أراك تبحث عن تجارب فاشله
أخذ النصيحة إوريتك اتكون قانع
اسأل امجرب واترك المجامله
ضحك البوجهك ترى بضهرك مدافع
جرب واعلن على رحله امطوله
حتى اتعرف شو معدن الناس طالع
بس تنقطع عالناس والمواصله
راح تكتشف من ضار منهم ونافع
وتتفاجأ إباشياء جدا مذهله
اتخليك بالحسبات والحيرة واكع
تتمنى ميت هسه روحك زائله
من عينك اتشوف هاذي الفضائع
لو صرت للمقتول أنت القاتله
وانت سبب أحداث كل الشوارع
وأفلاونزا الخنزير أنت الناقله
ويه الطيور اوبعد حتى الضفادع
وتسمع كلام القال قربك يا هله
ريته يموت اهناك ما ريته راجع
للأسف واليمك دموعه سايله
لو غبت عنه ايكول أكبر مخادع
والناس مو كلها سوى ابهل قافله
منهم الك بعيونه لاحت مدامع
اخذ النصيحة والعتب تتحمله
لتخلي كل الصار بالماضي ضايع
انظر الجوهر والعمق تتأمله
ليغرك المظهر وإن كان رائع
لا من ضحك وياك دوم اتفضله
كم ضحكة مخفيه وراها مطامع
واستمع للبجاك لا تتجاهله
كم دمعة زالت من بعدها مواجع
بقلم
حسين الساعدي
ننتظر جديدك بكل شوووق
تحياتي
ننتظر جديدك بكل شوووق
تحياتي
وشكرا لمروركم الاروع
أوراق الخريف
لكم اجمل تحياتي