الفرق بين سنه اولى زواج وسنه عشره زواج 2024

الساعه 6 المغرب
تسبل عيونها وتقول بكل خجل ياريت ياحبيبي .. يعني لو
ماعليك كلافه .. يعني إذا تقدر توديني شوي لبيت أهلي إذا كنت تقدر ياعمري وقبل ماينطق بكلمه :. " إذا ما
تقدر خلاص مو لازم " .. وطبعا يضيع هو في نظرة من عيونها
ويوديها لاهلها ولو انهم ساكنين في الدمام وهو ساكن بالخبر ..
الساعه 8 بالليل
تتصل على الجوال وتقول :. " اشتقتلك ياعمري .. ياريت
تمرني ونروح للبيت ".. وطبعا هو عارف وش بيجيه في البيت فيطمر ويقول للشباب آسف والله ياشباب راسي مصدع ولازم امشي

الساعه 10 بالليل

تجلس في حضنه وتقول :. " الله .. ياحبي تذكر ؟.. تتذكر أيام الخطوبه لما كنت تعمل المستحيل
عشان تشوفني وأنا اشوفك
^ ^
الله يخلف
الساعه 11 بالليل

! الوصول إلى هذه الصفحة غير مسموح

بعد مرور عشر سنوات

الساعه 6:30 صباحا
هي في سابع نومه

الساعه 11 صباحا
! هي برضه في سابع نومه

الساعه 3 العصر

تستقبله وهي نافشه شعرها كشتها وتقول :. " شف لي حل مع ولدك علي هذا .. حتى الآن ماحل
الواجب .. وسوير الله ياخذ عمرها إن شاء الله شاقه مريولها بالمدرسه .. عطني فلوس لازم
أروح اشتري لها واحد غيره .. وصويلح يبي علبة هندسه توه يقول لي يوم ان الاختبار صار
بكره …وترى موضي تكرفست مع الدرج وهي كانت في المشايه .. والظاهر انها تعورت …
كله من هالشغاله الله ياخذها .. اسمع ياأنا ياهالشغاله في هالبيت ….أبيك اليوم تسفرها ما ابي
اشوفها وأبيك بسرعه تقدم على وحده ثانيه …. وما أبيها تصير حلوه …. ياويلك لو صارت
حلوه .. وبعدين شغالتي أبيك تشرط عليها إذا سفرتها ما عاد تشتغل عند أحد .. عشان ما
تقول أسرار بيتنا للناس اللي تشتغل عندهم << ماتدري ان اسرا ر بيتهم كلها عند الجيران من
لسانها هاللي وش طوله !!!

الساعه 5 العصر
هي تفك هوشه بين سوير وأخوها ..ويصحى هو على صوتها وهي تهاوش وتدعي عليهم بجميع الامراض الخطيره الحديث منها والقديم :. جعلكم …….………………….إلخ

الساعه 6 المغرب
هو جالس يشرب الشاي وهي تقول :. " نبي نروح لأمي بتجيهم بنت خالة جد ولد عم أبوي .. وبعدين نبي نروح نشتري للبنت مريول .. وبعدين بنت عمي والده ولازم أروح اشتري لها
هديه من باتشي وأبي أمر على المشغل .. وبعدين حطنا عند أختي في الجبيل من زمان ماشفناهم

وفي هاللحظه فكر هو انه يشتغل ليموزين أحسن له

الساعه 8 بالليل
تتصل بالجوال :. " وينك فيه ؟ وبعدين وين بتروح ؟ ومن هو اللي معك هذا ؟ووش تسوون ؟
ومتى بتجي ؟.. لامافيه !!.. الساعه 10 أنت بالبيت

الساعه 10 بالليل
جالسين هي وياه عند التلفزيون .. أخيرا هدوء .. والعيال نايمين .. والجو جميل .. وفجأه تطالعه
وهي ماده بوزها وتقول :. " الحين أمك وش عندها اليوم ماترد يوم اني سلمت ؟ "
" هاه ؟ .. والله ما أدري كان سألتيها " …. " وأختك وش هالحركات اللي مالها سنع .. ليش عازمه
الجيران وكل حريم أخوانك إلا أنا ؟؟؟ .. لكن هين والله لأسوي عزيمه وما أناديها .. أصلا
هي مازارتني في المستشفى يوم اني ولدت وأنا فاهمه قصدها ..لكن هين .. والله لو تحب السما
ماني زايرتها إذا ولدت .. وبعدين بنات عمك وش عندهم نافخين عمرهم ؟؟ على أيش أبي
أفهم ؟؟… على جمالهم الزايد اللهم لك الحمد بس " … تسكت شوي بعدين تقول :. " وبعدين أختك
نوره يوم أنها تقول إن علي ولدي يشبهني مايشبه أبوه وش قصدها هاه ؟؟ "
ملاحظه :. علي هو اشين اخوانه
" أنا فاهمه قصدها ، وتراها إذا ما بطلت هالحركات والغمز واللمز تراني أبسمعها كلمتين
وأخليها تحترم نفسها .. لا وذاك اليوم تقول أخوي محمد ( اللي هو الزوج ) حلو مررره و3 من
حريم الجيران قد خطبوه لبناتهم … من زينك بس ما أدري وش لاقيين فيك ! ؟ "
يسكت ومايرد .. تسكت هي ثم تقول :. " وبعدين أخوك شاري لحرمته ساعه قيمتها عشرين ألف ريال " .. يرد :. " طيب وش المشكله ؟ " .. هي :. " وأنا ليش ماتشتري لي .. وإلا أنا ما استاهل ..ولو
هي يعني أحسن مني ؟!… بلاك ماشفتها .. شينه وطبايعها شينه وحتى طبخ ماتعرف
تطبخ !! " .. هو :. " خلاص اشتري لك
ساعه " .. تعصب هي وتقول :. " ايه تسكتني بهالكلام .. والله لأنت شاري ولا شي ".. هو :. " وش
تبيني أقول يابنت الحلال ؟ " .. تقوم وهي تبكي وتقول :. " خلاص ما أبي منك شي " !!!!!!!!!

الساعه 11 بالليل
هي زعلانه ونايمه مع العيال
! وهو يتحسف على اليوم اللي تزوج فيه

هههههههههههههههههههههههه وسلامتكم
بنات بس اتمنى انكم ماتصيروا زيها انتبهواااااااااااااااااااااااااااا
ويالله اتحفوني بالتعليقات <., خخخخخخخخخخخخخخخخخخ
تحياتي
منقول