باب الحاره . ببسي~ 2024

كما وعدتكم باب الحاره يتواصل جزأه الثاني مع ببسي ومشاكسته اليكم الأحداث

صباح .. // .. مساء |[ ال خ ير وآلمسرإت ]| .

لكل شخص قصه حدثت معه .. البعض منها مؤسف .. ،، .. والبعض منها مضحك

حدثت لي قصه مع إحدا من][ عيال حإرتنا ][ في مطإقه <_][ حق فزعات

فحبيت إسدحهاا لكم ،،

عارفين الحارات ومشاكلها ،، يعني تحصل عيال الحاره دايم بينهم مشاكل ،، طبعا هذا بالنسبه للعيال اما

البنات ،، والله ما ادري كيف كانت مشاكلهم < توقعاتي عندهن شروط مافيه معط شعر ولا فيه عض لكمات هوائيه

بس ههههههه،، المهم ،، انا كنت قووووي مررره لدرجة اني مره طقيت عشر طعش باصبع واحد .. <_][ تسذوب

لدرجة ان عيال الحاره من كثر ماهم مستغربين من قوتي كانوا يسموني _ مايكل جاكسون _ لاني كنت اقوى واحد فيهم … <_][ مإيكل عاد

المهم .. مره من المراريرات … جاني واحد من عيال الحاره يبي فزعتي … لان عيال الحاره اللي جنبنا

طقوه…… وانا اللي اقوله ابشر .. وإهبد صدري .. والله لأجعلنهم يندمون على طقك ولاجعلن دمائهم انهارا .. <_][ سرى ليله الزير سالم

وتدرون ليش انا سويت كذا … لاني كنت احب اخت هالولد .. وكانت هي تموت فيني … خصوصا اذا لطخت وجهي بالفازلين وقمت ألمع في الشمس والذباب متجمع حولي .. وبنطلوني اخضر وبرتقالي .. والفنيله صفرا واكمامها حمرا .. تحس اني لوحه رسمها بيتهوفن ،،<_][ تقول وزره هنود تتمشىآ ..

… وكنت اذا مريت من قدامها انفاسها تتوقف من الحب ومن الاعجاب … <_][ وإنت الصادق من الريحه الله يسلمك .. ( كنت إستخدم زيت دإبر إملا عشان شعري يلمع )

المهم … خوينا هذا .. اللي طقوه … شراني مرررره … بس مشكلته انه غبي …. لدرجة ان كل واحد في العالم يوسوس له شيطان واحد .. اما هو عنده خمس شياطين .. واحد يوسوس له والاربعه الباقين يفهمونه … بس عاد لازم افزع معه عشان اخته ما تقول اني خواف …. وعلى قول المثل .. لاجل عين تكرم عينك ياللي لعينك تحزن عين وتفرح عين …

المهم … رحت ان وهو للحاره الثانيه …. طبعا عيال حارتنا الباقين ماراحوا معانا .. لانهم عارفين ان عيال الحاره الثانيه .. كلهم جلوف وكبار ونشيطين …. واول ما خشينا حارتهم وانا اللي اصيح باعلى صوتي .. وينكم يالدجاج .. اللي يقول انه رجال يقابلني … واللي يرشني بالمويه ارشه بالدم < _ ياقوي .. وما امداني اخلص من كلامي الا ذاك الكف اللي يمشي مليون على وجهي …. والتفت بسرعه … واشوف قدامي سيقان آدمي … واناظر فوق … هالولد اللي ما قدرت اشوف وجهه من طوله … والله ياهو كبير …. اعتقد انه من انواع الديناصورات <_][ من طوله وكبر جسمه

وقال لي : عد اللي قلته ،، وانا اللي قامت ارجولي تلعب .. وقمت اتنافض كني رقاصه،،

وإنا إقول بكل إبتسامه عريقه ،، والله ماقلت شي .. بس امي ارسلتني اشتري دخان ولا لقيت في بقالتنا شاهي قلت اجي بقالتكم اكيد راح القى طماط <_][ حاس التصريفه من الخووف وقلبه انسدح في اعماق سرواله

.. وهو اللي يمسكني من فنيلتي ويجرني في الشارع ،، اللين صار الشارع يلمع من النظافه …. طبعا خويي اللي كان معي انحاش وجلس يراقب الوضع من بعيد .. وخلاني مع ( اندريه ) العملاق بلحالي … وقام يبقس فيني ويكفخ فيني .. وانا اقوله مستسلم .. والله ما اعودها … وهو يضرب فيني بجد واخلاص .. وانا اللي انفلت منه وانحاش .. والله ذيك اللحظه لو كان فيه سباق كان اخذت الاول بدون منافس ….

المهم …

. وصلت حارتنا …. وانا اللي اشوف البنت اللي احبها قدامي …. وقامت تناظر فيني مستغربه … طالع وجهي كنه كراسة رسم طالب في اولى ابتدائي من كثر الطق اللي جاني .. وقامت البنت تضحك وراحت .. وانا اللي اقول في نفسي .. ايه هذا الحب اكيد انها ضحكت لانها معجبه فيني وفي شجاعتي .. ويمكن تبي تخفف علي من هول المضاربه … وانا جالس افكر جا اخو البنت الرخمه … ومعاه بنطلون مووو غريب علي .. وعطانياه .. وقال : هذا بنطلونك طاح وانت تنطلق .. واناظر لنفسي الا انا لابس السروال الصغير بس .. ومشقوق بعد …..

المهم …

طاح وجهي .. وعرفت ليش البنت تضحك .. لانها صادتني على حقيقتي .. وعرفت اني دجاجه … وصرت مسخره في الحاره .. لدرجة ان جاني عقده نفسيه اسمها .. فرانكفورت … ( عقده جديده )" بس اللي قاهرني اللين اللحين … ان بنطلوني يوم جابه اخو البنت .. كان غرقان … ومليان مويه … من وين جت هالمويه ما أدري .. حاولت اعرف بس ما توصلت لنتيجه ،، <_][ مإتدري إجل هههههههه

ياحبيبي .. بس ثاني مره اذا بغيت تتمشكل مع احد … يستحسن تلبس حفايض بامبرز .. لانها
تمتص البلل بسرعه .. وتعطيك راحه اكثر <_][ خربهاا

دمتم بود ،،

اخوكم ببسي~

دمت كما تحب

الله يرجك بيبسي

زيت دابر ياكوكو كنت اشوفهم يطلعونه دعايه على قناة روتانا غنائيه << عسا ماشر مضيع

بس حلوه ببسي مان ذكرتيني بالأيام الخوالي وبزمان فات الله يذكر اللعب في البلاي ستيشن عند بيت جيراننا

ماكان عندي بلاي ستيشن وكل يوم ناشب لهم بالدونيه لين عطونياها هديه

يعافيك ربي اختي .. الجزء الثالث يبي له اعادة تفكير بس نقول ان شاء الله

مرورك اسعدني للغايه .. كرري طلتك

اخوك

ببسي~

الف الف شكر على مرورك والأطلاع …

اخوك

ببسي ~

بإنتظار الجزء الثالث … يالفزعه لوووووول ..

الأعتراف بالحق فضيله خخخخخخ وفيه مثل مأثور عندنا من خلال تسكعنا حفظناه ( ان الزبنه نص المرجله ) ههههههه

شاكر لك حسن المتابعه

اخوك

ببسي ~

بأذن الله سوف يعرض الجزء الثالث على حسب المزاج خخخخخخ …. بس الى الان شاك انك متابعه الفيلم برمضان

احس انكم ماعرفتو الدش .. قناة سعوديه اولى وثانيه … وفوق التلفزيون انتل علشان تصفى القناه خخخخخ

شاكر لك مرورك

اخوك ..

ببسي~