السيرة الذاتيه
(محمد الحويماني ) ., او ( القراح الجهور ) ., او ( صقر الشعر )
كل هذه المسميات باختلاف لفظها الا انها تشير الى وجهة واحدة في مدلولها
الابداع سماء عريضه تتهادى على صعيدها نجوم شتى .. وتسير على ضوئها اقدام الذوائق
ومحمد الحويماني نجم من نجوم الشعر .. بالرغم من أن شهادتي به جروحه إلا أنني افخر بالخوض حول شاعريته الحقه لقربي منها سنين عديده وسأزال بالقرب , بعون الله وأمره
محمد حكاية شعر مستقلة بذاتها وبأدواتها الابداعيه .. فقلما نجد الشاعر المثقف والشاعر الموسوم بأجمل صفات النبل .. ووالله ان كل هذا وأكثر حباه الله لهذا الشخص .. وكان على قدر كبير من شكر هذه النعم للبارئ وحده
في الشعر له اليد الطولى وله منه وسق المجد .. وبه رسم أجمل الابداع ..
عندما يهم بكتابة قصيده .. يأبى الا ان يكون مغايرا في كل شئ حتى في احساسه
ويسير به الصدق الى نحت أعتى التراكيب الشعريه صعوبة وأنفسها سهولة على اسماع المتلقي ..
ونهمه الشعري يجعله يفكر في كل جزء من مفردات البيت الشعري الواحد .. فهو ينتقي اطول المفردات عمرا .. وأبعدها نظرا .. وأكثرها نبضا بالحياة
حكايته مع الشعر بدأت بصدق .. واستمرت بعطاء .. وستستمر على هذا المنوال لأنه كما أسلفت يتسم بالنبل حتى مع الشعر ! ****
أما حكايته مع الحياة فقد " بدأت في تاريخ 31/7/1976 م في مدينة الرياض – بحي العود تحديدا .. يرافقه إلى الدنيا أخيه التوأم فهد , وترتيبه السادس بين أخوته
درس المرحلة التمهيدية في معهد العاصمة النموذجي , فالإبتدائية التي كانت على مرحلتين : سنواتها الأربع الأول اجتازها في مدسة سعد بن معاذ ثم ماتبقى في مدرسة الطفيل بن عمرو , فالمرحلة المتوسطة في مدرسة ابن الجوزي ثم المرحلة الثانوية والتي كانت في ثانوية الملك فهد وجميعها في مدينة الرياض
التحق بعد ذلك بجامعة الملك سعود – كلية الصيدله , وتخرج منها في عام 1420 هـ …. و لو لم يكن الشعر إنسانا لما لمسنا حقيقة أن نجاح الشعر نجاح الإنسان .. فقد كان ترتيبه الثاني حينها على تلك الدفعة
يعمل الآن في مدينة الملك عبدالعزيز الطبية / مستشفى الحرس الوطني في قسم الرعاية الصيدلية ..
متزوج وله جود , نواف , ثامر "
هل يولد الشعر كما تولد الحياة ؟ هل يتشكل عن تجربة وحياة أخرى ؟
لا فرق بين الشعر والحياة , فكلاهما كائن حي نام متطور يستمد قواه من الكون والناس
" نشأ محمد في أسرة شعرية .. فـ والده شاعر وكذلك إخوته وإن كان أكثرهم تعاملا مع الشعر : والده وإخوته خالد وراشد وفهد .. حيث كانت كل الأجواء المحيطة به تحثه على الشعر وان اختلفت أشكاله , كان شغوفا بشعر المتنبي ونزار قباني منذ البدايات الموغله في النضج
كل ذلك .. ولد في داخله بطبيعة الحال ولعا بالشعر والإستماع إليه وترديده
كتب محمد أول بيت موزون وعمره أقل من الخامسة عشر ..
بدأ الكتابة الشعرية بشكل خجول ومتردد وعلى نطاق ضيق جدا قد يقتصر على محمد ومحمد الآخر إلى أن توسع النطاق قليلا إلى البيئة المحيطة به من خلال الرديات والمساجلات بينه وبين إخوته وأبناء عمومته
ثم توسع وامتد إلى محيط الأصدقاء ..
كان أول نص ينشر لـ محمد في جريدة الجزيرة تحت اسم ( محمد خميس ) حيث نشر بذلك الاسم لمدة سنتين ثم باسم ( محمد الحويماني ) "
بعد البدايات ربما رأى محمد وأحس أن الشعر أحقية عامة .. رغم أنه ملك خاص .. وفتحت المجلات الشعبية أذرعتها لقصائده بعد أن فتح هو أبواب شعره لمدى الذوائق
يقول محمد " كان الشعر هواية ثم ارتقى فأصبح هما ثم ارتقى فأصبح هوية "
" نشر في تلك الفترة بشكل مكثف .. في مجلات عديدة( المختلف وفواصل وبروز وأصايل ومرايا وجواهر وصفحه الشعر في جريدة الرياضيه وصفحة الشعر في جريدة الجزيره وغيرهم)
بعد ذلك كانت أول أمسية له والتي كانت في مملكة البحرين عام 2024 م ….
إلى هنا تأخذ الحياة الأخرى محمد عن بث الشعر .. يسافر مع دوامتها إلى اللا ظهور حيث توقف عن الظهور الإعلامي بشكل مستمر .. وأصبح تواجده بشكل متقطع إلى أبعد حد .. وللحياة الإجتماعية والعملية الكلمة في ذلك "
لكن الشاعر لا يلبث أن يعود إلى الخلوص للشعر .. والإستكانة إليه عند أي داع يدعوه إلى قلبه
ويعود الحويماني محمد للظهور مره أخرى ويبداء من خلال أحد المسابقات الشعرية ….. وما تبعها من توهج "
كان له العديد من الأمسيات والفعاليات الشعرية الاخرى ..
(أمسية الرياض 16/3/2017
امعة البترا 13/4/2017
أمسية شعراء الزعيم 31/5/2017
أمسية بريدة 3/7/2017
أمسية عرعر 16/7/2017
أمسية عنيزة 8 – 2024
أمسيةالكويت 16/11/2017 )
المشاركة في أول اوبريت شعري مع عدد من الشعراء 2024
أصبوحة جامعة الكويت -2017
ومن نتاجة الشعري : ديوان صوتي أول ( كبير لكن الزمن ماعرف لي ) الديوان الصوتي الثاني
منقول من موقع الشاعر
—- (سويتها يازمن ..لكن وتاليها ؟!)
ذكرتها والدروب لصوبك أخذني
—–ياأتلى العهد في سوالفها وفي يديهــــا
بنت لو أملك قلوب الناس ماظني
—–تكفيني أحـــــزن عليها كثــر ماأغليها
هنا نخيت الزمان ولا سمع مني
—-هنا فقدت أجمل ايامي بمــا فيها
فإن كنت تقدر ترد الصوت طمني ..
—-عنــهـا بعد مامشـــت والدمع غاشيـــها
عن وجهها اللي (ثمان سنين) ساكني
—–من وين ماألد عيني قمت أنــــاديها !!
ياكثر ماأكذب على نفسي ولكني
—–مجبور وأستبعد إن الصدق ينجــــيها !
إلى متى يالمكان ..أشتاق لك كني ..
—-بألقى أثر لإبتســــامتها وأغانيــــــها
البنت راحت خلاص ومالي ألا أني
—— من قلبي (أدعي لها ) لا حــل طاريها
سويتها يازمــــــن ..وأبعدتـــــها عني
—— أبيض وجه يازمن …طيب وتاليها !؟
علم مجــــاهيمك اللي من صغر سني
——تارد على (بير حزني ) لين ترويها
لو يقدر الحزن يــــسرق ضحكتي مني
——تبقى دموعي بأمــــــوت وما قدر فيها
تكلم ..وأكسر جدار السكوت وخلنا ننشاف
……تكلم …وانت وجهي في عيون الناس وأوصافي
تكلم …لا يردك سجن وزن ولا يحدك قاف
……ولاتخشى من بحــور الخليل ومعك مجــــدافي
تكلم …كلها ..خطوة قلم وتقول يالانصاف
…..( وراك أبعدت عني ..مابغيت ألقاك ياجافي )
(انا ودي)(وأنا ودي بعد)(وأخاف)(ليه تخاف؟؟)
…..اخاف أن الكلام يبور بي …مابر ميقافي
أنا ماودي أسكت …بس ..أحس ان الحروف نحاف
…..وأنا (حملي) ثقيل ودرب (حلمي) وعر ياوافي
غديت (الحادي) اللي ساق ذوده والسنين عجاف
….على البيدا ولا ش الا الظما والجوع والســافي !!
ياأخوي ضايق ولا أدري وش مضيقني ؟!
……وأنا أذكر إني زبون الهمـــ والضيقه!!
ياخوي بأقول وأوعدني تصــــدقني
…..محتاج أقول لك شيء صعب تصديقه
لي سبعة شهور كف الصمت خـانقني
…… من ضيعة الحلم مدري موت تحقيقه
ماعدت أنا مثل خبري في وأرهقني
…..إحساسي إني غديت إنسان ماأطيقه
والناس مدري متى هالناس تعتــــقني
…….من سجن بعض الكلام وظلم تلفيقه؟
ياللي تلوم الصمت في وعلى أيش
…….. الصمت جنة لا غدى الصوت فاني
لا تلومني ماعاد فالسالفه (ليش )
……. خلك مكاني وتعرف وش حداني ؟!
على الظما وأنا جليس المراهيش
…….. على السفر وأنا حبيب المواني
لاني رفضت أخون وقتي ولا أعيش
…….. أنسان منفي داخل إنسان ثاني !!
أسكت ليا كثر الحكي وأمتلى طيش
…….. وأحكي ليا طاح الكلام ونخــاني
وشلون أخون الشعر والملح والعيش
…….. مابيننا عشرين عام وأغااااني
لمني بكيفك بس أنا ارجوك بشويش
……. حلمك علي ماعدت انا الاولاني
خلك مكاني أو (بلاها) على أيش
……هو فيه أحد يقدر يكون بمــــكاني ؟!
هو فيه بال أجل عشــــان يطول
… وين الصبر والحزن طـــال ونـــال ؟
من روح رجـــال جزع من هول
… ماشافت عيونه ..ودمــــعه ســال
في يوم ( جده) بالــها مشغـــول
… فأشياء ماتطري على أية بـــال
كانت (تمتم) خــايفة وتقــــول :
… العيد بكره ..والمطـــر همـــــال !!
كانت تقول وخــــدها مبــــلول :
… إهمال في إهمــــال في إهمــــال
في صبـــح ماللعيـــد به مدلول
… حتى المطر يشبه (دموع أطفـــال )
فجأه وإذا (جده) تفيض سيـــول
… والماء سمــــا والجال مامن جــال
هنا وقــــفت الحـــاير المـــذهول
… هنا شعرت إن المــــطر قتــــال !!!
شفت الرجال تســـير دون عقـــــول
… شفت النســـاء تركض بدون رجــــال !!
والمـــاء تفرعن …لين صـــار (الغول)
… اللي كســـر واللي هــدم وأغتــــال !!
ويقول لي : كـــان السبب ياحوووول
… مجهول كالعادة ,على أية حـــــال
الله يكون بعون هــــالمجهــول
…. ياما تحمل فالذنـــوب وشـــــال
ويقول لي : هذا (القدر) وأقــول :
… آمنت بالله ذا حكي ينـــــقال !!؟
قل غيرها ياحضرة المســـؤول
… قل غـــيرها يكفي كذب وجدال
اللي حصل هذا ماهو معــــقول
….فأغنى بلاد الأرض دين ومــــال
ماألوم (جده) بالهـــا مشغـــول
…فأشياء ماتطري على أية بــــال
تخاف لا ترجــــع تفيض سيــــول
… من دمعتين لأرمله وأطفــــــال
شكرا لأنك حضــــرة المسؤول
…حسستنا بـــ(ـإن المطر قتــــــال ) !!
من وين ب.. أبـدا يالكـلام ان تذكـرت
"شرعاء" , وحزني , والظلام , وسديمـه
والدمـع يغرقنـي وانـا مـا تكـاثـرت
دمعـي عليهـا لـه مكانـه وقيـمـه
"شرعاء" وانا لا قلت "شرعاء" تفاخـرت
مثل الهبـوب اللـي تفاخـر ب.. غيمـه
لولاي اعـرف المـوت حـق وتصبـرت
ان كان طحـت مـن القهـر والظليمـه
ماتت وأنا يا "سعود" من يومهـا صـرت
أهـد حزنـي كـل ليـلـه , وأقيـمـه
أكذب عليك ../ ان قلت لك (ما تأثـرت)
وأكذب عليك ../ ان قلت (روحي سليمه)
يـوم أتـذكـر قولـهـا لا تـكـدرت :
(وراك ماتضحـك يامـال الغنيـمـه!!)
ولا ليـا قامـت تسولـف , تعـطـرت
مـن صوتهـا ولا قصصهـا القديـمـه
واذا ضميـت لهـا رضـت لا تـعـذرت
وأشرب رضاهـا مـن يديهـا الكريمـه
حتـى ولـو جـار الزمـن ماتـذمـرت
ألقـى بهـا دنيـا وسيعـه , رحيـمـه
يا "سعود" ماهو بس انا اللـي تكسـرت
جـدار غرفتـهـا تسـاقـط هشيـمـه
سريرهـا , مذياعهـا , وان تبـصـرت
كل [الرياض> ب.. موت "شرعاء" / يتيمه
وشلـون ماتبغانـي ابكـي لـيـا زرت
قبـر عسـى كـل السحايـب تهيـمـه
الله يقبـل كـل ماأخفـيـت وأظـهـرت
يغفـر لهـا ويمدهـا مــن نعيـمـه
الحمـد لـك يـارب فيـمـا تـدبـرت
أنـت الحكيـم اللـي سواتـه حكيـمـه
وشلون ما أحـزن يالكـلام ان تذكـرت
(وراك ماتضحـك يامـال الغنيـمـه)!!
وآخر خضـار العمـر لآول جفافـه
سلم ثلاثين التعـب واعتـرف لـي
الشيب لاح ..وكل عمـر وضفافـه
وأخذت اعيد اللي مضى وانعزف لـي
لحن كسى كـل الضلـوع ارتجافـه
مثل العتب (ليه التعب ماخلـف لـي)
رفيق عمري….عمري وصرت أخافه
ولا بقى غيرك طموح وشرف لـي !
محتاج لـك خـل العتـب والكلافـه
يكفي عتب حالي لحالي وشـف لـي
من صوتك الدافـي حنـان ولطافـه
محتاج أحس ان الزمان انتصف لـي
ولاتلحق دموعـك علـي بحسافـه
لا صار قـدري قـد ماينـذرف لـي
في غيبتك …تزداد الاشياء صلافـه
في غيبتـك ياكثـر ماينكشـف لـي
وأزيد انـا حزن..وهموم..ونحافـه
وآقف على جال التعب وأغرف لـي
يابوح شعـري يابعـد نبـض قافـه
من غير ماأحلف لك ولاانت تحلف لي
الذنب ماهـو ذنـب بعـد ومسافـه
ولاهو بذنب اللي هقيته وقـف لـي
كذا الزمان اللـي سمانـه عجافـه
وان قلت لي حاول بعد واعترف لـي
أقول لك وبصدق ينـزف حسافـه :
(كبير لكن الزمـن ماعـرف لـي )
ليت الورق يقرا وش اللي كتب فيـه
و ليت القلم يدري وش اللي جرا به
ان كان ما تمسي فـصدري مشاريه
ولا اتضايق لـو تضيـق الرحابـه
وا صوتي اللي عجزت الناس توحيه
غريب يوم اصوات غيـري تشابـه
البيت بيتـك و المـواري مواريـه
لكن كبرت و لا كبـر معـك بابـه
و الناي لو نقض جروحك بـأغانيه
جـروح غيـرك نقضتهـا ربابـه
ما هو يتيم ان كنت انا اللي مغنيـه
ولا هو فقير ان كان جرحي زهابـه
و الغايب اللي يغري الشعر طاريـه
ما قـل قـدره لـو يطـول غيابـه
كم لي و انا احث القصايـد تخليـه
حتى تلاشت رغبتـي فـي الكتابـه
و الشعر لو يفقد حروفه و اساميـه
مدري وش اللـي بعدهـا ينبغابـه
احترت بين اعتب عليه و اراضيـه
اخاف لا يجـرح رضـاه بـعتابـه
أحيان أقول آبيهـ, و أحيان ماآبيه
الا ابيـه و لـو يبـي لـي عذابـه
يـاللي تجونه دامني مااقدر آجيـه
وصوا ذهابه .. لا يشـح بـايابـه
و قولوا له اني من كثر ماني أغليه
اشرب سرابه و ارتوي من سرابـه
و على كثر ماانسى اذا قلت ناسيـه
دار الزمان و جاب عشقه و جابـه
حنيت لـأيامه و ضحكـت لياليـه
قبله و بعـده كـل وقتـي رتابـه
ان لمت قلبـي عاقبتنـي محانيـه
وان قلت أبرضا عز نفسـي رقابـه
البارحه كنت اكسر الروح و انهيـه
كان الورق ارض و عيوني سحابـه
زرعت مااحبه ولا عـاد لـي فيـه
و جنيت احبـه لـو يطـول غيابـه
تدري انك على هالصمت لك حول عـام
مانت مجبر علـى صمتـك ولا انـت معـذور
والقصائد على صوتك طواهـا الحيـام
اسقهـا …والله الله فالقـراح الجـهـور
سج شوفي على بيد السهـر ..لا ينـام
ودي القى لهمي فيـك ( منفـذ عبـور )
يركض الهم فـي روحـي بليـا لجـام
ماترك شبـر ماحـده علـى أنـه يثـور
جيت محتاج والحاجه …عجاج وعسام
تغدي الصبر من قلب القـوي الصبـور!!
مالها الا أنت يا(شعري) نهار وغمـام
خل نورك مثـل سيلـك عليهـا حـدور
خلك اللي تنومـس قومتـه يـوم قـام
وان غدت بالشبور أزهل طـوال الشبـور
قال :والظل؟..قلت: الظل نصفـه ظـلام
حاول انك تضيـف لنصفـه النـور نـور
قال: بس القصيد يعيـش دور الكـلام!!
قلت: لن الصـدور تعيـش دور القبـور
ولا انا جيت.. واحساسي على مايـرام
أحمل من (العتب)كثر (اهتمـام) الغيـور
معك أمانه ليا من شفت (سرب الحمام )
شم وقل للفضاء من وين درب (الصقور)؟
وان قصر طول دربك عن بلوغ المـرام
ماصغر حلم شاعرك وحشـاك القصـور
شاعرك لـو تميـل أذواق كـل الأنـام
مايميـل بشطـر واحـد مخافـة يبـور
مازهد فيـك يـوم ان القصائـد خيـام
كيف يزهد ليا شاف القصائـد قصـور !!
وان تأملت وش تعني ( مرور الكـرام)
ماتكاثـر عليـه ان مـر هـذا المـرور
لك عليه ان ترزم له سحـاب المـلام
يجعل الخصب في وجه المشاريـه بـور
وان سمع بالقصيد يعيـش دور الكـلام
قال والحق عند النـاس صوتـه جهـور
مثل ماللجفيـر ان زاد قـدر الحسـام
مايطيـب القصيـد الا بقـدر الشـعـور
فالكلام (الحروف أسراب مثل الحمـام)
فالقصيد (الحروف تطيـر مثـل الصقـور