شفتك وجانى من عيونك ذهول ..
كنى المشلول من تحت ركبى
أتحرى الشوق يا شبه الجفول ..
والله اللى جاب لى عيون الظبى
أنعشى ورد تمايل للذبول ..
واجلسى ما بين بنتين وصبى
خلى عنك الخوف وأنصاف الحلول ..
أقبلى وأجيك وحبيلك حبى
عيبك ان عينك لها طرف خجول ..
لا لمحته قلت يا دين النبى
كل زول يمرنى بعدك يزول ..
كل ما فينى يصوت لك ابى
عقلى وقلبى وعينى لك تقول ..
بس امرنى وقلى وش تبى
والله ان الشوق فرسان وخيول ..
لو تهز القاع تسبيها سبى
الوعد قدام لا دقوا الطبول ..
وارتفع راسى ويدحم منكبى
جيت بين امرين والقصد الوصول ..
الوله يعطيك وعيونى تبى
يتبع .,
والليل الاسود مايجيب الصراحه
مثلي تساوت ضيقته وإنشراحه
عساه يلهمني ثبوت وفصاحه
مخلوق من بين الرضا والسماحه
ماهمني فوضه وصوره وساحه
حروف شعري للمخاليق راحه
لا تحسبنك عايش بوسط واحه
الفرق واضح كالسما والبراحه
والهندسه تبغى ارتفاع ومساحه
ميز هماج الما وميز قراحه
لكن غرور الشخص سبة مطاحه
والمجتهد همه وغمه نجاحه
الطير وشهو ؟ لو كسرنا جناحه
من راح مني سمح الله مراحه
عكس الرواة وكل ما قالوه اشباه الرواه
تبكي من اجرام الادب والشعر طايح مستواه
مثل العمى اللي علق آماله على مسكة عصاه
زقارةالحزن مزتها اترجعني مياه
متوكل بالله على درب الكرامة والغناه
اتبع هوى نفسي وكل انسان يمشي في هواه
ما عاد يغريني على الدنيا مكان ولا اتجاه
ادفن من دموعي امم واطلب من الله النجاه
احاول ابعد من مماشيهم وصارولي حصاه
انسان ينزل لتواضع من سماه الى سماه
وانا اضيق وما يوسع خاطري الا الصلاه
دنياي هذي كلها دنيا المظاهر بالحياه
لازم اغير شاعر مسكين تايه في غباه
اكبر غني بالمجتمع ياطي على باقي الرعاه
كم واحد يمشي بهالدنيا كذا على عماه
اسابق انجوم السما اصيح انادي لي فتاه
مكانها صعب المنال ودايم تمشي معاه
قلبي لها مثل الوطن كنها تربى في حشاه
ما تمشي الا من على السندس ولا تلبس سواه
فيها من اطباع الاصايل خجلتن مثل المهاه
والورد من تحت القدم ولهان يعطيها شذاه
حبيبتي من كوكب الحلوين ما هي من وراه
ابترك آمالي على المينا وابتحرى عطاه
اوجد حال اللي يجر الصوت ما يسمع صداه
قصيدة تسوى جبال الطويق وجبال السراه
يتبع .,
مرت علينا واستحت كنها تلاعب بالجمال
وأنا من الفرحه اغني يابشر فزولها
القلب ينبض بالفرح والعين بكاها الوصال
يافرحتي بقدومها ويافرحتي بوصولها
ياهل التدلع والترف جتكم عناوين الكمال
اللي تبادلني الغلا لاني انا مجمولها
دلوعتي مضرب مثل الا خلقها الله مثال
الورد ينبت لاتهادت ويتفرعن حولها
لاشفتها شفت الحقيقه تستوي ويالخيال
لا وقفت هذا الخيال اما الحقيقه زولها
سبحان من خلا التواضع يضحكلوجه الدلال
مير البلا شفت التواضع والدلع في طولها
المشكله لاشفتها انسى الحرام من الحلال
الا عساني منهبل واصير انا مهبولها
العين لاطاحت على كنها تقول ارحب تعال
غصب على أطلع حلو من شان بس انولها
لا نادت اسمي بصوتها يضيع حال وزان الحال
دلوعتي من مثلها كلمهو انا مسؤولها
جمالها اصلا اجابهمالها اي سؤال
قد قالها خالد طرب وانا بعد بقولها
لاجاتني حبيبتي بصيح وأصرخ بانفعال
فزولها حبيبتي حبيبتي فزولها
يتبع .,
لك وجه تسألني عسى عندي أخبار….يامدور دروب الهجر والقطاعه
أتشوفني مسجون وارموشك أسوار….في وسط عينك اتحرى الشفاعه
تايه وادور بين الاضلاع لي دار….الحب واحد والخطايا جماعه
محتار في قربك وفالبعد محتار….مثل الرضيع اللي احرموه الرضاعه
ماعاد باقي لك من اعذارك اعذار…عذرك ضعيف ومايسر استماعه
كنك تقول بتطفي النار بالنار….يالظايع اللي منخدع في ضياعه
ياما فرشت القاع من تحتك ازهار….الورد تحتك قال سمع وطاعه
خليتني اترجم احساسي اشعار….محلا غلاك ونشوته واندفاعه
احلى من الجلسه على شبة النار….في وسط روضن زين الله قاعه
الصمت مايمشي على درب ثرثار….والصدق ماتبني عليه الاشاعه
خلك على ماقيل ماضي وتذكار….بياع مثلك قلبي اليوم باعه
لاجيت ابرجع لك وكن شي ماصار….قمت اتشوق للقمر وارتفاعه
انا كذا مخلوق من خمسة انهار…..حزن والم شعر وخيال وشجاعه
بيني وبين الحظ ممشى ومشوار…..همي سنه وافراح قلبي ساعه
يتبع .,
مرحبابالمهرة اللي عسفها سهل عليه
فارس والله بلاني ثم تعلقة برسنها
اسمعيني بالهداوه لا تصيري نرفزبه
قصة بيني وبينك حالفن لكسب رهنها
ابتليتيني وانا لك حالف لطلع بليه
ليش تمزح في غرامي والمشاعر تمتحنها
لاتلومي لا عشقتك جنة جتني هديه
ان نسينا او مانسيناصورتك قلبي حضنها
لاتكابر لا تناسى انت بديتي بالخطيه
وعلميني من بلاني في عيوني ثم فتنها
يتبع .,
على فكرة من تجميعي الخآص
تحيتي للجميع
بهلوله
شخص مثل ناصر بن دهيم يستحق كل خير
يعجبني كثير
عساكي على القوة يارب
دمتي بود
طير القوافي
اسعدني مرورك العطر