يقول الشيخ:
إحدى محارمي تشتكي لي من زوجها
تقول والله مابقي شئ في خدمته.. في خدمة اولاده.. في بيته إلا فعلته!!
تقول وسبحان الله ما في شئ يملى عينه ودائما في سخط علي تقول مابقى شئ استنفذت كل شئ احرقت نفسي حرق
تقول حتى إني في صلاتي افكر كيف أرضيه!!
قلت ولن ترضي ولن يرضى عنك مادام انك حتى وانتي بين يدي رب العالمين وتقرأين كتاب رب العالمين تفكرين كيف ترضينه!!
لن ترضين ولن يرضى عنك
قالت والحل
قلت الحل :
ما مطلوب منك ترضين الناس كلها تحرقين نفسك كل ساعه
قالت كل الساعات
قلت ابغى ساعه في ثلثي الليل الأخر تقولين
(يا ربي لا أسألك إلا رضاك)
وتبدأين تسعين كله بس عشان يرضى سبحانه اذا رضي يرضي الكل حتى الملائكة يرضيهم عنك حتى جبريل
ملائكة يطوفون سبعين الف في البيت المعمور يدعون لك
قالت وغيره
قلت مافي غيره
قالت طيب في دليل من القرآن
قلت يقول الله عز وجل: { ومن آياته أن خلق لكم من أنفسكم أزواجا لتسكنوا إليها وجعل بينكم مودة ورحمة إن في ذلك لآيات لقوم يتفكرون}
من اللي جعل بيننا مودة ورحمة هو والا احنا اللي بتعاملنا
لاااااا وجعل هو اذا ماجعل هو والله لو ازعل ليل نهار ما يصلح مسائل القلوب
لا يملكها الا الله
قلت القضيه عند رب العالمين انتي ارضيه يرضيك الله عز وجل في كل شئ
راحت بعد شهر هي من محارمي إلا تجي وتقبل رأسي
انا ناسي الموضوع
قالت : اقسم بالله اني ما أسوي 20 % من اللي كنت اسويه اول واقسم بالله انه صار يسوي لي اكثر من اللي كنت اسوي له بأضعاف
تقول صار عندي هم ان ارضي رب العالمين
ما شاء الله تبارك الله الله يزيدهم
في معادلة في القران قال تعالى (رضي الله عنهم ورضوا عنه)
ووردت هذه الآيه في كتاب الله سبحانه وتعالى أربعة مرات:
سورة المائده آيه 119
التوبه آيه 100
المجادله آيه 22
والبينه آيه 8
سبحان الله سبحان الله نقدر نوصل لحاجات ماكنا نقدر نوصلها اذا طبقنا مافي هذه الآيه
من كان مع الله كان الله معه
الله يثبتنا على الدين ويرضى عنا
جزاك الله الف خير
مشكوره يالغلا ع الطرح المفيد
عساه بموازيين حسناتك
ويعطيكك العـآفيهـ مـآننحرف من جديد ~غلآتـي~
مشكوره اختي عالموضوووع وجعله في ميزاان حسنااتك..يارب
بنتظاار جديدك بشششششششششوق
وفقك الله حبيبتي
