والله مدري وش اقول بس طفشان وحبيت اسوي لقافه واضغط على ( موضوع جديد )
واللحين انا متوهق ومدري ايش اقول 
راسب في التعبير ولا عمري نجحت فيه الا بالترفيس المربح
اقصد يعني بالدف #
نشبت للمدرسين وجبت لهم الصمرقع من شده دلاختي اللي دخلت موسوعه
جينيس كافضل دلخ محترم في العالم 
المهم انا جالس اللحين لحالي وقدامي الشايب الله يحفظه مسنتر على قناه العربيه مدري والله من زود
اهتمامه بالسياسه ولا يبي يكحل عينه في المذيعات اللي ماخذين عقله خخخخخخ
ابقول لكم موقف حصل لي مع الولد الله يحفظه 
في يوم من الايام كعادته من الايام :
اذكر ذاك اليوم ابوي متحمس مره وجالس يتابع العربيه وانا جالس في مكاني اللي شاريه من ابوي في زاويه
المقلط واذا به يقول ( سبحان الخالق )
عاد انا اخذتها على حسن نيه وتوقعت انه يقصد المناظر الطبيعيه ولا شايف شي او خبر غريب ونادر
عاد وبعد برهه من الثواني والا يعيد نفس الكلام ويقول : ( سبحان الله )
عاد انا قزيت على التي في وشفت مذيعه ياهي لبنانيه او سوريه وقزبت بعد حبه خال على صدرها
هالمذيعه دايم تستعرض بحبه الخال اللي على صدرها والشايب الله يحفظه اشوف مركز على التي في
وناسي اني موجود في زاويه المقلط خخخخ
عاد انا قلت ابختبر ابوي واشوف هو من جد يتابع الاخبار ولا بس يكحل عينه عاد ابساله وش تتكلم عليه
هالمذيعه طبعا هي كانت تتكلم عن لقاح انفلونزا الخنازير
انا : بلاه يا ابوي وش تقول هالحرمه ؟ وش عندها ؟
عاد ابوي استغرب وتفاجأ اني موجود
ابوي 
: والله يا ولدي ابد كالعاده فلسطين واسرائيل طفشونا بهالاخبار
انا : ايه والله سبحان الله 
ابوي :
اللحين ابوي يحاول يشوف مخرج 15 عشان يصرفني
ابوي : الا قول لي ياولدي وش سويت في الموضوع الفلاني
انا : لا ابشرك خلصت الموضوع
ابوي : ماقصرت والله يالله انا رايح انام تصبح على خير
انا : تصبح على خير سبحان الله رايح تنام بدري
ابوي : ابد بس تعبان شوي ابريح
انا بيني وبين نفسي : ايه روح عساك على القوه والله ماراح فيها الا انا ( عزوبي والدلاخه دروبي )
اللحين انا ابي اعرف شي واحد ليش الشيبان ما يروحون ينامون بدري الا اذا شافوا شي يحمسهم خخخخ
يالله الله يكون في عوننا يالعزابيه
بس 
بيني وبينكم والله يا عليها حبه خال في موقع استراتيجي مميز
مالوم الوالد خخخخخ
اتوقع هي المذيعه الوحيده اللي ماتحط مكياج ثقيل وباقي المذيعات بشكل عام والفنانات انواع الفن التشكيلي
في الوجه 
خخخخ
يالله عاد احس اني طولتها
اذا فيه تعليق من التماسيح فنرحب فيه بكل صدر مافيه حبه خال
واذا تعليق من الضفادع ف
حسبت عندك سالفه
والله ماعندي سالفه خخخخخخ بس طفش ونبي نوسع صدورنا من غير حبه خال خخخخخ
تحياتي
دوم هالضحكه
والله ماعندي سالفه خخخخخخ بس طفش ونبي نوسع صدورنا من غير حبه خال خخخخخ
تحياتي
والله انك رهييييب وفله 
ادخل الخيمه نسولف
شكل ابوك مراهق في الخمسين ؛؛خخخخخ
خخخخخخخخخخخخخ بنت بنوت والله مدري عن خيمتكم هاذي لا يكون فيها مقلب تسوونه فيني
وبعدين تعيروني يا ابو خيمه هههههههههههههههههه
امزح واتشرف اني ادش خيمتكم اللي اسمع فيها ولا ادري وينها خخخخخخخ
يسلمو على الرد
تحياتي