بسم الله الرحمن الرحيم
الي حاب يعرف اكتر عن الموضوع يتفضل
ندخل في الموقف على طول
كنت في المسجد منتظر الصلاة بعدين دخل شاب وكان لابس بنطلون لو ويست (طيحني) مره نازل يعني باينة ملابسه الداخليه وشعرة كدش وحالتة حاله بعدين قام له احد المصلين وقاله انت ماتستحي تلبس كدا وانت جاي المسجد اش هاده التصرفات ووووو وكان اسلوبه مرة دفش وكان يتحدث معاه بعصبية كأنه اجرم في حق الدين الشاب زعل طلع من المسجد وقال خلاص ماني مصلي خلي المسجد لك وطلع…
هذه قصه واقعيه الي ابغاه منكم افرضوا انكم تعرفوا الشخصين هدول وجا الشاب يشكيلك منه ايش بيكون موقفك من الأتنين
بالنسبة للبنات الموقف نفسه حصل بس مع بنت جايه للمسجد وحاطة فل ميك اب وعبايه مره ملفته وقامت وحده وعملت معاها نفس الحكايه
*
*
*
*
*
*
*
مستنية ردودكم وبعد ثلاثه ايام كالعادة نشوف موقف الرسول صلى الله علية وسلم
دمتم بخير
المشكلة .. انو الرجال اللي ينصح ..
في منه كثير بهالأيام ..
الله المستعان ..
بالنسبة لموقفي من الشاب ..
يعني اتصور اني باجي واجلس جنبه
وابينله ثواب الصلاة بالمسجد .. وكم هو عمل رائع انو جا وصلى بالمسجد .. والاجر الكبير اللي حصل عليه من صلاته بالمسجد ..وبعدين ..
اسأله عن علمه بحكم هاللبس ..
يمكن ما يعرف ..
وابينله انه لبسه فيه تشبه بالكفار ..
وأذكرله حديث النبي عليه الصلاة والسلام في التشبه ..
وكمان ابينله انه لبسه هذا ممكن يكون سبب في دخول النار ..
طبعا بأسلوب بعيد عن الفظاظة ..
بأسلوب الصديق ..
أما الرجل الثاني اللي جا ينصح ..
رح أجيله وأذكرله حادثة الرجل اللي طلب من الرسول صلى الله عليه وسلم ان يسمحله بالزنا ..
وكيف ان الرسول استوعب الشاب باسلوب رائع ..
وما نفره .. واقنعه بطريقة رائعه …
واشرحله ان النصح يكون بطريقة انك تقرب من قلب الشاب ..
مو تنفره منك .. لانك تمثل الدين داخلك ..
وممكن تنفر الشاب هذا من الدين ..
اشكرك اختي لمسة حنين على الطرح الهادف والرائع
الله يجزاك الخير ويجعلها في ميزان حسناتك ان شاء الله
ننتظر موقف الرسول صلى الله عليه وسلم
في أمان الله
انا كل الي طلبته موقفك من الرجل والشاب
فين رئيك من الحكايه !!!!
واقول له
اعلم أن حسن المظهر وجميل الملبس
, وطيب الرائحة مطالب إسلامية رغب الشارع فيها عند أداء الصلاة
وعند حضور الجمع والجماعات (( يا بني لآدم خذوا زينتكم عند كل مسجد ))
انا كل الي طلبته موقفك من الرجل والشاب
فين رئيك من الحكايه !!!!
تعرفين بعد يومين الجمعه
بنسبه لي راح انصحه بلبس احسن الباس
واحسن العطور
بما انه الموقف واقعي
ف الازم اني انصحة واقول له ان اذا يبغى يصلي في المسجد لازم يحترمه
تحياتي…
(الكلمة الحلوه الكلمة الحلوه الكلمة الحلوه)
بالنسبه للولد….!!
اول شي بعطيه دافع قوي.. انه حلو شباب في سنه يصلوا في المسجد.. وكمان مع الجماعه..
اكيد راح تحز في نفسه.. وبيكون دعم حلو له..
واذا على مظهر لبسه طبعآ ما راح آكرهه في استايله الخاص..
بس راح اقوله انك لبسك روعه..بس لو انك رفعت بنطلونك شوي راح يصير شكلك اروع…
————————————————————————————————–
اما بالنسبة للبنوته…!!
اكيد قبل ما اقدملها اي نصيحه ابتسملها 
>>>>> انا كيدهن عظيم
وبعد كده بسالها.. على طريقه وضعها للمكياج.. بحجة اني اتعلم..
وبقولها صح انه الله جميل..يحب التجمل…
بس لكل مكان.. طريقه في التزين…وانها اذا خرجت من المسجد بتقابل رجال كتثير..
وبتتحملي اثم كل رجل..اغريته…
فلا تجعلي الشيطان قريب منك بتصرافتك البشعه..
والله يهدي الجميع
طبعن ما تنقبل النصيحه بالشدة و العصبيه
لو كنت انا مكان الشاب او الشابه ما اتقبل النصح بهذي الطريقة
الطريقة الصحيحه للهدايه هي الهدوء و القعل و ليس بالإنفعال
فعلا هذا الموقف شائع جدا في مساجدنا..
يعني لو أنا مرة التقيت بشابة أتت للمسجد لتصلي
و حاطة ميك اب على وجهها و لابسة ملابس غير محتشمة..
احاول افهمها بهدوء و روية..
و رح اخبرها بكل تلاطف ان ما ترتديه غير مناسب للصلاة في المسجد..
و احاول اقنعها و انا متجنبة في ذلك كل أساليب العنف و الإنفار..
قال تعالى : " ادفع بالتي هي أحسن فإذا الذي بينك و بينه عداوة كأنه ولي حميم.."
باللطف و الإحسان إليها في الكلام أكيد رح تقتنع و تغير رأيها..
و إذا انا خبرتها بطريقة سيئة أكيد رح تنفعل و تغادر المسجد..
و انا هيك نفرتها من الصلاة و هذا شيء غير جيد..
لذا علينا دوما معاملة الناس بالحسنى حتى و لو لم يكونوا كذلك..
و يعطيك ألف عافية حبيبتي
ننتظر الموقف التالي بفارغ الصبر..
تحياتي لك
وكمان اكثر تعقيدا …..
هذا الوقف يشمؤز منه المسلم المتمسك بدين الله عز وجل العرف لحقوق الأسلام ..
فإذا كان من ناحيتي …
فاأنصيحة هي المفتاح الأول للقلوب .. وتقريب الأشخاص الى الناصح …
انا اسلوبي هذا :
اقوم بأخذ هذه الفتاة والنصحها وأذكرها بالمواقف … التي بأمكانها ان تفكر بها … وتتخيلها …
في عقلها .. فبهذا الشيء يكون العقل يرفض أو يقبل … وتبدأ بتراجع والأعتذار عما قامت به
قالى تعالى في محكم كتابه ( فذكر ان الذكرى تنفع المؤمنين )
اما الأنفعال والتوتر والعصبيه على المخالف … في الباس او غيره …
فأنه يزيد نفورا … ويتمرد ..والعقاب سيكون اشد ..على الناصح
قالى تعالى ( ولو كنت فظا غليظ القلب لانفضوا من حولك )
فلماذا لم نكون قدوة لخير خلق الله … رسولنا وحبيبنا محمد صلى الله عليه وسلم ..
كان الين والرحمة من طباعه … والصبر من صفاته علية افضل الصلاة واتم التسليم
اشكرك حبيبتي لموسة على مواضيعك …
التي تذكرنا بسنة النبي صلى الله عليه وسلم
دمتي حبي