احب اشرككم فى مشكلة ظهرت وانتشرت
الا وهى النت واستخدامه وخصوصا الشات بص با
البنت من دول تدخل على الشات علشان تتعرف على
ولد ومجرد الباشا ما يقول لها كلمتين حلوين تقع الاستاذه
وتقول انا بحبك واموت فيك ومش بنام الليل من التفكير فيك
والتانى اهو لقيه حاجه يتسلى بيها يعنى لقى مصلحه
بدل ما يجى ينام او يطلع يسرح او يقف على النصيه اه بيقف على نصية النت
بعد كده يوعدها بالجواز وخد عندك ابعتيلى صورك وتليفونك ولو واد مخلص ممكن يتكلم فى حاجات غير مباحه
وتكون على قلبهم زى العسل وبعد ما يزهق
يقولها بابا مات او ماما ماتت وانا كبير اخواتى ويعينى هاضحى بسعادتى علشانهم وشوفى حالك
موت ابوه او امه هههههههههههههههههههه هم يبكى وهم يضحك
وهى يا ولداه تقول انا قلبى انكسر ومش هاحب تانى وكلام من الشكل ده
ويغمى عليها ويجبولها الدكتور وترقد فى السرير وهتموت من حبها ليه وهو سارح مع واحده تانيه
بالله عليكم
ياترى لو انت ولد او بنت ترضى او ترضى تتجوز او تتجوزى من على النت
ولو ليك او ليكى اخت او اخ ترضى او ترضه انه او انها تتجوز او يتجوز من على النت
سؤال محتاج اجابه وموضوع محتاج وقفه
يا ترى العيب فى مين فينا ولا فى النت ولا فى ايه بالظبط ولا فى الزمان الى احنا فيه,,,,,,,,,,,,,,,,,,,
نعيب زماننا والعيب فينا وما لزماننا عيب سوانا
اتمنى مشاركتكم
مش مهم المهم بالنسبه لموضوعك
موضوع جميل لنقاش
واحيك عليه
بس ليه اساسا من البدايه
يكون فى خصوصيه مابين ولد وبنت
اولا احنا منعرفش بعض
يعنى ممكن ننخدع فى الشخص
صداقه مااشى واخوه كمان
بس كلام خارج نطاق الاخوه والصداقه
يبقا شكرا سلام عليكم
فى ساذجه تانيه ممكن ينفع معاها الكلام ده
الحب مش تجربه علشان تبقا على الشاااات
واللى بتلف وتتعب بتتعب نفسها ليس الا
والشباب ماشاء الله مش مقصرين فى الكلام
ذى مقلت انت تسليه وجت لغاية عندهم
بس التسليه دى سواء عند الولد او البنت
فىها تفريق صحيح فى المجتمع
بس حسابها عند رب العالمين واحد
يعنى المفروض الطرفين يتقوى الله فى نفسهم قبل اى شىء تانى
ومفيش انسان معصوم من الخطاء تحياتى ليك
اختك من انا ؟
شلة احلى الاوقات
معا لصداقه تدوم زمانا
ومشكور على رايك بس احنا فى واقع
وانا شوفت واتكلمت مع بنات بتحب شباب على النت
وعمرها ما شافته
على العموم تحياتى ليك وشكرا على مرورك
لايوجد حب على النت
ممكن يكون اعجاب بشخص ما من طريقة حواره او كلامه او مواضيعه
مجرد اعجاب بشخصيه وخلاص ودا بيكون عن طريق المدونة
لكن بالنسبه للشات انا لا ارجحه نهائي
لأن معظمه او بمعنى أدق كله
كذب في كذب
مجرد تضيع للوقت مش اكتر
واذا شاب اتعرف على بنت
واتكلم معاها وحبها او هي حبته دا مش بيكون حب
دا بيكون مجرد عمليه تعود
اتعود يكلمها وهي كمان
لكن اللي يقول حب يبقى كذاب
لأن الحب عباره عن مراحل بيمر بيها الانسان
احساس صادق بين الطرفين
شعور شفاف نقي مبني على الصراحه والوضوح
لكن الشات كله كدب
كل واحد بيرسم لنفسه الشخصيه اللي بيحلم بيها
وقليل جدااااااااااااااااااااا
لما تلاقي حد صريح
وممكن قوي تتعرف على بنت وهي ولد والعكس كمان
ههههههههههههههههه
يعنى من الاخر انا شايفه ان الشات دنيا مزيفه
ودي مجرد وجهه نظر
تقبل مروري
سمسم
واسعدتنى برايك
لا تعليق فقد وضحت وافضت
وكنت اتمنى ان ارى تعليقك على هذا الموضوع
واتمنى مرورك على كل موضوعاتى
الحب علي النت يكون ناجحا
ويحب الانسان بقلبه فعلا
ولكن الظروف حوله تجعل هذا الحب مستحيلا
ولذلك يضطر الي انهاء هذا الحب
مجبرا وليس بيده
شكرا علي هذا الموضوع اخي العزيز
الحب علي النت يكون ناجحا
ويحب الانسان بقلبه فعلا
ولكن الظروف حوله تجعل هذا الحب مستحيلا
ولذلك يضطر الي انهاء هذا الحب
مجبرا وليس بيده
شكرا علي هذا الموضوع اخي العزيز
ايه اللى يجبره من الاول على خوض التجربه والتسلى بقلوب البنات
الا لو انسان عديم الضمير
بجد صقر موضوعك رائع واتمنى ان الانسان قبل ما يفكر يخدع البنت
يتذكر انه سبحانه وتعالى يمهل ولا يهمل
اشكرك صقر على موضوعك
ولكن هو القلب الذي يامره ان يحب