جاك التقاعد بكره ياصلك الاشعار
كانك تبي تكمل بعد زود مشوار
راجع امورك نمهلك حول شهرين
قال انا طالع ما ابي هالوظيفه
محركاتي كل ابوها نظيه
بعيش باقي العمر عيشه مريفه
بقابل الحرمه وشوف البزارين
طلع تقاعد وستلم كل حقوقه
وخيط من المليون باقي فتوقه
وعاش بطواري كل يوم تسوقه
وفكار تظهر له من يسار ويمين
اول قرار قال بفتح تجاره
وفكر وقال ان التجاره خساره
وقرر بعد شهرين يبني عماره
وعجز يقلبها بكل الموازين
قابل صديق من أيام الدراسه
هرجه كثير وبالحكي دار راسه
لبسه ثوب مايقده مقتاسه
وصدق خويه هالفقير المسيكين
قال انت فاضي مرنا بالعدامه
في مكتبي لا جيت تلقى اسامه
عندي لك اسهم تنصفط للنشامه
ورابحها ودي تحوش القريبين
خذا له ثلاث أيام ثم راح يمه
لقا اسامه كنه الوز وامه
جالس على المكتب وكنه بقمه
قاعد يسنن للزباين سكاكين
شراله اسهم وانتشب قص فيها
كل ما عرضها بسوق ما حد يبيها
نص السعر يبيعها مشتريها
اللي بثلاثميه بميه وخمسين
بطل من الاسهم وقابل اعياله
ودايم بعد العصير يقعد لحاله
وان طرو الاسهم وجابو مجاله
قال انحش انحش عن جحور الثعابين
بالليل يسهر ويتفرج على الدش
لاجت جميله قال أهلا يابورمش
وان جت الشينه قال لابوش لاهلش
ماغير يبحلق بالبنات المزايين
وان جت الحرمه جابت البن والشاي
سواله صيحه ليش ماجبتي الماي
انتي مقصره في تعاملش وياي
وانا متحمل صار لي عدة اسنين
يزعل مع الحرمه بلا ذنب وسباب
قوم معارك سبة شماغ وثياب
كنه مراهق يصفق الباب بالباب
يطلع عن عياله ويرجع بعد حين
قابل اعبيد وقال له جرب العرس
اصبغ شعرك وبدل الناب والضرس
انشد مجرب ومتمرس على الدرس
كثير مثلي بالزواج متهنين
الديك ما يذن وهذي مصيبه
بالشهر مره المره وش تبييبه
روح على الدكتور ينشد طبيبه
يمكن يلاقى له علاج المسنين
كتب له وصفه راح للصيدليه
سلم وقال وشفيك تظحك عليه
وش كتب الدكتور في هالبليه
عجل خفوقي صار بين المصارين
قال انت نصرفلك ترى حبوب زرقا
تخلي الشايب يحول ويرقا
مفعولها مايبغي بعدوفراقا
اعظم من اللي ينتجونه بقزوين
هذي الحبوب ترجعك عدت اعوام
تعيشك ويا مدامك بالاحلام
وارفق تراهى تفتق الخيط والخام
وتفتح جميع مسددات الشرايين
خذ الحبوب وشب يبقىي عروسه
ركب له اسنان وحشا ضروسه
معزم الرجال جهز فلوسه
لقا عروسه بس ماتملى العين
اعرس وطلقها بعد ستة اشهور
يسب ويلعن راعي الراي والشور
وعود على الاولى ذليل ومقهور
يقول مافيني نشاط لثنتين
حسبي على اللي ظهر الشيب فيني
خلا من الحسرات تركص سنيني
من الندامه تذرف الدمع عيني
هملت بيتي والمره والبزارين
كله سبايب شوفتي للمحطات
اللي يجيبون البنات الجميلات
لاشفتهن زادن على القلب حسرات
قلبي خضر ومعرض للشياطين
اببتعد واترك اهل القيل والقال
ماتنفع الدنياء بلا زين الاعمال
ماينفعك لا مت عم ولا خال
ولا ينفعك لو لبسوك النياشين
ابتفرق للصلات والعباده
بفضل من الله هي تجيب السعاده
اللي تركها عايشفي نكاده
لاضقت في دنياك عود على الدين
هني من حبله متينمع الله
اللي يقوم الليل يقرأوصلى
مرطب لسانه بذكر من الله
وجهه منور بة سماة المصلين
منقول
تحياتي واشواقي