روايتي الأولى 2024

"السلام عليكم ورحمة الله وبركاته"

كيفكم يا أحلا أعضاء؟!!!

ان شاء الله تكونوا دائما بأفضل حال وتكونوا بسعادة ما تزول عنكم يا رب…

اليوم حبيت انزل أول رواية كتبتها بعد تشجيع من اخواني الله يديمهم لي يا رب قرأوا رواياتي التلاتة وشجعوني اني انزلها بالمدونة

طبعا قبل لا أبدأ أحب أقول الي يبا ينقل الرواية ينقلها لكن بإسمي "أسيرة أحلامي" وما رح أسامح أي أحد ينسب الرواية لنفسه وشكرا

يلا نبدأ ونقول "بسم الله الرحمن الرحيم"

على ترابك تساقطت من عيناي دماء بدل الدموع

"أبطال روايتي"

عائلة الرويلي
الجد:أبو مشاري اسمه ماهر ..
الجدة:اسمها منى..
…………………………
أبو فهد: مشاري عمره 48 سنة انسان صارم جدا وعلى طول يعصب أبدا اكبر واحد رجل أعمال كبير ومعروف هو واخوانه يشتغل مع ابوه بشركة الرويلي..
أم فهد:زوجة مشاري الأولى هي الي ربت فهد من لما كان عمره سنة و6 شهور
فهد:عمره 22 سنة ملامحه خليجية بحتة اسمر عيونه عسلية جميل بمعنى الكلمة يدرس ادارة اعمال اخر سنة بالجامعة وحيد ابوه وامه طيوب وحبوب مرا والجلسة من غيره مالها أي قيمة..
…………………………
أبو زياد: أخو مشاري اسمه حمد ويشتغل بشركة مع ابوه..
أم زياد :ام بمعنى الكلمة طيبة وحنونة جدا مع عيالها ..
زياد:22 سنة يشبه فهد كتير ولد عم فهد واخوه وصاحبه وكل شي بحياة فهد وبحياة فهد سر كبير وعظيم محد يدري عنه غير زياد والأعمام والجد لكن الأمام والجد ما يدروا ان زياد يعرف بدا الشي يدرس ادارة اعمال مع فهد..
ريم:20 سنة تشبه زياد مرا كتير بعد الأحيان يناديها زياد بتوأمتي او شبيهتي تدرس تاني سنة بالجامعة..
خالد:18 سنة يشبه زياد شوية لكنه عكسه بكل شي ودايما يحطهم بمشاكل لأنه لسانه ما يحفظ السر دايما لسانه يزل بالكلام..
أيان:17 سنة تاني ثانوي..
…………………………
أبو عبد الرحمن: اسمه احمد وهو كمان يشتغل بالشركة..
أم عبدالرحمن:انسانة فلاوية مرا العيال يعتبروها وحدة بعمرهم مرا حبوبة وطيوبة ودايم فرفوشة..
عبدالرحمن:22 سنة ولد عم فهد انسان اغلب وقته مغازلجي دايما مروق هوايته الهياتة بالمولات والترقيم يدرس ادارة اعمال مع فهد وزياد..
عبدالعزيز:20 سنة ععكس عبد الرحمن 360 درجة يحب يقرأ ويثقف نفسه يدرس طب جراحة تاني سنة له بالطب..
عبير: توأم عبدالعزيز وتدرس نفسه طب جراحة..
ماهر: 18 سنة هو وخالد دايما مع بعض رح تعرفوا شخصيته بالرواية..
مراد:16 سنة اولى ثانوي..
…………………………
ابو مازن:اسمه عادل يشتغل بشركة ابوه..
أم مازن
مازن:23 سنة يشتغل مع ابوه بشركة جده..
قصي:22 سنة يدرس ادارة اعمال يحب يكتب الشعر والخواطر يحب الهدوء انسان هادي ومسالم لكن ان احد مس اخوانه او عيال اعمامه بسوء قلب الهدوء لشر..
بلقيس:18 سنة تالت ثانوي علمي..
بيان:17 سنة تاني ثانوي..
بدر:18 سنة بتالت ثانوي علمي مع خالد وماهر اذا اجتمعوا التلاتة قولوا على المكان الي هم فيه السلام..
…………………………
أبو محمد:علي وبرضوا يشتغل بالشركة..
أم محمد
محمد:22 سنة طالب طب جراحة..
مي:20 سنة تدرس تربية خاصة..
ميار:18 سنة علمي..
مها:16 اولى ثانوي..
مودة:15 تالت متوسط

…………………………

نبدأ الرواية

…………………………

على ترابك تساقطت من عيناي دماء بدل الدموع

…………………………
البارت الأول
…………………………

وقف سيارته الـ oudi sport قدام المطعم ونزل: سلااااااام شباب..
الشباب:اهليييييين فهد ليش اتأخرت؟
فهد: انشغلت شوية مع سامي.. زياد وخر لي بجلس..
زياد:انت طويل نط وادخل مافيا اقوم..
فهد:انقلع اقلب وجهك مارح اجلس جنبك… دحوم وسع خليني اجلس..
عبدالرحمن: المكان وصاحبه تحت امرك…
وخر لفهد وخلاه يجلس..
فهد: تسلم يا حلو..
عبدالرحمن:حبيبـــ
قاطعه قصي:دحيم تكفى لا تبدأ كلامك الي يجيب لي المغص..
عبدالرحمن:أفا أفا أفا … شكله ما يعجبك كلامي يا قلبي هههههههههه وضرب كفه بكف فهد..
قصي لف على عبدالعزيز: يا دودة الكتب كم كتاب قرأت دا الأسبوع؟
فهد:قصي حرام عليك انت معصب من عبدالرحمن وتروح تطلع حرتك بعبدالعزيز؟
عبد العزيز:عادي عادي متعود… أمممم اول امس قرأت كتاب وامس قرأت موسوعة علمية مكونة من 6 كتب وخلصتهم واليوم بدأت ببموسوعة عن الطب والجراحة بتفيدني مرا ان شاء الله..
فهد: ما شاء الله ربي يحفظك..
عبدالعزيز: ويحفظك يالغالي..
زياد:محمد متى رح تبدأ تطبيق؟
محمد:بعد اسبوعين ان شاء الله..
فهد وعبدالعزيز :الله يسهل لك يا رب..
فهد طلع جواله ورسل لخالد ع bbm خالد يلا دحين اتكلم..
خالد شاف الرسالة ورسل له ok ..
محمد أمين يا رب..
خالد: شباب ما دريتوا عن الي صار؟
فهد: يا ليل البزارين بدأنا بالسماجة..
خالد:فهد يا افندي تراها مو سماجة لكن خليكم كدا على عماكم وادروا من الغريب احسن مو قايل لكم شي..
زياد: أتكلم بسرعة ولا تمط الكلام..
خالد: مازن اتضارب اليوم مع واحد واخذ منه ضرب قوي اظطر انه يروح للمستشفى..
الشباب:نننننععععععمممممم ؟؟؟ ايش الي صار؟؟
خالد:اليوم اتــــ
عبد العزيز خبط رجل خالد من تحت الطاولة واشر له بعيونه بمعنى اسكت:شباب سيبوكم منه كداب..
قصي:عبد العزيز ان طلعت الهرجة غير كدا يا ويلك مو صاير لك خير..
خالد:عزيز اتكلم احسن لك عشان لا تتبهدل..
مازن وصل:سلام شباب … عن ايش يتكلم؟؟؟
قصي: مع مين اتضاربت اليوم؟؟؟
مازن :مو مع احد مين قال اني اتضاربت؟؟
خالد:مازن انا اسف لكن ما بسكت عن الحق..
مازن قاطعه:انت انطم يا وجه النكبة..
خالد طلع جواله:قصي خذ شوف..
قصي اخذ جوال خالد وشاف المضاربة الي بين مازن وواحد تاني..
قصي عصب على مازن: وانت سكت له؟؟؟؟؟
مازن:خلاص كل واحد راح بحال سبيله..
قصي وقف وصرخ على مازن بصوت عالي لدرجة ان كل الي بالمول التفتوا عليهم:ياااا شششيييييخخخخ احححلللففف يضررربببككك وتسسسكتتت له …اخذ جواله والبوك تبعه:انا اعرف اتصرف معاه قليل الأصل هذا ..
فهد قام هو كمان:قصي خذني معاك ان هو سكت عن حقه فإحنا ما رح نسكت..
زياد:شباب يدي تحكني تبا تضرب خذوني معاكم..
عبد العزيز لف على خالد:يلا وقفهم يا فالح كم مرا قلت لك امسك لسانك ولا تزل لاكن مامنك فايدة يلا وقفهم..
خالد كان يطالع على واحد ومعاه بنت:فهد قصي زياد ماله داعي تروحوا تدوروا عليه هو جاكم لهنا برجوله..
مازن:حسبي الله عليك من ولد بدل ما تهديهم تشعللهم اكتر؟!!!
خالد وقف:انت سكت يا مازن لكن احنا ما بنسكت خلي الرخمة عزيز جنبك طالما هو كمان سكت وريان جا لهنا برجله..وانا الي رح أبدأ المضاربة..
عبد العزيز:خالد اترزع محلك..
فهد جلس:خالد يلا ورينا شطارتك..
زياد:نبا فلم حلو..
قصي:نباه يكون من البداية حماس..
خالد لقصي:أبشر يا ابو هيثم..
وراح..
الشباب كلهم يطالعوا ايش رح يسوي خالد..
خالد مشي وطلع جواله من جيبه وجالس يطقطق فيه لف راسه على الشباب ومشي على اساس انه مو منتبه
فهد ابتسم له
خالد جا يلف ويطالع قدامه ما لقا نفسه الا وهو صاقع بريان الي كان شايل 2 عصير
ريان طاح على ورا وانكب عليه كل العصير
خالد بعفوية: انا اسف ما كان قصدي..
فهد يهز رجله:الفلم بدأ حماسه..
ريان وقف وهو معصب:أسف هاه؟ قبض يده اليمين:انا اوريك كيف أسف .. وضرب خالد بكسين واحد على وجهه والتاني ببطنه..
ريان:يلا يا روح امك قول أســــ..
قطع كلامه البكس الي جاه من قصي وطيحه على الأرض مرا تانية..
قصي:يدك دي اذا اشوفها تنمد على اسيادك مرا تانية ما رح تشوف خير ابدا..
ولف عشان يمشي..
عبد العزيز وقف وصرخ: قصي انتبه وراك..
قصي لف شاف ريان ماسك كرسي يبا يضربه بيه ما امداه يفكر ككيف يحمي نفسه إلا ولقا البنت وقفت قدامه :ريان لاــــــ والكرسي جا على راسها..
خالد سحب البنت لمن طاحت:صار لك شي؟؟؟
قصي جا يضرب ريان لكن سبقته يد زياد الي طاح فيه ضرب..
زياد:قال لك يدك ان طالت على اسيادك ما رح تشوف خير وصار يضربه..
عبد العزيز وفهد راحوا عند خالد..
عبدالعزيز: صار لك شي؟؟
البنت:راسي حاسة اني دايخة..
فهد جاب لها موية خذي اشربي..
محمد :عبدالرحمن امشي نفك زياد وقصي الولد رح يروح بيدهم..
كل الناس التموا يتفرجوا..

جات الشرطة وفكتهم عن بعض

الشرطي 1: بس انت وهو ايش الفوضى هذي؟
ريان ترك زياد وزياد كمان ترك ريان..
الشرطي 2: ايش الفوضى هذي؟
ريان وهو يتنفس بسرعة: هم الي بدؤوا ..
زياد وخالد وقصي بنفس الوقت:بزر..
الشرطي 1 :مين الي بدأ المضاربة؟
قصي:أنا..
خالد:يا كذاب يا قصي لا تكذب انا الي بدأت..
زياد:يا شيخ انت وهو احلفوا؟؟ ترا انا الي بدأت لا يكون عندكم زهايمر وانا ما ادري!!!
مازن:انا الي ضربته وبلاش كدب..
عبدالرحمن:هههههههه يا حلوكم وانتوا تدافعوا عني شعور حلو..يا حضرة الظابط انا الي ضربته..
عبدالعزيز:فديتهم عيال عمي الي يبوا يغطوا عليا..
الشرطي 1 عصب:بسسس انت وهو انا سألت مين سبب المشكلة؟
قصي:كلكم قلتوا انكم بدأتوا بالضرب احلفوا يلا اشوف…
الشباب سكتوا..
قصي:حبايب قلبي والله ما قدرتوا تحلفوا؟ ورسل لهم بوسة بالهوا: يا حضرة الظابط انا الي بدأت والله العظيم..
الشرطي2: ليش ضربته؟ تبا تفرد عضلاتك؟
قصي سحب خالد ولف وجهه محل الكدمة : لأنه هو صاحب هذي الكدمة
الشرطي 1 بعصبية:وانت ايش دخلك؟ ما يقدر يدافع عن نفسه؟
قصي:يقدر يدافع عن نفسه لكن انت تقدر تجلس محلك وانت تشوف ولد عمك ينضرب؟
الشرطي 1: كمان ماهو اخوك؟!
قصي وخالد كل واحد حط يده على كتف التاني:لا احنا عيال عم..
الشرطي 2: كلكم عيال عم؟
عبد الرحمن:كلنا كلنا عيال عم..
الشرطي 1: طالما انهم كلهم عيال عمك ماهم اخوانك ليش كل واحد يقول انه هو صاحب المشكلة؟
قصي سكت شوية بعدها طالع عـ الظابط: أسمع هذي الأبيات ورح تفهم ليش..
"عيال عمي عزوتي
وقت الشدايد نخوتي
وعند المصايب فزعتي"
الشرطي 2:أمممم الله يحفظكم لبعض يا رب ولا يغير عليكم..
عيال العم:أمين
الشرطي:قصي ان وريان رح تجوا معايا للقسم وخالد كمان
واحد من الناس :ترا هذا جات معاه بنت..
الظابط لف على ريان بشك: مين الي جات معاك؟
ريان:اختي والله انها اختي..
الظابط ابا اثبات..
ريان رتيل هاتي بطاقتك..
رتيل ادتها البطاقة
وريان راح اعطاها للظابط مع بطاقته..
الظابط:رتيل سامر السامري..
ريان سامر السامري..
زياد لف وجهه للظابط وصار يتكلم بقلبه"لا مو معقولة.. مستحيل هذول يكونوا اخوانه.."
الظابط:طيب ريان وقصي لازم تجوا..
زياد"يا ربي لازم اتصرف بسرعة."
ريان:بســـ
زياد قاطعه:احنا نتنازل خلاص ما صار شي..
عيال العم كلهم لفوا على زياد مصدومين كيف يقرر من غير رأيهم..
زياد يكمل:خلاص اخذ جزاه واكتر..
الظابط:خلاص انتها شغلنا هنا..
ريان طالع بزياد"أكيد وراه شي"
عيال العم طلعوا كلهم ورا بعض ونزلوا للمواقف..
زياد راح يدفع الفلوس..
ريان:رتيل يلا قومي..
رتيل:ريان راسي تعورني
زياد نادا ريان :انتظر يا ريان..
ريان طالع فيه:خير
زياد: الخير بوجهك ان شاء الله … سحب من ريان جواله وسجل رقمه :اول ما توصل كلمني ضروري الموضوع متعلق بأبوك وامك سلام.. وطلع وترك ريان..
زياد نزل للمواقف شافهم كلهم ملتمين حوالين سيارة فهد وفهد جالس جوة السيارة لكن رجلينه برا ينتظروه..
قصي:أخيرا شرفت..
زياد ما زال يمشي بتجاههم..
عبدالرحمن:يدك تحكك وتبا تتضارب؟!
خالد:أخذ جزات خلاص؟؟
فهد وقف:شباب الموضوع انتهى خلاص ماله داعي نكبره..
عبدالعزيز:شباب جدي يبانا بسرعة نرجع للقصر تراه دري بهرجة المضاربة..
مازن: أجل الله يعين
عبدالرحمن:أجل يلا كلكم اركبوا وزياد انت تعال معايا..
زياد يلا..
الشباب اتوزعوا بالسيارات ومشيوا متجهين لقصرهم..
بسيارة عبد الرحمن:ليش سويت الي سويته؟
ايش فيه ريان ليش لمن دريت انه ولد سامر السامري انصدمت؟
زياد مين قال لك اني انصدمت؟
عبد الرحمن : محد قال لي انا شفت بنفسي..
زياد : رح أقول لك لكن لحد يدري لأن ان دري احد بتصير مصايب لها اول ومالها تالي..
عبد الرحمن: سرك ببير..
زياد:………………………………………………………………………………………………………………………………………………………………………………………………………………………………………………………
عبد الرحمن من هول الي سمعه انصدم دعس على الفرامل مرا وحدة :نععععععمممــــــ
انقطع صوته لأن السيارة قلبت فيهم 4 مرات انقلبت والخامسة استقرت مقلوبة..
الشباب الي بالسيارات التانية اول ما شافوا السيارة تنقلب وقفوا ونزلوا لهم جري..

نهاية اليارت الأول

توقعاتكم…

حبيت أذكر أي أحد يحب ينقل الرواية ينقلها بإسمي"أسيرة أحلامي"ما رح أسامح ولا احلل أي أحد ينقلها بإسمه

"بقصر الرويلي"
ريم:جدو خلاص سامحهم بس دي المرة بلييييييز جدوووو..
الجد:ريم طيري عن وجهي لا أطيرك بعصايتي دحين وأدري ان دفاعك دا مو لهم كلهم لشخص واحد بس..
ريم:اووووف ياخي لا تخليني اندم اني جاوبتك بكل صدق ذليتني بدا الواحد ما صارت …
"" بتستغربوا ان ريم تتكلم كدا مع جدها … لأن ريم وماهر عند جدهم غير عن الكل الجد ما يستغني عنهم الإتنين ابدا وشايلين الحواجز بينهم""
الجد حضن ريم:ريم من جد انتي تحبيه ولا حب مراهقة؟
ريم:شوف رح اقول لك مع اني متأكدة اني بندم لأنك بتذلني بيها لكن خليني افضفض لك ياخي ماهر مو فاضي يسمع لي..
الجد:طيب قولي..
ريم:حبي له كان حب طفولة وبعدها صار حب مراهقة وبعدها صار حب صبا ودحين حبي له حب بجنوووووووووووون…
الجد:ياااا قلييييييلة الأدب ما تستحي والله اقول لأبوكي..
ريم:قول له ان كنت ترضا لي الأذية..
الجد اتحولت ملامحه للجدية:طيب يا ريم انتي كيف حبيتيه وانتي ما تعرفي عنه شي؟
ريم:قصدك عن انه …………… ولا انه………….. او قصدك…………. وكمان …………………. اعرف كل شي يا جدي..
الجد رخا راسه بأسا : كيف عرفتي؟
ريم:جدي لا تنسا اني ريم وزياد اخويا وما يصعب علينا شي احنا الاتنين..
دخلوا عنده حفيداته وماهر ومراد وبدر: السلااااااااام عليكم..
الجد وريم:هلا وعليكم السلام..
ماهر: جدي..
الجد:هلا… آمر… سم..
ماهر:يهل عليك رمضان من غير ما يامر عليك ظالم وموت عدوك مسموم قول أمين..
الجد:ماهر لخص هات المختصر المفيد ايش تبا؟
ماهر يتمسكن:جدي متى يخلص العقاب والله حرام 3 ايام جالس بالبيت محبوس ما اطلع..
الجد ببرود قاتل:أها مر 3 ايام اجل باقي 27 يوم وينفك عنك العقاب..
ماهر:نععععمممم جدي انت من جدك تتكلم؟
الجد:ايوة ليش؟
عبير:يا قلبي عليك يا اويا تباني اتوسط لك عند جدي؟
ماهر بإستخفاف: يا شيخة احلفي كأنه بيسمع لك اصلا..
الجد:ريم شكلي رح اخليها شهر و27 يوم..
ماهر بإندهاش: نعععععمممم جديي انت من جد تتكلم؟!!!!!!
ريم:اححح جدو والله مرا كتير حرام..
الجد عصب: لا مو كتير مو كثر غلطته… أجل رايح لي لإستراحة عشان يسهر لي مع بنات ويشرب ويسكر؟؟؟ رايح لمكان كله محرمات..
ماهر وقف وماسك دموعه غصب عنه ما يبا يضعف راح باس راس جده:ابشر يا جدي الي تآمر بيه رح يصير ويتنفذ لكن اباك تعرف شي واحد بس … ماهر تربيتك يا جدي… انا تربيتك يا ابويا تربيتك يا اغلى شخص بحياتي..انا اتربيت على يدك يا جدي اليوم انت اثبت لي انك مو واثق بتربيتك لأنك صدقت كلام واهد ما يخاف ربه مطلع عني كلام زور وباطل … ومشي متجه للباب لكن لف على جده:جدي انت اليوم كسرتني وكسرت كل احلامي كلها الي بنيتها انت هدمتها وهشمتها بعدم ثقتك..نزلت دموعه طلع بسرعة اتجه لمكان بالقصر كل ما اتضايق راح له..

عند الجد

بدر بإندهاش:جدي ايش هذا الي صار ليش ما وقفته؟!!!
مها:جدو ما اصدق انك تسوي كدا بواحد من بأحفادك
بيان: ومو أي حفيد..
بلقيس:جدي ترا هذا ماهر..
مها :جدو شكلك تمزح صح؟
أيان:جدو اليوم انت مو كسرت ماهر بس انت كسرت كل احفادك ..
كلهم زعلوا من جدهم
بدر طلع من عندهم راح يدور على ماهر
والباقيين التزموا الصمت…
قطع الصمت دخول بدر: جدي حرام عليك اتصل عليه دورت عليه ما لقيته يا جدي اليوم انت حرمته من فرحته كان داخل لك فرحان يبا يبشرك بإنه دحين يقدر يحقق لك حلمك الي حلمته …وصوته اترفع شوية:مو كنت تتمنا احد من عيالك او احفادك يكونوا أأمة بالحرم؟ ماهر اليوم ختم حفظ القرأن أخذ شهادة تدل على انه حافظ القرأن كامل جاي داخل فرحان يبا يبشرك انه رح يتنازل عن حلمه بإنه يدرس طب ورح يدرس شريعة اسلامية عشان يحقق لك حلمك لكن انت دمرت فرحته اليوم شوف ايش بعقله شوف ايش هو يفكر قبل لا تحكم لكن للأسف طول عمرك يا جدي متسرع وقراراتك كلها غلط… طلع وترك جده بعد ما فجر القنبلة..

عند الشباب بشارع الملك عبدالله

الشباب نزلوا من سياراتهم وجريوا لسيارة عبد الرحمن حاولوا يفتحوا البيبان لكن ما قدروا وأتصلوا بالإسعاف..
عبد العزيز راح ناحية اخوه:عبدالرحمن دحمي تسمعني؟ رد الله يخليك..
عبد الرحمن:عزيز …شوف… زياد…انا ما ….جاني … شي…
فهد أعصابه بدت تتلف:زياااد زياااد رد زياد الله يخليك رد..
وصلوا الشرطة والإسعاف قصوا الحديد لأن البيبان مو راضية تنفتح
طلعوا عبدالرحمن واخذوه لسيارة الإسعاف عشان يعالجوا جروحه لأنه ما أتأذا كتير ..
رجل الإسعاف: ما رح نقدر نطلع التاني رقبته مكسورة وكمان هو مقلوب اذا حركناه رح يموت..
فهد عصب عليه:كييييف يييعععنني ما رح تتقققدددرررووااا.؟؟؟ ايشف ايدتكم دارسين دا التخصص؟ارواح الناس عندكم لعبة؟ يموتوا الناس وقولوا ما قدرنا نطلعهم!!!!!!!!! اتصرفووووا بسسسرررررررعععععععةة
خالد ما قدر يوقف على رجوله اكثر طاح على ركبه:كيف يعني؟زياد رح يموت؟ … صار يبكي وصرخ:بسررررعععة ساااعدددوووه..
عبدالعزيز اتصل على دكتوره بالجامعة :طيب مشكور دكتور ما قصرت واسف اذا اتصلت بوقت غلط
الدكتور:طمني يا عبدالعزيز ايش يصير معاك…
عزيز كان يبا يقفل بسرعة:طيب طيب ابشر وقفل الخط من غير لا يسمع رد..
راح ناحية زياد وجلس يالشارع بحيث انه قريب من السيارة مرا..
الظابط وقفه:اذا سمحت ابعد من هنا خليهم يتصرفوا..
عزيز بإستخفاف: يتصرفوا؟ هه متى؟ لمن يموت؟ على العموم انا طالب طب واعرف ايش اسوي..لف على زياد تاني ومسكه من بطنه زياد انت تسمعني؟ زياد رد..
زياد لا رد:……………………
عبدالعزيز:محمد تعال ساعدني..زياد اذا تسمعني ارمش بعيونك..
محمد :ايش رح تسوي عزيز؟
عزيز بخوف:دقيقة يا محمد زياد ما يرمش..مسك زياد من بطنه تاني:زياد اذا انت صاحي بس ارمش رمشة وحدة بعيونك..لا تخوفنا اكتر من كدا..
محمد جلس على الشارع: زياااد ارمش الله يخليك…

وكلهم جالسين ينتظروا عيون زياد ترمش
وبس شافوها ترمش حسوا ان الدم رجع يمشي بعروقهم..
عزيز فرح:هههههه الحمد لله يا ربي الحمد لله..
لف على رجل الإسعاف:أديني الي تمسك الرقبة..
ناوله رجل الإسعاف جبس الرقبة..
وعزيز حطها برقبة زياد بكل حذر:محمد يلا تعال رح نفتح الحزام ونطلعه مثل ما هو… ولف على الإسعاف تاني مرا :هاتوا الحمالة..
فكوا الحزام وطلعوا زيادوقلبوه اول ما حطوه على الحمالة طلعت شهقة قوية من زياد الجمت الكل..
عبد الرحمن نزل من سيارة الإسعاف بعد ما خلصوا منه :زياااااااااد قووووم لا تسوي كدا..
خالد جلس على ركبه عند زياد:زياد الله يخليك والله رح اعقل وابطل هبل لكن لا تسوي كدا تراك تخوفني..
المسعفين:إذا سمحتوا وخروا خلونا ناخذه على المستشفى بسرعة..
كلهم وخروا
رمن رفعوه طلعت منه شهقة أقوى منها ب 5 اضعاف الأولى..
سحبوه بسرعة لسيارة الإسعاف وركب معاهم بالإسعاف خالد وفهد والباقيين اتوزعوا على السيارات ومشيوا ورا سيارة الإسعاف..

بالقصر:بعد ساعة من دخول زياد للمستشفى

ريم: دادي والله مافي شي بس هو وماهر زعلوا من بعض..
أبو زياد: طيب واخوانك فين؟ مو انا قلت لك كلميهم يجوا بسرعة؟
ريم::كلمت عزيز من ساعتين وثلث وقال انهم راجعين..
ابو عبدالرحمن:الله يهديهم يا رب..
ابو فهد:والله قلبي مو مطمن حاسس انه صاير لهم شي..
اول ما خلص كلمته لقوا بدر داخل عليهم مدرعي ووجهه لونه اصفر ويلهث من كثر ما يجري
بدر:أبوووياااا عمييييي الحقوو وانقطع كلامه لأنه مو قادر يتنفس من كثر ما كان يجري..
ابو زياد قام له واعطاه موية:بسم الله عليك اشرب سمي بالله…
بدر شرب الموية كلها وهو ما زال يلهث
أبو مازن: إيش فيك يا بدر؟
بدر طالع بعمه : عمي حمد زياد… زياد بالمستشفى صار له هو عبدالرحمن حادث والسيارة قلبت فيهم وزياد حالته مرا صعبة..
انتهى البارت التاني توقعاتكم..

• ايش بيصير على زياد؟ هل رح ييموت؟!!
• ايش السر الي زياد قاله لعبدالرحمن واتسبب بالحادث؟
• مين الي ريم تحبه وايش الي تعرفه عنه؟
• واخيرا ريان ورتيل زياد كان يقصد مين بـ "مستحيل هذول أخوانه"؟

أراكم غدا بإذن الله تعالى