اندونسيه تقطع قلب سعودى 2024

فى نهايه فصل الخريف وتساقط الاوراق وانكماش اغصان الشجر فى اول ايام غوشت

اب تموز الثانى عشر وعلى ارتفاع خمسه وثلاثون الف قدم قريت سنتقريت كانت

رحله الخطوط السعوديه wrfm والمتجه الى كوالمبور عاصمه اندونسيا

كانت جميع الاماكن مكتظه بالركاب وكان الجو يخيم عليه الصمت بينما يغط ثلاث

ارباع سكان الطائره فى سبات عميق تحت تلك الاضاءه الخافته والتى تشير الى

الممرات والاتجاهات الى دورات المياه واماكن تجمع المضيفين والمضيفات الذين

يتجاذبون اطراف الحديث وتتعال منهم ضحكت ممزوجه بالسخريه والقرف ,وابخره

اكواب القهوه تكاد تزكم الانوف

كنت اقبع فى اخر كرسي يمين تحت الكفر الايسر وعيناى الزائغه تحوم حول ثلاث

شغالات كانو يغطون فى نوم عميق بجانبي وكل شوى تمغط رجلها والى هى عندى

وانا ادف امها وتصحى وعلى كذا كان ديدنى فى مكافحه كعب الشغاله المتمرد

مضت مايقارب ست ساعات على الرحله ولازلت اعيش فى ذلك المقعد الهادى تحت

بصيص من ضوء خافت وكراعين الشغالات الممتده بشكل حلزونى بحت, وجل

تفكيرى منصب على لحظات الوصول ورؤيت ميري ميغاى هرت سوهارتو

شغالتنا التى نشب بينى وبينها قصه حب توازى قصص العشق الابدى

وفضيحه قيس مع ليلي بنت العامرى

مضت الساعات خفافا وثقال ونا منغمس فى تفكيرى افقت على صوت اجراس ربط

الاحزمه وصوت رخيم لمضيفه تعلن قرب الهبوط وتوجيه ركاب الطائره الى مقاعدهم

وربط الاحزمه حتى يتنسنى لنا الهبوط فى ارض المطار ,وبدت حركه الطائره تتغير

وشعورى بالغثيان من جراء النزول التدريجى واذانى التى لم اعد اسمع بها ماغير

اتزرط ريقي لعل وعسي ان اسمع شي

نزلت الطائره فى مطار سوهاتو الخامس و وابل الامطار قد بلل كل ارجاء المطار

وبدت الطائره تسحب ساع يمين وساع شمال بسبب الارضيه المليئه بالطين والمطر

واثناء تلك الحظه بدت الطائره تسوي خمسات وبريكات وعلت اصوات الركاب بين

البكاء والاستغاثه وبدت حرب الدواليب العلويه وصارت الشنط تحوم فى سماء

الطائره الداخلى وتوالت الاصابات وسقوط العشرات بين قتيل او جريح

عقب ثمانيه وستون ساعه ونيف افقت واو مافتحت عيونى ولا ذاك الملاك الى لابسه ابيض فابيض ونا كل شاش ابيض فى

ابيض والروم كلها ابيض فى ابيض ,وابتسامتها تشق ارجاء المكان كنه الوسمى

على شفت ميري راح افكارى تجيب وتودى قلت اكيد انا بالجنه وذى الحوريه
قلت حوريه ذى الجنه ,تبسمت عجبا وقالت لا يافتى انت بالمستشفى

وصعقت ورجعت فى غيبوبه ولا انا اشوفنى طاير على خيل ابيض ميري شغالتنا

تجرى بفستان ابيض له ذيل طويل عشر امتار وراها ونا اجرى وراها وانط من

حديقه لحديقه وهى ترمينى بالورد شي احمر وشي اصفر لين قدرت اوطى على ذنبها

الى هى منقبعه على خشتها

ونطيت من ظهر الفرس وتحضنتها وجلسنا نبكى ونضحك قلت ميري ماى لف

وحشتينى اوى وحشتينى قد ماشفتك فى بيتنا تخمين الزباله قالت ولد مانبي كلام انت لازم تروح لبوى وتخطبنى منه انا

سامعه ان شيخ من شيوخ سومطره يبينى حق ولده ارجوك روح

بسرعه قبل ماتجى الفاس بالراس

اخذت منها العنوان عشان السواير عندهم مايسير تروح مع البنت لانهم محافظين

واول تكسي اطلع فيه واعطيه العنوان قلت بسرعه الله يخليك

مشينا بالتكسي قرابه عشر ساعات فى ادغال وجبال والحيونات البريه والوحوش

تحوم حولنا ونا ارتجف خوف واقفل القزاز واتلحف لين وصلنا لغابه من شجر جوز

الهند وكانت الامطار بدت تساقط على خفيف شوي وتنهمل ,ووقف التكسي عند

محلات لبيع الموز والفواكه الاستوائيه على طرف جبل عالي ماتشوف غير السحاب

يدق فيه وتمطر

قال راع التكس شوف يالحبيب هذا اخر مكان اقدر اوصلك له لانى مانى مستغنى عن

عمرى وعنوان ابوميري فى بالجبل شوف اى احد من ذى القبيله الخايسه الى

يبيعون الموز خل يوصلك ويدك على الحساب لاادق خشمك انت ووجهك الى كنه

صحن كبسه ماكل منه سعودى

طبعا انا بلعت العافيه وسكت وقلت كما تدين تدان ويالله ماشوف يوم اجى شغاله عند

هالوجيه الى كنها صحون سلطه

وديور التكس ونا تذريت تحت المظلات الخشبيه عند البياعين قلت يالربع نبي

مفزاعكم ,نط واحد قال ابشر وش تبي ترى حناحاضرين لوتبى جبل ابوميري نطحناه

طلع نشمى الولد قلت ونا مابي غيره تراه مطلوبي وابشر بالي تبي ترانى عانيه من

ديره بعيده وودى بملاقاه ,قال اقول انت صاحى والله لو تعطينى مزايين ابلكم مارقيت

جبل ابوميري ليه انا عايف عمرى :2:

والله طاح فى كبدى هالملعون ونا ادارجه واحاول معه يدلنى على الطريق لين واقف

ومشينا مع غابه الجوز وبدا الطلوع وطريق ضيق بالجبل والاسود والنمور تخزنا

بعيونها حتى وصلنا قرب نص الجبل قال انا هذا حدى منا رح وهذا الطريق يوصلك

لقمه الجبل ومن هنا ماعليك خلاف ون سلمت من ابوميري ورجاله سلمت

والله انى يالربع بديت ارتعش من الخوف ونا وحيد بجبال وغابات ومدرى وش تاليتها

كله من ذا الحب ميرالله يحلل ديرتنا بخير كلها طعوس .ونا اتذكر الاهل واصحاب

الطفوله وعيونى تغرغر بدميعات قلت بنفسي فداء عيونتسياميري ارمى بروحى فى

الهلاك ومهما يصير على مانى متنازل عنك ابد ابداا

بديت رحله الصعود وهذانا مدق يشلينى واخوه يحطنى لين ماحسيت ان الرئه بدت

تنتفخ وخشمى يكبر يكبر ويحمر وتغيرت حجم الفتحات وشكلها ونا اتحسس خشيمي

والله البلشه ماهو بخشمى الاولي تغير وصار مثل خشم ميري الله يحللها اثر الله خالق

كل شي بحكمة وحسب الطبيعه واكتشفت ليه خشومنا صغار وفتحاتها بشكل طولي

وبعضنا ماتسمع غير تنسيم بسيط من خشمه عشان الطبيعه ولا امتلت ارض من اول

ماتطلع الشارع

واثناء مافكر وغارق فى بحر تفكيرى الى صوت شييييييييييييييييييييط طاخ بوم لعن

ابوه صوت زرف شاخوفه متعدى من فوق راسي ونا ا امتد ارضا وارفع يديني

والله يان كل لحمه من جسمي ترتعش لوحدها من هول المفاجاه

وصوت يقول مين هناك ؟قلت انا ولد الحفر ,قال شتبي يا ولد الحفرتكلم والله لاخلي

الزرف الثانى بين عيونك لاتحسبنك متوزى عنى وانت منبطح فيذا ترانى شايفك. قلت

انت وينك؟ قال انا فوق الشجره الى انت منبطح تحتها ههههههههههههه

وناظر الشجره ولا ادمى ماهو ادمى لابس ورق عليه محزمها بسلك تلفون وورق

موز فرجله وعاصب راسه بمنشفه وغاز فيها ريحان ومسبل الشعور وممسكر

العيون عشان ماتلصق فبعض ولحيته ثلاث شعرات طوال

قلت انت من تكون وشتبي ياخى , قال افا ونا اخو ميري انا ايش ابي ونت داخل حارتنا

قلت انا ياخوك ودى اقابل ابو ميري شغالتنا وهى عطتنى العنوان وودى اخطبها منه

قال اتخسى انت والى يتشدد لك انت كفو ميري ياسعودى ,قلت ونا اخوك الحب يذوب

الجلاميد وشلون مايذوب قلوب الاندونسيات خلنى اقابل الوالد الله يخليه كود انه

يوافق لاتقطع رجاى وانا مافينى شي يعيبنى ولد حموله صح مانى اندنونسي

بس كلنا مسلمين فلا تصير ونا اخوك عنصري ترى تزيد العنوسه عندكم وانتم

موناقصين معنسات

قال اقول لاتطولها وهى قصيره امش للبيت ولمن يجى الوالد نشوف رايه .مشينا حتى

وصلنا قمه الجبل والسحاب كل شوي يمر بيننا ويحجب الرؤيه ونا مشغل المسحات

على الاخير بيدى لين وصلنا بيت كبير كنه قصر فرعونى قديم

قال الله يحييك اقلط ,وشوى ولا القهوه والعلوم الزينه ,وهو يصب القهوه وهو واقف

ونا احلف عليه وهو يحلف حتى رضي يخلي الدله عندى

قلت ياخو وين الوالد عسى ماماهو متاخر ترانى على عجله وابي اسرى ,قال يالرجال

تقهوى الوالد بيجى وحرم وطلق انى ماسرى وامام تلك الضغوط وافقت وراغ عنى

ولا اناظر مع الشباك ولا ذاك الطلي الى وزنه يمكن 50 كيلو واخووو معلقه فى

شجره يصلخ فيه ومعاه واحد يقرب الحطب منه وقدر الذبيحه وساعه ولا هم مزينين

العشي ويطرحون المفطح

مع الاندومى خبركم مايعرفون الرز ههههههههههههه ايه هين

حطو العشي وحطو الماء فى جوز الهند ,قلت اقلطو معى ,قالوا سايرنا مانقلط مع

الضيف عقب ماتتعشي انحن نتعشي تعش بس لايطول هرجك ترانا ميتين جوع

تعشيت وتمرقت فى طاسه جوز الهند ونا اقوم واكرم العيشه وادعى لهم بالخلف ,قال

اخو ياخوك تراك ماتعشيت وشذا ماكلت حتى ربع الذبيح

قلت ونا اخوك نفسي ماتشتهى الزاد ,قال وخر بس خلنا نتعشي انت وجهك مسوي

روميو المهم تربع على الصحن ولحظات الى هو ماسح الصحن مسح ماخلى غير

العظام ونا اطالعه منفجع منه قال وشفيك اجل لو شفت الوالد وهو يزرط الحاشي وش

بتسوي

شوى ولا نسمع طلق نار ومدافع وصهيل ووقع حوافر الخيل كل شوى يقرب وصوت

واحد فر الرشاش على التماتيك ,قال اخو ذا اكيد الوالد وصل تعال نستقبله ونطلع برى

الحوش ولا ثلاثين فارس مسلحين على خيول ووسطهم رجل شايب مهيب ولابس

الحديد والجنبيه ولابس كوت ووزره حمره على كتفه

ترجل عن الخيل واعطى اشاره بيده للفرسان بالتراجع وتقدم علينا وولده يتحضنه

ويسلم على يده وراسه ونا اصف اسلم عليه من ضمن المسليمين ولفت نظره لولده

قال انت مضيوف؟ قال ايه يبي ذاولد الحفرمن السعوديه يبيك ,قال طيب خله بالمجلس

ونا بشوف الربع واجيه

غاب يمكن ساعتين الشايب وجاء وكان فى يده عصا يتوكا عليها ومعلق الرشاش

وجلس وبعد رشف فنجال قهوه قال ياولدى ترى الضيف له ثلاث ايام منساله عن

مطلوبه لين يوفي ضيفته ومن عقبها ننشده عن طلبه

قلت ايه بس تعرف انا مستعجل ووراى دوام وماقدر اتاخر ,كان ينط الشايب ويزلخنى

بذاك الكف ,قال انت يالغبي تبي عربان اندونسيا يقولون ابوميري ماكرم ضيفه

قلت اقول تراك زودتها لاتمد يدك واتلاقط انا وياها كان يسحب العقال ويمحطنى فيه

محطه ونا انط واقف قلت ياخى مو كذا بقوه

قال لى نص ساعه واقف على راسك ونت منبطح على بطنك لا صلاه ولا عباده قم الله

لايوفقك ولا يوفق ربعك تعربدون طول الليل وتجيمون حتى الصلاه ماتقومن لها

ابواحلام زى كذا

تقبلو تحياتي

اخوكم…………………. ولد الحفر

الله يرجك يا شيخ عليك سوالف تموت ضحك

ههههههههههههههههههههههههههههههههههههههااااااااااااااااااااااااااااااااي
لووووووووووووووووووووووووووووووووووووووووووووووووووول

مشكوووووووووووور يا خيوووووووووووو موتني ضحك

زين ماارحتوا جبال الهملايا وعملت فيلم هندي

خلف انا وبيتر وخروفتي بنركب التايتنك تجي انت وميري وتعملوا دويتو خخخخخخخخخخخخخخخ

والله وصارت كولالمبور عاصمة أندنوسيا

كله كوووم والقهوه كوم تاني

نملح السالفه خخخخخخخخخخخخخخخخخخ

تصدق يا خلووف

إنه بدأت تراودني أفكار ومخيلات

بأنك تحب ميري جد

لا ياخيتووو لاتراودك افكار مخيلاتك

انا ماحبها ولا شيء مير انها دايم في خدمتي خخخخخخخخخخخخ

الله يعطيك العافيه

وانتظري الجديد احلى ياعالي ان شاء الله

صدق الأ حساس اهم شيء اعجبتك القصه

يسلمو على مروورك ياختي

محترم الله يعطيك العافيه نورت صفحتي بمرورك

اختي سندووووو

ايه من جدي خخخخخخخخخخخخخ

والله نفكر نرووح لجبال الهملايا بس نبيك معنا وحنا نصور الفلم

خخخخخخخخخخخخخخخخخخخخخخخخ

اوكبه سندوو اجي معكم انا وميري وش عليه ههههههههههههه

الله يعطيك العافيه وبيظ الله وجهك على مروورك

الصد والهجران خخخخخخخخخخخخخخخخخ

اوكيه نعيد المحاوله بس عليك الحساب خخخخخخخخخخخخخخ

الله يعافيك يابعد قلبي

ماقصرت نورت صفحتي ياقلبووووووو

وترا اشتقتلك يادب

تقبلووووو تحياتي

أخوكم…………………….. ولد الحفر