الذيب
اني ما نادم على ما فاتني
لا ولا نادم على خل غدر
بس انه نادم على من خانني
الشاركاني خبزتي يوم السفر
الزمن مسكين ليش اتعاتبه!
عاتب الصاروا مصادر للخطر
واحذر ابدنياك سوء العاقبه
أوشور عقلك ترى عقلك مختبر
والشهامه على المثلك واجبه
خل كفن دنياك ثوبك للقبر!
وخلي شخصك والضمير ايحاسبه
واحذر اعله المنقصه اتغض النظر
الذيب مو سهله يخون ابصاحبه
اااااالخيانه انوجدت ابدم البشر
وهاي دنيه عاليخون امقلبه
أبد ما تصحى إوتراويه العبر
أشما ترفعه للحقاره اتقربه
تالي ينظر نفسه ابكلشي خسر
وماكو داعي لليخون اتجربه
الخان مره ايعيش كل عمره قذر
لو تدخله البحر لأجل اتطيبه
ميتنظف راح ويوسخ البحر!!!
بقلم
حسين الساعدي
ننتظر جديدك
اختيار رائع ………..
ننتظر جديدك
مرورك اروع ايتها الشاعره
دمتي بخير مع اجمل تحياتي
اختيار رائع ………..
جنات ممدوح
مروركم اروع
لكم اجمل تحياتي
ولكن الابيات غير مفهومه
وشكرا ..
ولكن الابيات غير مفهومه
وشكرا ..
هههههههههه
اشعجب ما مفهومه عندك!
على كل حال اي شي تريد تفهمه استنسخه وبالخدمه
شكرا لمرورك
تحياتي
ولكن الابيات غير مفهومه
وشكرا ..
لازلت انتظر سؤالك حتى اوضح لك ما لم تفهم معناه شكرا لك
تحياتي
وتسلم يمناك على النقل ارئع
تحياتي للشخصك