سوه فرومات للحاسبه وعرف الديلنك&&&نوبه النت يمه ضعيف ونوبه طياره
فتح ماسنجره وتلقى التهاني &&&واحبك موت خلاها العباره
دخل جات ومدونة ولطش على بنيه&&&بت محافظته العزيزه وربع ساعه بالسياره
برساله خاصه لو بالخاص كام يدك ناعم&&&واجيبك للدرب هذا شعاره
البنيه ادوهنت وكالت هذا خوش وليد&&&ولزك من الصبح لليل وهيه محتاره
وكالعاده ممكن نتعرف انه من محافظتج&&&كالت اي ممكن 0ونشنش الولد وطكله جكاره
كاللهه انه طالب وسيارتي بيجو 2024&&&وبيتي دبل فاليوم عبالك عماره
عجبني اسلوبج بالحوار وشخصيتج الفذه&&&واسمج بعد احلى كله حب وشطاره
وماطولها عليكم صارت ميانه&&&وحبهم المايكروسوفت وصلت اخباره
يكلهه احبج وحبج ماينوصف وصفه&&&وهيه تكله اسكت من شوفتك كلبي يفتح ازراره
كاللهه شنو نقالج اسيا لو عراقنا لو اثير&&&حتى واحد يتصل بالاخ ونقوي العلاقه
خطيه البنيه على نياتهه وتعلقت بيه&&&وصارت مكابله الحاسبه وتلزم خفاره
هسه يدخل بعد شوي يدخل وهو ماكو&&&تتصل بيه يسد التلفون وشغل الحقاره
ذاك اليوم دخل وكالتلهه شنو نهايتنه&&&شوكت تخطبني نزوج ونعلكه بالحاره
كالهه سكتي انه مدمر وحالي بالضيم&&&كالت شبيك مريض سويلك جاره
كاللهه لا حبي مو شغلت مرض&&&كالت شنو؟كال ابوي جبرني ازوج بت عمي ساره
منقول وانشالله يعجبكم
سلمت يداك
في انتظار الجديد
تحياتي
الف شكر
بل الواقع ما خطيتي
بل ما يحدث الان ما به تحدثتي
فاقبلي مروري وتحياتي
اخيكي
جلال القاضي