نويرة:زعما بنمشوا لحوش جدي اليوم
اسيل :والله منعرف لكن اني مخاطريش نككشي فوق من قلبي لان النفاخه دلع جاية
نويرة:اللطف وانتي خيرك عليها
اسيل :انهار بيض اني اللي خيرني عليها والله حالة وهيا تحساب روخها هيفاء وهبي على غفلة
نويرة:هههههههه يالطيف منك وخلاص
الباب طقطقطقطق
سولي (الخدامه)ماما يقول وتي روهك بيمشوا حوش جدي
(ماما قالت وتوا روحكم بنمشوا حوش جدي)
نويرة:باهي
غيروا حوايجهم ةامشوا لحوش جدهم
**********************************************************************
الام :(سناء العمر 40 ) ربه منزل
الاب (صالح العمر 50 )مهندس
نويرة:نور العمر 21 تقرى سنه رابعة طب اسنان
اسيل (العمر 17)سنة تالته ثانوي هندسية
**********************************************************************************************************************
في حوش تاني
الام :وليدي بالله عليك كلم خوك شوفه خيرة عطل
احمد :يا امي والله قاعد في الطيارة مزال ما اوصلش
الام :لا حول ولا قوة الا بالله
احمد:خيرك يا امي والعه ارخي روحك
الام :تعرف يا فرخ ماتنوضش من بحداي منعرفش شن انديرلك
احمد يدير بيبي فيس وقال:اصلا انتوا كله امعدلين على رياض واني ولا كانني موجود
على خشت بوه :ههههههههه خيرك يا لطفية صاخنه عالولد
الام وهيا والعة:اصلا مزال حد امعدل على كلامي
احمد :اللطف وانتي قلتي حاجه وقلنا الا
الام وهيا نايضه متكنطية :قعمز فيها
احمد:امي غر قولي اامري واني اننفد
الام :كانا كلمه وقلناها وصلني لخوش جدك وبرا جيب خوك من المطار
احمد:من عيوني يا عيوني
شوية وخشت رهف:ماما شن نلبس
الام :تو مش الدولاب امعبي البسي اس شلتوته وهيا
رهف:شن قلت اني ؟
الام :امشي من قدامي خيرك
ركبت الدروج ولقت احمد :خيرها ماما والعة اتقول رياض اول مرة ايروح
احمد :والله منعرف غر انتي بري البسي خير ما اتعطلينا واتزيد تولع امك اكتر
**********************************************************************************************************************************
في حوش الجد
حليمة الخدامه :ماما انا ما في يلقا شاهي
الجدة:بري قولي لواحد من الاولاد يمشي يشري
عبير :بري لمحمد فاضي ما ايدير في شي
الجدة:رياض امتى يوصل ؟
عبير :تقريبا المغرب
الجدة:و من بيجيبه ؟
عبير :اكيد احمد
شوية وشؤين تلفوون عبير وناضت ركبت لي الدور الفوقي وردت
عببير :مش قتلك امعاش تتصل بيا
انتي علاش متبيش تسمعي :
عبير يا اخي افهم ما نبيكش اتكلمني تاني ممكن
عبير اعقلي وبلا جو فروخ :
عبير :الا منبيش نعقل واعلى ما فخيلك اركبه
يعيني هذا اخر كلام عندك :
عبير :والله كانك تفهم اية
ببه اتحملي اللي بيجيك:
طوط طوط طوط انقطع الخط
باللهي هذا خيرة
نويرة :من هوا
عبير :من غيره رؤوف
نويرة :شن قالك ؟؟
عبير :قال اتحملي اللي بيجيك وصكر
نيرة:حية زعما شن بيدير
عبير :تي ما هوش امداير شي كلام وخلاص
في جيهه تانيه
رؤوف :واللهي الا ما انوريها
علاء (صاحبه) من هيا
رؤوف :عبير الشياطين
علاء :خيرها
رؤوف :جو المسلسلات التركية اللي اتدير فية
علاء :وش ناوي اتدير
رؤوف ضخك ضحكة مقززة وقال :منبداش اني رؤوف كان مخليتهاش تجري وراي وتترجاني
****************************************************************************************
احمد امش لللمطار واستقبا رياض
وامشوا بالسيارة لحوش الجد
نوصفلكم من كان في
اولا
عماته
عواطف العمر 50
راجلها مصباح العمر 57 محاسب
صغارها
مؤيد العمر 29 متزوج وعنده زوز اولا د توام
مرته :رهام العمر 23
*********************************************************
صالحة العمر 48
مدرسة لغه عربية راجلها متوفي
وعندها اربعة اولاد
قاسم العمر 27 مهندس
وائل العمر 25 محاسب
صهيب العمر 23 طالب طب
مرح العمر 19
رغد وجهاد العمر 17 ثالث ثانوي علوم حياة
**********************************************************************************************
عبير اصغر بنت العمر 20 كلية لغه انجليزية
الاولاد
صالح
قلنا على عيلتة
مصطفى العمر 53 صاحب شركة
خلود:مرته عمرها 42
دلع بنته الوحيده عمرها 18
**************************************
مزال اختهم رجاء العمر 40 مدرسة لغه عربية
راجلها متوفي
عندها
رامي العمر 20
رقية العمر 19
امنية العمر16
***********************************************
شهاب العمر 30
محمد االعمر 25
زياد العمر 23
***********************************************************************************************
في الطريق في سيارة احمد
شرين التلفون امتع احمد
رد احمد وفتح المايك
لانة ايسوق
احمد :الو
البنت :الو
احمد :رانيا كيف حالك
البنت:عفوا اني مش رانيا
احمد اتلخبط وقال اه اية سلمى شن الجو
البنت وهيا طايرتلها مين سلمى ختى هيا
احمد وعطاهالها من الاخير :اسمعي فوتيني من الاخير انسيت اسمك
البنت :انت كذاب امعاش انحبك
احمد :يا شيخه
البنت :اني نكرهك وصكرت التلفون
احمد :يلا ملا فكه
رياض اللطف خيرك على البنت
احمد :نفخووهم ياراجل
رياض :مش ناوي تعقل وتبطل حركاتك
احمد بكل برود :لا
رياض :ملح الحق مش فيك الحق في اللي امعدل عيلك
وصلوا لحوش الجد
نزل رياض ونزل احمد
بعد قصة طويلة من السلام والسؤال على الحال
اخيرا قعمزوا وناضوا البنات جابوا الشاهي والحلويات
كانت الطاوله عليها شاهي اخضر واحمر
ومقروض ودبلةوبكلاوة
دلع :ريااض
رياض :يا نعم
دلع بدلع مصطنع :كيف كانت سفرتك
رياض في خاطره بدينا :كويسة
دلع ناضت وقعمزت في جنبة وقالت :اما احلى اني ولا الامريكيات
ريااض :باللهي هذا سؤال ينسال ؟
اكييد انتي
كلهم شدوا ضحكتهم على الكذبة الضخمه هاذي
وبعدين قالت رقية :ههههههه والله دلع ورياض طالعين على بعض
صالحة :ههههههههههه واللهي عندك حق
رامي :رياض شن رايك انت
رياض :خخخخخ اية صح
دلع صدقت روحها وبدت تسبل
بعد صهرية طويلة
روحوا الكل وما قعدوش غير البنات
ركبوا شهاب ومحمد وزياد كل واحد لدارة ورقدوا
ركبت عبير ونويرة لدار عبير
اما امنية ورقيه ودلع واسيل ورغد ومرح فقعدوا لوطا يتفرجوا على فيلم
فوق وبالتحديد في دار عبير
نويرة :عبي رانتي خيرك من امبكري
عبير:خايفة رؤوف بعتلي رسالة
نويرة:وعلاش ما قلتيليش
عبير :في الزحمة والدوشة امتع امبكري والله اشك انك تقدري تسمعيني
نويرة :شن قالك في الرساله
عبير :هاك اقري
الرسالة(عبير اتفكري قبل شهرين على الفايبرانتي شني ابعتتيلي بهي وزيدي كبير راسك لكن حيجي يوم وانكسر هولك )
نويرة:انهارك شن باعتتيلة
عبير وهيا تبكي صورتي
نويرة:حية حية
عبير وهيا تبكي شن نبي اندير اني توا
نويرة :مش حنققدر نتصرفوا بروحنا لا زم انقولوا لحد
عبير وعبونها بيطلعوا من امكانهم: من جدك انتي تتكلمي من اللي بنقولواه
نويرة:واحد من اولاد العيلة
عبير :انتي نواية تقتليني
نويرة:امالا شن بنديروا بنستنوا لين يبعت الصور والا منندري علية شن بيدير فيهم
عبير :بهي مني باللهي عليك قولي
نويرة :شن رايك في زياد
عبير ناضت من الخلعة:شني زيااد زياد صح رايق وجوه مليح لكن في المواضيع عاذي معنداش بصارة
نويرة سكتت شوية وعدين قالت :مفيش الا ريااض
عبير:رياض ريااض
نويرة:اية رياض لانه اعقل واحد ولانة يقكر بعقله قبل
عبير :بهي انتي عندك رقمة
نويرة :ومن وين بيجيني رقمه
عبير :امالا خليني نمشي ناخدة من واحد من الاولاد
نويرة :كان بتمشي وانتي هكي مش حيخلوك في حالك منن الاسئلة حيرك وعلاش تبكي
عبير:بهي بري انتي
نويرة:والنبي وشن نبي انقوله والله نبي رقم رياض توا الساعة 2 في الليل
عبير وهيا قريب تنفجر :خلااص اكذبي قولي اي حاجة ولت تبكي
امشت نويرة زي البنية الفالحة لداار شهاب
القاتة امقعمز وشاد الاب توب
خشت وقال :شهاب شهوووبي
شهاب:هاه
نويرة:الناس يقولوا نعم عيونه اي حاجه مش وهيا اتقلد في صوته هاه
شهاب :شني تبي
نويرة نبي موبايلك
شهاب من غير ما يقي عيونه من الااب قاللها شن تبية
نويرة امدايرة روحها تصرف الموضوع:نبي اغنية
شهاب وهوا مش فاضي يناقش قاللها خودية
امشت تجر ي شدت موبايلها وفتحت موبايلة
دورت في الارقام على رقم رياض سجلاته وطلعت
نهاية البارت نتمنى يعجبك
واي حد ما يفهمش اي كلمة
يكتب واني حنكتب معناها
هعهعهعععع
اسمها خادمة من الطبقة الراقية
فما مصير الرواية الأولى
هل ستكمليها أم لا
أرجو إجابتي حتى يتم التصرف
يعطيك العافية
في حوش الجد
امنية و دلع قعمزوا في جيهه بروحهم
اما اسيل و مرح ورقية و رغد فقعمزوا الرباعي الشرير قعمزوا في جيهه بروحهم
ناضت دلع وكانت لابسة بدجاما
سروال لونه بودري وكلة قلوب وتيشرت نص كم لونه ابيض
شن رايك نلعبوا لعبة السراحه (الصراحه)
اسيل وهيا تقلد في صوت دلع :بهى
ناضت رغد وقالت اللطف وينهم عبير ونويرة
امنية :فوق معاش نزلوا
رقية :تو نركب انضبح عليهم
ركبت الدروج ومشت لدار عبير
رقية :اللطف خيركم
عبير :شن خيرنا
رقية :ركبتوا ومعاش بيتوا تنزلوا
عبير كيف جاية بتتكلم قطعت عليها نويرة وقالت :بهي شووية ونازلين
رقية:انزلوا توا توا
نويرة :اففففف انزلنا هي
نزلوا
داروا دوره وحطوا شيشه البيبسي
ولودتها دلع
جيت السؤال لرغد واتجاوب دلع
طبعا السؤال اللي لازم اي ليبين يلعوا لعبت الصراحة يسالوة
رغد :من اتحبي
رقية:ههههههههههههه هكي على الملا العضيم
دلع :انتي اسكتي
نويرة :واللهي حالة عندكمش غير السؤال هذا اللطف
دلع :وعد ما اتقولوا لحد
رغد :خخخخخخخ بنات العيلة كلهم اهني من مزال بنقولوله
البنات كلهم ضحكوا
دلع قالت :رامي
رقية :رامي خوي
دلع :قسدي اني انتي اتعفلقتي
رقية:"ههههههههههههههههه لاله
دلع :باللهي عليك راكي اتقوليله
رغد:اللطف ما القيتي غير البارد رامي
وقفت رقية وقلت المصريات امتع المسلسلات :نعم نعم نعم
رغد :غر اهدي ما قلنا شي هههههههههههههههه
شوية شرين موبايل عبير
ناضت هيا ونويرة للصالون
عبير:الو
رؤوف:هاه فكررتي
عبير :في شني
رؤوف:هههههههههههه نسيت ما قلتلكش في الطلعة مش بنتلاقوا
عبير :انت شن اتقول
رؤوف :شوفي يا حبيبتي عندك يومين اتفكري ولا الصور والمكالمات كووولها تمشي لبوك وخوتك
باااي يا حلوة
عبير صدمة صمت تااام
نويرة عبير شن بنديروا
شوية خشت رغد
عبير ناضت مخلوعه هيا ونويرة
رغد :هذا شن ايقول
عبير:استني انفهمك
عبير حكت لرغد كل القصة ورغد اقترحت عليها انهم
يكلموا ااحمد بدل رياض
واوفقوا
كان رقم احمد عند عبير
***************************************************************************
اما عند حوش ريااض
كان رياض يتكلم في التلفون
خشت امه سكر الحط على طوول
امه :رياااض ياسرك يا وليدي ارقد
ريااض :ها اية اية بنرقد بعد شوية
جت ام ريااض بحداه
وقالتلة :ههههههه شن رايك في دلع
ريااض:خيرها دلع
الام :يعني عجباتك ولا لا
ريااض:هيا كويسة لكن دلووعه هلباا
الام :باهي تصبح على خير
ريااض :وانت من اهله
***************************************************************************************
في اليوم التاني
ناضوا الصبح
البنات في المطبخ
ايوتوا في الفطور
حطوا الفطور على الطاولة
رغد:هي وحده منكم تمشي اتنوض الشبااب ههههههههههههههه
نويرة :والله ماني ماشية تمشي رقية
رقية:نعم عفوا شن تكرمتي يا اخت
امالا تمشي دلع
دلع :والله
رقية :اية اية
دلع :افففففففففففف
ركبت الدروج
ووصلت لدار محمد
دلع في خاطرها افففف ياربي هذا لو تنفجر بحداه قنبلة ما اينووضش
خشت دلع
القت الدار ضلااام والمكيف مفتوح
فتحت الضي وقالت :محمد محمد
محمد لا حياة لمن تنادي
دلع بصوت اعلى محمد محمد
محمد :اطفي الضي واقلبي
دلع :محمد نووض هيا الفتور(الفطور)
محمد ولا عبرها
دلع يا ربي هذا كيف افيقوه
دلع :انت اللي مخليتليش خيار
اخدت مالقي المية وصباته فوق راسه
محمد مخلوع بسم الله الرحمان الرحيم
وناض
دلع هربت قبل ميشدها
محمد :دلعععععع والله الاما نوريك
دلع خشت لدار شهاب
اقت شهاب فايق
دلع :شهوبي صباح الخير
شهاب :صبا ح النوور دلوعه خيرك جاية تجري
دلع منتصرة وتضحك:هههههههههههههه فيقت محمد
على خشت محمد للدار
هربت دلع ورى شهاب
محمد:اني نوريك يا معفنه
هربت دلع نزلت لوطا
دلع :رغوووووده
رغد :هااه
دلع :بري فيقي زيااد والله منقدره هداكا
رغد كانت بتقول لا لكن فكرت انها تنتقم وقالت :به
ركبت الدروج وخشت داار زيااد
كانت وكانه متفجرة فيها قنبلة
كان زيااد في سريرة
والحوايج كلهم طايحيين لوطا
رغد :زيااد
زياد :zzzzzzzzzzzzz
رغد :زيااااد زيااااااااااد
زياد :شفتي الضو طفية انتلفي براااااااااااا
رغد :طفت الضو وقربت جيه السرير وشدت شعر رجل زياد بكل قوة
وهربت
زيااااد ناض مش مستوعب اللي صااار ولحق رغد لين لوطا
وهزاها لييين عي
**************************************************************************************************************************
في حوش صالحة
كان الكل يفطروا
وبعدين كلهم مشوا بش ياخدوا شور ويلبسوا بش يمسوا لصلاه الجمعه
لبسوا كلهم بدلة عربي وفرملة
وطلعوا
امشي وائل وصهيب وجهااد مع بعض
وقااسم امشي بروحة
************************************************************
بعد ما كملت صلاة الجمعه طلع قااسم بالسيارة
وجاه قصت بنت تجري قدام السيارة حاول يلف يمين لكن ماقدرش
طاحت البنت قااسم نزل يجري من السيارة بش ايشووف شن صارللها كانت فايقه
وقالتلة :باللهي عليك ارفعني من هني ومتخليشي ياخدني
وكانت وجه البنت دم من الجرح اللي في راسها
قامها قااسم
وحطها في الكرسي اللي ورا
وركب السياارة وطاار بيها للعيادة
وصل للعيادة
وكانوا الناس كلهم يفرجوا على قاسم وهوا قايم البنت وييجري في ممر العيادة
*****************************************************************************
نهاية البارت اتمنى يعجبكم
وتتفاعلوا مع الرواية 🙂
اتمنى تكملين رواياتك الثنين هذي و اللي قبلها نزلتيها
حتى تترك بقسم الروايات الطويله ..
ولك شكري
قاسم وصل للعياده
سال على صاحبة (دكتور)
وقالوله عنده عملية فاضطر انه يسال على اي دكتور موجود في العيادة
دخلوا البنت لدار العمليات
كان قاسم يستنى برا ومش فااهم اي حاجه من اللي يصير توا
جاه سعد (صاحبة دكتور عمرة 27)
استغرب من شكل قاسم حوايجه كلهم دم
سعد :قاسم خيرك
قاسم :مصيبة وجت على راسي
سعد مش فااهم اي حاجة
قاسم:كنت امروح من صلاة الجمعه وكانت في بنت خاطمه ضربتها بالسيارة مغير قصد
وانزلت من السيارة بش نرفعها للمستشفى
فقالتلي ارتفعني ومتخليشي ياخدني
سعد:بهي البنت توا كيف حالها
قااسم :مبوش ايخلوا انخش ولا حد طلع وقال شن في
سعد :بهي تو اني انخش وانشوف خيرهم
شوية شرين موبايل قااسم
كانت امه (صالحه)
قاسم :الو
صالحه:وينك يا وليدي لتوا مروحتش شغلتني عليك
قاسم :يا امي صارلي موضوع تو شوية وانجي
صالحه: متبيش تروح تتغدى
قااسم :لا تغدوا انتوا وما تستنونش بنعطل
صالحة:بهي بالسلامه
قااسسم :باي
*************************************************************************************
نزلت نويرة من الدروج
نويرة :تو باللهي لازم منه المشي اليوم
اسيل :ايه حق
نويرة:بكل والله معندي نية
الام (سناء )تحركي انتي وياها قيموا الصواني
والبسوا عباياتكم هيا
صالح:هيا راهو اني مش فاضي ما عندي مانصنع غر نستنا فيكم
نويرة :هي حني واتيين
طلعوا وركبوا للسيارة وهما ماشين لحوش عمتهم ام ريااض
*************************************
وصلوا لحوش رياض
كان في العائلة كلها ماعدا قااسم
ورياض
الرجالة اتغدوا وطلعوا
مقعدش في غير البنات وامهاتهم
طبعا الامهات قعمزوا في الصاله اما البنات فقعمزوا في جيهه تانية
رقية :هاه شن الجو
دلع:وااك خيرك تتكلمي كانك ابو الشباب يااي
رقية:سامحينا يا كيوت انتي
البنات :هههههههههههههه
رغد :هي شن بنديروا
اسيل :نلعبوا اي لعبة
رغد:زي شني
اسيل "كيلو بامية
رغد جتها مخده في نص وجهها
نويرة:كيلو عينك
هذا اللي ناقص غر الجري في الجنانات
رغد:بهي اعصابك ههههههه
امنية : احم احم اني عندي فكرة
البنات :هااااااااه
امنية :وهوا ان شاء الله
رغد :هيا قولي مبردك
امنية :نلعبوا بليستيشن
رغد :والنبي ومن وين بنجيبوه
امنية:من ريااض
امنية:نعم شن تكرمتي يا اخت
امنية:ساهلة تركب وحده لداره وتاخده
مرح :هي من الشاطره اللي بتركب
طبعا كل وحده اتقول مش اني
قالت اسيل انديروا قرعة
وطلعت نويرة هيا اللي بتركب
************************************************
في الباب الخلفي كان رياض
كيف خش
حط الحاجات اللي قالتله عيهم امه فوق طاولت المطبخ وركب لدارة
غير حوايجه
طفى الضي وفتح المكيف
ورقد في سريرة وتغطى
بعدها بعشر دقايق كانت نويرة كيف ركبت الدروج
كانت نويرة لابسة قفطان اكحل زمن فوق كيموني وفية دانتيل من فوق
وفا تحه شعرها
حشت على روس صوابعها للدار
حست بالهوا المصقع
وصكرت الباب وراها >واتقه الاخت
وصف لدار رياض
كانت الدار والوحيده اللي من غير حمام لانه جنبها في حمام
وكانت واسعه فيها سرير كبير
ودولات ومكتب في حاشية الدار
وكانت فيه مكتبة جدارية فيها هلبا كتب
وكان في المكيف>احلفي
المهم وفي الحيط اللي قدام السرير كان في التلفزيون والبليستيشن والدسكات
كان البليستيشن راكب في التلفزيون
واضطرت نويرة انها تفتح الصهارة
بش يبدى في شوية ضي
وبدا تنحي في الخوط من التلفزيون
من جهه رياض حس انه في حد في الدار
وشاف ضي الصهاره والع وكان في ظل حد بحدى التلفزيون
وبينما كانت نويرة امركزة في البليستيشن
انفت ضي الدار
نويرة خافت تتلفت
بعدين سمت بسم الله وتلفتت
لقت ريااض الابلة نويرة فهت
معاش عرفت شن اتدير
رياض مصدوم خير الاخت شن تبي في دارة
نويرة >نو كومينت
وبعدين
انطلقت ولا سيارة فيراري اخر موديل وجرت لي القت روحها في المطبخ
اشمعنى المطبخ علاش هيا بروحها مش فاهمه
بالنسبة لرياض الاخ كان معجب
الموهم وقال بينه وبين نفسياته
شكلها انخلعت لما شا فتني
وبعدين امش بحدا التلفزيون
ولقي البليستيشن امنحي
ففهم ان البنات يبوا يلعبو بيه
قامه هوا والدسكات وطلع من الدار
ريااض:امي امي
ام ريااض :انت هني
رياض:لا غادي ههههههه
ام رياض:يا بارد خيرك
ريااض :باللهي عليك ارفعيه للبنات
ام رياض:وانت كيف عرفت انهم يبوه
رياض:مهو اني ا لان احم هما يعني ايحبوا يلعبوا بيه
ام رياض هونا نويرة في المطبخ تو نعطيهولها
رياض ابتسامة كريست
ام رياض:اللطف ياو لدي خيرك
رياض :هاه بااي اني بنرقد
ام رياض:به
الولد هاذا ما نعرفش خيره
**********************************************
نهاية الباارت
اتمنى يكون في تفااعل لكن يلا
امري لله