انواع المشاركين في المدونة 2024

تعالو نصنف المشاركين في المدونة

الحقيقة هالموضوع دايما يقرقع في قلبي …….

وودي اقوله …..

وبنائا عليه فقد صنفتهم بدوري الى تصنيف يعتمد على هذا التصرف …. وسميتهم مملكة المشاركين المنتدوية …

وهم كما يلي :

*شعبة الطفيليات : وهذا النوع من المشاركين مايصدق على الله يفعلون اشتراكه الا ويمشي ويلصق موضوعات وردود …. علشان يصير عداده فوق ,,,,, وعاد مشاركات على غير سنع … تلقاه يرد يكتب :هههههههههه أو يرد ردين الاول يكتب فيه : مشكور وفي الثاني : أخوي فلان . على باله انه اذا طق المليون مشاركة بيصير مدير .
هذا النوع لو تطل ورا قفاه تلقى ملزق رد

*شعبة الادارة :عاد هذول اللي تلقاهم برة شحليلهم ,,,,, حليوين واابتسامة ترس الوجه ….. بس تعال له في المدونة ….. الوجه معفوس , وخشمه فوق عيونه تقول شام ريحة خايسة , وفي قاموسه كلمتين (لا , مقص الرقيب )….. وفي منهم اللي ماعجبه الموضوع يحذفه , وإذا بغى يصرفها .. يخليه منقول …… ويوم اللي يصير عليه انقلاب …. يتعوفس ويرجع شحليله … وتلقاه يكتب مواضيع (إني كنت أحاول أن اصلح وووووو ) وذاك الحجي الحلو ….. يعني( مثل اللاستيك … ينشد بقوة ولي فلته ارتخى )—–>حكمة من حكمي
طبعا اتستثني من هالتصنيف إدارتنا المصونة والجوهرة المكنونة ————>ترا مب خايفة

*شعبة القارئيات : هذا النوع تلقاه يسجل ويدخل بس يتصفح المواضيع .. يعني تلقى مدونة فيه 100 مشارك .. 50 منهم قارئيات … ونص الباقي طفيليات …. مشكلته انه خجول جدا يخاف يكتب شي ويهزؤن فيه .. هالنوع يحتاج جرعة حنان

*شعبة البطاليات : يعني ,, لاشغل ولا مشغلة … ماعنده شي يشغل وقته فتحصله ماعنده غير المدونة يطرح مواضيع نصها ينحذف لمخالفته لوائح وقوانين المدونة ,,, هالنوع إما يتحول مع الوقت الى طفيليات ( الله لايبلانا , او يتحول الى السلميات).

*شعبة الرخويات : هذا النوع هو اللي يسجل ومن بعدها ماتبين رقعة وجهه … ليش مسجل ماتدري ..يمكن طرانة ايام اختبارات .

*شعبة المتثيقفيات : وهذا النوع اللي يدخل يتميلح ويسوي فيها مثقف ..وكلمة والثانية قال لك (حيث إن )و (طالما ليس) وماعنده غير هالكلمتين .. وإذا توهق راح يبوق من مدونة هجر أو من مدونة ثقافي ثاني .. هذا النوع عمره قصير لان الكل يحقد عليه ويصفطه ويحقرونه لين يموت قهر ويطس .

*شعبة السلميات : هذا النوع مسالم .. حده مشاركتين في اليوم , في الاولى يقول : أوافقك الرأي وفي الثانية يقول مشكور على الموضوع الحلو …… هذا النوع يموت من الخوف إذا احد خالفه في الرأي ,,, خصوصا إذا زوجته .. وعلشان يطلع انه شارك يدور موضوع دسم .. وإذا كلش .. طير له موضوع من الايميل ,, وكتب تحت منقووووول.

*شعبة العدويات : هذا النوع اللي يدخل بيتهاوش وبيهزئ وبيعلم الناس … وكل موضوع مايعجبه يطالب بحذفه وعنده اللي يخالفة في الرأي شخص يستحق التهزيء والتطفس …. ولعل اغلب من يندرج تحت هذا النوع من الجنس الناعم .. خصوصا في موضوع (الزوجة الثانية ) ……. وهالنوع احشم روحك منهم … وأحسن رد عليهم (سلاما ).

*شعبة العكسيات -: ياعمري على هذا النوع … هذا النوع عنده قاعدة خالف تعرف … تلقاه وين يروح الناس يمشي عكسهم ,, ولسانه يلوط اذانه …. ومن النوع اللي يقط كلام كبير .. ويخليك تتوه …. ومن بلاسته .. مايبرد قلبه الا اذا حس ان الطرف الثاني حقد عليه ومات قهر…. يعجبني في هالنوع اصراره وصموده .

*شعبه النطيطيات : هذول النطوط …. اللي بس يشوفك كتبت شي في المدونة وماعجبه ,,,,, يجيلك يم بيتكم وياكلك بالحجي …. ويقول (ويا وجهك انت كاتن جذا .. أصلا $$@!$^$أ…….. وبعدين !@سي ) ويطرق لك محاضرة في اسس الحوار ويشرح لك بالتفصيل وجهة نظره اللي لازم تقتنع فيها والا تصير غبي ….. وهذا النوع ناتج من تبغيل الطفيليات و العدويات ….. وأحسن حل حق هالنوع .. أنك تدور اقرب نعلة وتشدخه فيها لين يموت ونرتاح من ثقل دمه .

*شعبة المرتاعيات :وهذا هو النوع المرتاع .. اللي كل يوم يدخل ويكتب 10طعش موضوع ,,,, وينزل مواضيع الاعضاء كلها تحت ….. .. ويالله عاد اقعد حوس على ماتحصل مواضيعك ………. أحسن حل لهذا النوع انك تفتح له مجلس خاص في لحاله … وتركه يكتب فيه بروحه

طبعا هذا الموضوع مجرد مزاح قد ينطبق على الواقع .. ولا أقصد به تجريح اي احد ….. وإذا كان عندك اي شعبة ودك تضيفها ياريت تضيفها لان هذا الموضوع مايخلص .

ههههههههههههه لا هنتم وتسم اياديكم وتحياتي للجميع على الروح الرياااضيه العاليه
اخوكم احلى مزاج الله يعينكم عليه

تحياتي للجميع ونورتوا صفحتي يا ذووق وخاصه اللي مو فاهمه شي هههههههههههه

تحياتي لك وشكرا على مرورك ولا هنتي اختي الغاليه
اهم شي مابي احد يزعل من احلى مزاج
نورتي صفحتي يا غلاتي