ناس مراتعها الرفيق بتقفاه
انواع واخطر نوع ماني بناسيه
نوع على تفريق الاثنين مسعاه
تلقاه دوم وكل يوم تلاقيه
والى بغيته صدق ما عاد تلقاه
ولا انت ردك كل ما ادعيك.. (( لبيه))
انشهد ان منتوا بفيعيني اشباه
منت بمع العالم ولا تقول لي.. ليه
انت ادرى مني وش جوابي وفحواه
كذيه… ومن الله يازين واليه
واغلا طروش القلب ودواه من داه
الحلم ياتيني بزولك واراعيه
وفي كل حلم اقوم قبل اتحفاه
اعشق سميك في البزارين وادعيه
واقبل خطاه الى اخطا واتلقاه
واسمك يروعني الى مر طاريه
واحب ملقوف يسولف وطراه
وامر بيتك من بعيد ولا اجيه
وانا لونه في يدي ما اتعداه
حتى (تواير) (موتري) تلتفت فيه
تبغي تلف ويستحي العقل والجاه
وصلك يخيط الصدر والبعد يفريه
ويابري حالي كان صديت برياه
ويلي على ادري حبنا ويش تاليه
ويلي على ادري وش ورى الغيب ويلاه
عشان اشوف اذا محبتك ..ترفيه
والله لا اقفي عنك……. واستغفر الله
مما راق لي..
كلمات جميله وذوق اجمل
تسلم الانامل
طبت وطاب منقولك
مودتي
نوران فلسطين
طبيتي وطاب لنا منقولك
دمتي بتمااااااام
سلمتي
كل الشكر لكي
مودتي
طير القوافي
خوش اختيار
اورنس
ابيات في قمة الارتقاء … راقت لي كثيرا
اشكركي على هذا الاحساس قبل هذه الابيات
لكي مني كل احترام وتقدير
أسيرة الصمت