العرض هيبدأ والكاميرا
ف ايدين المخرج وياكي
ده نصبلك فخ ومنتظرك
صيده والصياد سهاكي
إياكي إنتبهي وإياكي
هيقولك ولهان وبحبك
بتمنا أشوفك وأنا أجيبلك
النجم اللامع ف العالي
بس أبقا لوحدي أنا وياكي
إياكي إنتبهي وإياكي
راح يحلف بالحب الطاهر
أو يعمل روميو ويتظاهر
بالأدب المليان ف عروقه
وحفاظه عليكي وبرضاكي
إياكي إنتبهي وإياكي
إياكي لتنسي بإنك بنت
راح تبقي فضيحة إنترنت
أنا عن تنبيهك عمري ما غبت
بس أوعي تتبعي هواكي
إياكي إنتبهي وإياكي
هيقولك ف الشارع توبه
الطوبه هتيجي ف معطوبه
لو شافك أبوكي وأنا بقابلك
ف الشارع راح تبقا مصيبه
ف الشقه هنكون ف أمان
لا عيون هتشوفنا ولا ودان
هوصفلك حبي وهحكيلك
عن قلبي الدايب ف هواكي
إياكي إنتبهي وإياكي
الموت أسهل من مرواحك
الكلب إستندل وأباحك
لعيون العالم والفرجه
لحمك وهيامك وصراخك
أشياء وتعبتي تخبيها
بأيديكي جيتي وجيبتيها
العالم يتحقق فيها
والندم القاتل يملاكي
إياكي إنتبهي وإياكي
مساهمه من احد اعضاء حمله حتى لا تكونى نجمه الكليب القادم
ارجو ان تنال اعجباكم وان تؤتى ثمارها
صراحة الكلمات رووووووووووووووووووووووووووعة