قالوا زمان
الرجوله مواقف والنداله دروس
والمعني جميل وواضح
كل موقف صعب بيمر عليك اكيد بتقدر تميز في اصحابك بين الذهب والصفيح في معدنهم
يعني مواقف الرجوله بتحدد لك الذهب والجواهر منهم
ومواقف النداله بتعلمك درس عمرك ما حتنساه
النداله انواع
انما افظع انواع النداله لما تبقي عارف انها نداله
يعني
تبقي ناوي تندل مع شخص معين وانت عارف ان ده اسمه نداله
يعني
نداله مع سبق الاصرار والترصد
اجمل شئ للشخص الندل انك تسقطه من حساباتك خالص
تشطب علي اسمه من حياتك بعلامه اكس كبيره
لا امسح اسمه افضل من قاموس حياتك
وعلي راي الحكمه اللي بتقول
عتاب الندل اجتنابه
انما ليه الواحد بيبقي ندل
الاجابه ببساطه شديده
لأن الندل اناني وغيور ومصلحجي بالبلدي كده
يعني لو مالوش مصلحه عندك يبقي مالكش لازمه عنده
تبقي النداله معاك سهله
صديقي العزيز لا تكن ندلا حتي لا تتصف بالحقاره
النداله حقاره
واخيرا علي راي رسايل الموبايل
صاحبك الندل لا تعاتبه ولا تلومه
ده زي البقع لا يطلع برابسو ولا بأومو
بالمناسبه نكته عن واحد ندل
حرامي وندل اتفقوا ان الحرامي يعلم الندل السرقه والندل يعلم الحرامي النداله
الحرامي قاله تمد ايدك كده وتحطها كده في جيب الزبون
وتطلع المحفظه كده بالراااحه وبس كده تبقي اتعلمت السرقه
علمني النداله بقي
الندل مسك الحرامي من رقبته وزعق بعلو صوته
حراااااااااامي
((((((الأندال يمتنعون)))))))