رواية العقد / الكاتبة ساندرا [ كاملة ] 2024

.. آلبآرت الأول ..

بفيلا كبيرة بـ دبي …..

الأنوار خافته وبغرفة الأجتماع المغلق ..
حط رجله بالطاولة وبنظره حادة:ووش المطلوب مني ..؟؟
بابتسامه:ظنيتك بتفهم بسرعة يا محمد ..
محمد رفع حاجبه:وش قصدك ..؟؟
بنظره خبيثه:يعني أنت ألي بتتولى المهمة يامحمد ..
محمد بصدمة.وليه انا..؟
سلطان رجع ظهره لورى:ذا اوامر الرئيس..
الرئيس عبد الكريم قاطعه:انت المناسب للمهمه..رجل وسيم أنيق غامض مسيطر..مراح اشوف احد مناسب كثرك..
محمد التفت له:بس ياطويل العمر..
عبد الكريم قاطعه:أفهم أنك بتعارض…
محمد باندفاع:لا طبعا..
عبد الكريم:اجل نعتمد المسأله..!
سلطان ناظر محمد بمعنى (وش قلت)..
محمد بعدم اقتناع:طيب ياطويل العمر…
عبد الكريم كفت يده والتفت لهم:أنا راح اوكل عزام وفارس بها المسأله..وراح يجرون أوراقك ويخلصونها بدري..
سلطان:…….
عبد الكريم اشر بيده:سلطان بيقدم المعلومات لك أول با أول..وبالسرية التامة…وهو ألي راح يدخلك الجامعة على اساس انه ولي لك بعد وفاه ابوك..
محمد بحزم:أبشر طال عمرك..
عبد الكريم التفت لسلطان:بلغ عزام وفارس بالمهام..قبل بداية العام الدراسي الجديد..
سلطان قام:ابشر يا طويل العمر..
.
.
.
كانت تناظر نفسها بالمراية وهي تتأمل ملامحها..
ناظرتها مرت أبوها ورفعت حاجبها: من زينك أنتي..بعدي المرايه عن وجهك..
بغرور:يكفي بنظر نفسي حلووه..
أم مبارك كشت عليها:مالت عليك..وعلى غرورك فوقك..لا جمال ولا ادب ومغروره..لكن وش نقول..قله ادب واحترام
ممسوح عندك..بعد وفاه ابوك ضيفتك ببيتي وانتي لا حمدا ولا شكوره….
زينه ناظرتها بطرف عين:غصبن عنك مو طيب منك لأن لي حاجه من ورث ..وأن طردتيني مو من صالحك..يكفي انه
كاتب البيت باسمي ألي بتجلسين فيه بعد منرجع لسعودية …
أم مبارك عضت شفتها بقهر:صدق انك طويله لسان….
زينه:انتي ماينفع معك الا واحد يرد عليك ويوقفك عند حدك…
أم مبارك بكره:حسبي الله عليك من بنت..
زينه بحقد :وعليك ياررب..
وقامت منها ..
أم مبارك بكره شديد:مدري وش هالحظ الي رماني بيك
ليتك متي مع ابوك بالحادث احسسن لي ..
زينه ( عمرها 21 سنه , طآلبة جآمعية بسكن دآخلي , طولها متوسط , رويآنه جسمهآ حلو , شعرها بني داكن طويل لأخر خصرهآ وضعيف تقريبا , عيونهآ متوسطة , خشمهآ ملموم وحلو عليهآ , بيضآء على حموره , شفآيفها مليآنة , ملامحها عادية جدا لم تكن فائقة الجمال , ونتعرف على شخصيتها با أحدآث آلروآية ) ..
أم مبارك ( زوجة أبو زينه تزوجته وهي على كبر , قآسية , وانجبت مبارك ألي يبلغ من عمره 5 سنوات ونصف ,وشخصيتهآ نتعرفها با أحدآث آلروآية )
مبارك ( عمره 5 سنوات ونصف مصآب بسرطآن بالدمآغ )

.
.
.
عند الساعه 11:12 ليلا..
بغرفة الخاصة لتعليم التسديد والتصويب بالمسدس,, آلعآزلة عن آلصوت تقريبآ ..
وبعد ارتدا الواقي من صوت طلقات الرصاص…
ابتسم بهدوء وعيونه الحادة تركز على الهدف واطلق الرصاص وصابت الهدف…
سلطان بذهول:ماشاء الله..والله وطلعت قناص…

محمد ( عمره 35 سنه , شرطي بمجآل التحقيقآت , مغيزلجي ولا يعترف بحاجة آسمها حب , الحب عنده مجرد لهو وسخرية ,
عادي شكله إلا أن ملامحة جذآبة , طويل , حنطي , شعره أسود طويل لتحت اذآنه , ماعنده أهتمآم بنفسه حيل
وبا أحدآث آلروآية أمكن يتغير , خشمه طويل , شفآيفة صغيرة , وبقية شخصيآت نتعرفها بالأحداث )

عبدالكريم ( مساعد النقيب , غآمض جدا , يبلغ من عمرهـ 45 سنه , نتعرف عليه أكثر با أحدآث الروآية )

سلطان ( يبلغ من عمره 35 , انيق مرة عكس محمد , حنطي وطويل بس مو زي طول محمد , وهم اصدقآء آلروح بالروح ,وهو شرطي نفس مجال محمد ) ..

.
.
.
أول يوم للجامعه..
بجامعة دبي السكنية…
عند غرفة المدير..
وهو يتصفح ملفه وهو مذهول…
سلطان بابتسامه:ارجو أن ملف ولدنا يرضيكم أنه يدخل هالجامعة الراقيه…
المدير وهو يتصفح ملفه:…….
سلطان حط رجل على رجل:الصراحة مكذب عليك هم اقبلوه من ارقى الجامعات با إيطاليا وأمريكا….
محمد بق عينه وبهمس:ول عليك وش هالكذب كل ذا فيني…
سلطان داس رجله ومحمد كتم ألمه وبثقه كمل:زي منت شايف ملفه وامتيازاته بكل المواد وهو مؤدب…
المدير بفرحة كبيره:طبعا شرف لنا أن نقبله معنا..وهو بهالامتياز العالي..ومن حضه أن ألي بسنته الدراسية والبقاعة اغنى الطلاب واشطرهم…
محمد (وهذا هو المطلووب)
سلطان باندفاع:أي طبعا..المهم أنكم قبلتوه..
وتصافحوا…..
المدير:تدري عاد لما شفت محمد قلت أن عمره بالثلاثين..
سلطان ومحمد ناظروا ببعض..
سلطان باندفاع:وليه؟؟
المدير مو زي الطلاب ألي عندنا بالأستايل..وعنده عوارض بعد…
محمد حط يده بخده وهو يتحسس لحيته..
سلطان عض شفته بقهر:هو يحب يربي له عوارض..
المدير:حسيت أنك مو عمه كنك صديقه أو أخوه..بس الشكل مو مهم الأهم شطارة الطالب عندنا
لأن أحنا من يطلع الطالب عندنا يكون له حياة لا مثيل لها ألي طلعوامن جامعتنا ألي صار طيار وألي صار مهندس
وصار من اكبر المهندسين بدبي وألي صار معلم..
سلطان:اها ماشاء الله…
وطلعوا من غرفه المدير…
محمد مسح على وجهه:مدري كيف غفلت من ناحيه المظهر…
سلطان ضرب يده:قهر صدق المهم اليوم ما في دراسة..بنروح نصلح فيك شوي…
محمد برفض تام:لا يمكن..إلا العوارض مستحيل….
سلطان قاطعه:غصبن عنك مو رضى منك..ويلا قدامي..
.
.
.
لبست عباتي وطرت للجامعة ..
وقابلت بوجهي أقبح بنات الجامعة ياكرهي لهم بس ..
فرقه Girls angel..
هم صحيح جميلات بس محبهم..أكره يومي لقابلتهم ..
حاولت أمشي بطريق غير عن طريقهم إلا ..
العنود بسخرية:وووع تشمون بنات ريحة زبالة ..
نوف بقرف:أي ووع مرة…
اشواق:أظن أن به حاجة اسمها مزيل عرق وعطورات ..
العنود ونوف واشواق:ههههههههههههه ..

العنود ( جميلة وجذآبة مرة , أطول من زينه بشوي , بيضاء وشعرها كثيف صابغته أشقر , جسمهآ روعه مرة وآنيق لابعد درجة ,
عمرها 23 سنه , شفايفها صغآر وعيونها كبار وخشمها طويل , هي الزعيمة لـفرقة Girls angel ,وباقي شخصيتها نتعرفها بالاحداث القادمة )
آشوآق ونوف ( انيقآت ونفس عمر العنود , سمرآوآت , وتبيعتها بكل حاجة الشينه والزينه والعنود احلا منهم بكثير )
ومشوا قدامي ..
زينه بهمس:حسبي الله عليكم..آووف بس يالكرهي لهم ..
ودخلت لسكن الداخلي وكنت متحمسه حدي لصديقة السكن…
شفت الشنطة وملابسها مبعثرة يبدو أنها غير منظمه..
حطيت أغراضي فوق سريري..
والتفت للغرفة وشنط كثيرة.. شلحت برفعي وعباتي وخذت دوش سريع لجسمي ودهنت باللوشن
ولبست بنطلون جنز ازرق مائل لرمادي سكيني على بدي أبيض وشوز أبيض على أزرق ولبست عباتي وبرقعي
وخذت شنطتي وجوالي وكتابي وطلعت من مبنى السكن وتوجهت للقاعات ..
جلست با أخر القاعة لأني محب أختلط ويكون وراي رجال ..
وجلست أناظر بالقاعه غريبة ما جات فتحت جوالي ودقيت عليها وقفلت بوجهي ..
وحسيت بحد يلمس كتفي والتفت بخوف..
شمس:هههههههههه لا تخافين ..
زيته با أبتسامه:دائم تخوفيني ..
وقامت ضمتها بشوق ..
زينه:من زمان عن بعض والله ..
شمس جلست جنبي:اجل كيفك وكيف ايامك بالعطلة ..
زينه تنهدت:تبن بتبن ..مرت أبوي ما تخليني بحالي..لزوم النشبه… تباني بس أتزوج
وأسيب لها البيت براحتها ههههاي محزرت والله..تصدقين عاد أنها سجلتني عند الخطابات عشان تسيبني أطلع من البيت…!!
شمس:ههههههههه من جدها ذي قولي لها طلعه يابنت الناس من البيت منيب طالعه وناشبتنك….
زينه با أبتسامه:أي قولت لها ..لما شبت وصارت كلا تتهاوش معي با أتفه الأمور…
شمس:هي ما دخلتك أساسا مدرسة داخلية إلا أنها تريد تفتك منك…
زينه:أي عارفه أنا..وكلمت أبوي الله يرحمه إلا يدخلني بها المدرسة أضمن كا مستقبل لي ومدري وش..
شمس:حقودة مرت أبوك..
زينه بسخريه:معلومات جديدة والله..أدري أنها حقودة وشريرة بعد ..
شمس:طيب ..
زينه تنهدت بملل ..
شمس بروح مرحه:آنسي همومك من تدخلين الجامعة..ومراح تشوفينهم إلا بالأجازات لو حبيتي ..
وعلى فكرة تغير نظآم آلجآمعة وجآتهم شكوى بمجآل آلطلعآت .. أنو مآيتدخلون بطلعآتنآ وجيتنآ
والمدير أجتمــع المدرسين والآداريآت وقررو أن نطلع بشرط انو يكون التصريح من قبلهمـ ,,
زينه هزت راسي بنعم وأنا متحمسه حدي ..
شمس بحماس:من رفيقتك بالسكن..
زينه:مدري بس شكلها وحدة فوضوية مرة…
شمس:هههههههههه مدري ليه حظك كذا انتي…أما أنا فالبنت نظيفة مرة وعندها وسواس نظافة بعد ..
زينه باندفاع:من جدك ..
شمس:لا أنا أقصد أنها نظيفة مررة مرة…
زينه:خلف الله علي وعلى حظي…ما يجون رفقــى سكن ألا الوسخات..
شمس:هههههه ما تدرين القدر وش يخبئ لك مع هالوسخة..
زينه:الله العالم أني بكرف كرف بالغرفة وهي زي الاميرة .. وعندها شنط كثيرة تقولين بتهاجر على هالملابس..
شمس با أبتسامه:ما تدرين انتي ..
زينه تنهدت:سدي الموضوع الله يهديك ..
شمس:طيب ..
زينه بحماس:بعد المحاضرة ..على طول المقهى…
شمس بنفس حماسها:طيب..

شمس( جنسيتها عمآنية , ملامحها هادية ونآعمة مرة حنطية , آنيقة وتعشق التسوق لدرجة كبيرة , من عآئلة مقتدرة , وسآكنة بدبي من كآنت صغيرة ) ..

انتهى البارت