما بعد طاح مدري وش يحتري

ما ادري هي بالضبط من مواليد اي سنه لكن هي تقول انها لاحقتن سنة الغرقه وسنة الرحمه

وسنة السلال وسنة الجدري ومع كل هالمصايب ما ماتت 😀 …. قلت لها ما شاء الله عليك يا جدتي

كل هالمصايب ولا فطستي وش السبب ؟؟؟ قامت وطلعت من صدرها بور

هورس (power Hors) وقالت: السر في شراب القوه <<<<متأثره بالدعايات

خخخخخخخخخخخخخخخخ

جدتي تنام بدري وما تجي الساعه 8 الليل الا وسعابيلها طالعة من تحت باب غرفتها …. وتقوم

بدري قبل الديكه وبعد ما تصلي الفجر تصلح زل قهوه تشششششششش قهوه دايمه يا شيخ ….

واذا تغدت تبطح وترفع رجليها وتقعد تحل واجب القراءه ثم تمشط طرف الزوليه ( شعرها )

وتروح لمحو الاميه مع جاراتنا ام عشيش ومزنه … كذا كانت حياتها وليتها للحين كذا…:

انا كل يوم اشغل النت وادور المواقع التعليميه والمفيده<<<<—-واضح انه

صادق ) وهي تجلس وراي معها كتاب النشيد وتقول سمع لي انا في الروضه وايا

اصحابي …. ومع الايام قالت لي

ابيك تعلمني على النت , قلت لها ما بقا الا هي عجز اخر زمن ما عندنا بنات يطلعون على

الشات … قالت لي انا عجيز تكفى علمني ولو بغيت ادشر ما احد باغيني….. والله واقنعتني ..

علمتها على النت وقالت لي علمني كيف اسوي ايميل ؟؟؟ قلت باسوي لك قالت لي لااااا يا

وليدي انت ما سمعت المثل الصيني اللي يقول ( لا تعطيني ضب ولكن علمني كيف اصطاد الضب )

<<<<ضبان وفي الصين الله يخسك ياجدتي

… علمتها وصار عندها مسنجر واقلقتني كل ما جلست على النت ربع ساعه قالت لي قم يالله

انا ابي الجهاز وانا اقول في خاطري يامن شرا له من علاله حله….. وصارت تطول على المسنجر

واحيانا ما تطلع الا الفجر , وبدت حالتها تتغير …

شبكت واحد لبناني اسمه انطوني على المسنجر وصارت تسهر معه للصبح ويقول فيها قصايد

وهي تتشقق من الضحك ( والضرس الوحيد يرقل في فمها ) كل

هذا صار وحنا ما ندري …

يوم من الايام قامت من النوم ودخلت المطبخ قالت لنا وش الفطور؟؟؟ قلنا بيض وجبن قالت هذا

اللي كبر كروشكم يالسعوديين <<<<( وش عندها اليزابيث)…..

ليش ما تفطرون على طماطه

وخياره وتغدون حمص ومتبل وما تتعشون لزوم الرشاقه.. .. وصارت كل يوم تفطرنا وتغدينا

حمص ومتبل وتبوله وكبه وعجه الين اسفرت وجيهنا

دخلت مره عليها ولقيتها لابسه شورت ومتمغطه تتدرب وقدامها التلفزيون على برنامج ما الك الا

هيفا .. وقلت لها الشله التعبانه اللي تماشينها في المدرسه اتركيهم وبالذات ام عشيش ..

وروحي غيري ملابسك والبسي البرقع ولا عاد اشوفك تتابعين مثل ذا البرنامج …. يوم راحت

واقعد انا اتابع هيفاء:

المهم ان الحرمه بدت تنقلب لبنانيه ما عاد تغني الا اغاني اليسا ونجوى

<<<<( الله يرحم ايام تسجيلات الوادي الاخضر) وتقول لي جيب الطنجره اللي هون

واللي هونيك يا حبيب ألبي …

وبين كل كلمه والثانيه تقول انطوني قلت لها وش انطوني ؟؟؟ قالت لي لا لا لا يروح فكرك

بعيد انا اقصد عطوني باللبناني <<<<عاش مصرف…… خخخخخخ

أنا بعد كل هاللي صار شكيت وقلت اكيد تحب … بس منهو ردي الحظ اللي بتحبه ,, وتعبت

وانا افكر عجزت القا واحد يناسب لها .. لكن اقرب واحد هو جارنا ابو صويلح … والله وامسك

جارنا ابو صويلح واقول له : عيب عليك والله عيب هذا كبرك وتسوي هالحركات وش خليت

للمراهقين .. وياخذ المعدال ويصكني على جبهتي الين اقنعني انه مهوب هو اللي تحبه جدتي .
..

وفي مرة من المراريت دخلت غرفة جدتي ولقيت رساله كاتبتها تقول فيها :

انطوني ..
احبك .. احبك ..
عدد ما اكلت من مريصيعات … عدد عمري اللي فات ….
احبك .. احبك …
حب الخروف للبرسيم …
ما تنلام لو تسهر … لانك حبيت الريم ..
يا رب ليله تجمعنا … واشرب ميرندا وتشرب تيم …
والله محتاجه لك ..
حاجة السباك للمفكات … وحاجة الكهربائي للمبات ..
انطوني … امموووااه<<<<<<<<يلعن ام الكلماااات الي كذا

بعد ما قريت هالرساله دارت بي الارض , وشلون اواجهها بذا الامر , وكيف اخلصها من

انطوني ..

انا استشرت واحد من اخوياي قال لي اشتر لها كاميرا وخل انطوني يشوفها في المسنجر

عشان ما يرده الا زحل … لكن هذا مو حل للمشكله .. ارجوكم ساعدوني يا ناس جدتي تتضيع

مني!!!!