باستا الخضار و الدجاج- مثل الي بالمطاعم و احلى بكثير انصحكم فيها 2024

اॆلسۜۜـ॒ـلآمۡ علـֿيـຸكم ،

هذي طريقة باستا من عمل يديا والله
انها لذيذه لذيذه لذيذه مثل الباستا الي برا و احلى بكثير،،، انصحكم تجربونها ما راح تندمون،،،
و الصلصات إلي بالمقادير هم الي بالصوره فوق ،،، والي عندها شي مو واضح تقول

بسم الله نبدأ
.
.
.
المقادير ..:

بصلتين مفرومه – فصين ثوم – ربع زبده – صحن صدور دجاج مقطع مربعات – ثلاثه كوسا – فليفله ثنتين – زيتون اسود – فطر – بروكلي – كرتون ماجي – فلفل اسود ملعقتين صغار – كريمه( كرتون و نص الوسط) – الصلصه الحمرا غرشه كبيره وحده – ملعقتين صلصة المكرونه البيضا – ملعقتين جبن كاسات – جبن بيتزا – جبن البرميزان

و مثل ما قلنا الصلصات هم الي بالمقادير الصلصات هم الي بالصوره

الطريقه …:

١- نشوح البصل من غير زيت – اضافة ربع زبده – اضافة الثوم – اضافة الدجاج و نحمس – اضافة الماجي و الفلفل الاسود نحمس خمس دقايق- اضافة الخضار كلها ( كوسا – الفطر – الزيتون – فليفله ) و نحط عليهم شوية ماي و نخليه يغلي تقريبا كاس صغير او اقل شوي – بعد ما ينشاف الماي من الخضار – نحط الصلصه الحمرا>>اقصد فيها الغرشه الكبيره الي ع اليسار ف الصوره و الكريمه لمن يغلي – نحط الأجبان كلها ( جبن كاسات – الصلصه البيضا- جبن البيتزا – جبن البرميزان ) و يغلي شوي يذوب الجبن نحط المكرونه المسلوقه و نقلبها ……. وبس نقدمها

و بالهنا و العافيه

والي تسويها تعلمني

مودتي ..: إعتزلت الغرام :..

ثااااانگس ي عسل

الابداع و التميز في مرورگ ي ذوق

المشاركة الأصلية كتبت بواسطة على خبرك

تسلم الايادي ع الوصفه الرروعه
عوافي ع البك +تقيم +

الله يسلمك ي عسل

لأروع مرورك ،،، ثااااانگس ع التقيم من ذوقك^,^

ماننحرم وجودك ان شاء الله

تقبلي ودي