أولا : كل عام وأنتم بخير وصحة وسلامة عالعام الجديد ..
واللي نزلت معه روايتي الرابعة بهالمدونة الرائع ، وأتمنى منكم تعطوني رأيكم وانطباعتكم
عالرواية .. مو تقولوا حلوة وكمليها ، أبي حقي مثل ما أنتو بعد لكم حقوق .. وهي ردودكم
وصدقوني يعجبني اللي ينتقد .. بالعكس يفرحني كثير ، لأن الإنسان مو معصوم عن الخطأ
بالعكس حلو الواحد يخطأ عشان يعرف يصحح اخطائه …
أفضل أنكم تتعرفون من خلال أحداث الرواية ..
وطبعا هذه رواية ملموسة من الواقع ..
أدري طولت عليكم .. بس هذه مقدمة عن روايتي ..
يافالق الصبح يامولج نهارك الليل ..
ياجامع الناس في يوم البعث والنشور
عليك نعم إتكالي يانعم الوكيل ..
ياعالم بالبصير وماتكن الصدور
يالله يالله تهدني سواء السبيل
وتعصم لساني عن الزلة وعن كل زور
حمد: هلا غالية ..
غالية تكتم صرختها: ظاهر بولد ..
حمد مرتبش فز من مكانه: ها بتولدين .. زين زين بروح أجيب عباتك ..
غالية: بسرعة حمد ..
حمد صاروخ عالشماعه أخذ عباتها ، وساعدها عشان تلبسها .. خرجوا من بيتهم ، وتوجهوا للسيارة ..
حمد ويبوس يدها: خذي نفس ..
غالية خذت نفس وهي تدعي بقلبها: ياربي تحمي طفلي ، ياربي استودعتك الله طفلي ..
حمد يصرخ: ساعدوني ، ساعدوني ….
التموا الممرضات حول غالية وخذوها على غرفة الولادة .. بعد مادفع مبلغ الولادة اللي له كم شهر وهو يجمع فيه ، والحمدلله شغله موفر له المال ..
حمد: بشري يا دكتورة ..
دكتورة: جات لك بنوتة الله يحميها من العين ..
حمد: ما علي فيها ، أهم شي أمها هي بخير ؟؟؟
دكتورة: للأسف زوجتك عطتك عمرها ..
حمد بصدمة: أكيد تكذبين ..
دكتورة: عن إذنك …
حمد بصوته المنكسر: خذيني عندها ..
دكتورة: آسفة ما أقدر ..
وبعدت عنه وراحت دكتورة .. أما حمد ولا دمعة نزلت .. هو يعرف أنه زوجته ، بنيتها ما تستحمل الألام ، بس
كاهو غالية (( زوجته )) عندت و أصرت أنها يكون لها طفلة .. نفسها تجرب إحساس الأمومة ، وهذه فطرة بالبشر يالله يا سبحان الخالق .. والحين تركت طفلة ، ودنيا بإكملها ..
بعد ماعمل إجرات الوفاة ، صلوا عليها ودفونها بالمقبرة .. وصدقوني مانزلت دمعة من جفن عينه .. لأنه بكل بساطة عارف إنه راح يعذبها بدموعه ، وتأكد أنها راح ترتاح من دنيا وبلاويها ، وراحت للأحسن مني ومنك ، راحت لخالقها اللي خلق كل شي بهالكون .. الله يرحمها ويرحم أمة محمد أجمعين ….
وعد بينه وبين نفسه: أنه راح يربي بنته اللي للآن مو عارف وش يسميها ، لكن خطر ببالها اسم جوهرة ، لأن زوجته رحلت وتركت له جوهرة ثمينة …
كانت فعلا ، ونعم الجارة .. أم طلال عرضت له أنها ترضع جوهرة مع ولدها طلال اللي أكبر منها بثلاث سنوات
أبو جوهرة فرح من كل قلبه على طيبة وأخلاق جارته أم طلال ، اللي كانت تعرف زوجته (( غالية )) الله يرحمها وتعزها حيل وتعتبرها أخت لها وأكثر …
جوهرة وهي مبوزة: مابي أبي اثكريم (( آيس كريم )) …
حمد أبو جوهرة: أفا ماتبين تتغديين مع بابا ، خلاص أنا زعلان منك ..
جوهرة طبعت بوسة عالخد أبوها: خلاث بابا أنا بتعدا معث بث لا تذعل مني (( خلاص بابا أنا بتغدا معك بس لا تزعل )) …
حمد أبو جوهرة مات على برائتها طفولية: ويه فديتك أنا مستحيل أزعل منك بابا ، بس الأطفال اللي مثلك لازم يأكلوا عشان يكبروا ، أنت ماتبين تصيرين كبيرة ..
جوهرة: ايوه بابا ..
حمد أبو جوهرة: لازم تأكلين اوكية حبيبي ..
جوهرة ببتسامة: اوكية بابا .. بابا أنا أحبك مره كثير ..
حمد أبو جوهرة ضمها لصدره: وأنا بعد بابا أحبك كثير مرة ..
حمد أبو جوهرة خذ بنته وياه وراح للبقالة ، واشترى لها ايس كريم ..
جوهرة: بابا بروح عند طلال تيب بابا ..
حمد أبو جوهرة: اوكية حبيبتي .. تعالي نروح أنا وياك ..
جوهرة: تيب ..
طلال حضن أخته برضاعة: جوهرة ..
جوهرة ببتسامة: ايه ..
ودخلوا البيت ..
أبو طلال: وشلونك يا أبو جوهرة ؟؟؟
حمد أبو جوهرة: حمدلله .. أنت وشلونك ؟؟ وشلون أم طلال ؟؟؟
أبو طلال: الحمدلله كلنا بخير ..
حمد أبو جوهرة: دوم يارب .. يالله أشوفك على خير .. وجوهرة كلمها تجي ويا طلال ..
أبو طلال ببتسامة: لاتوصي ….
حمد أبو جوهرة: فمان الله …..
أبو طلال: فمان الكريم ….
بليز عشان خاطري كمليها حتى لو محد يتابعك غيري عجبتني بليز كمليها
تكفييييييييييييييييين
ارد لك مليون رد بكل بارت بس نزلي وماعليك من الاعضاااء
اللي مايردون انا مااكفيك
الله يعطيك العافيه
استمري متابعه لك
بنكون متابعين لك
بس عزيزتي حبيت أذكرك بالقوانين
و ربي يوفقك
جوهرة توها راده من المدرسة وكان اليوم آخر إختبار لها بالنحو .. دخلت بيتهم .. ، وتحس أنها تعبانة من ضغط الإختبارت ، بس ماراح يهدالها بال تبي تشوف نتيجة مع أنها واثقة بعمرها ، لأن ما شاء الله دافوره وذكية ..
دخلت الحمام الله يعزكم توضأت وفرشت أسنانها .. خرجت من الحمام الله يعزكم ولبست جلال صلاة وصلت ركعتين .. وتمنت بهالحظة تكون أمها وياها بس مو كل مايتمنى المرء يدركه .. ودعت لأبوها ، اللي له فترة وهو جالس بالبيت ، حاسه أنها بتفقد أبوها .. دعت: يارب أنك تخليه لي يارب ، ولا تحرمني منه …
حمد أبو جوهرة والهلات السوداء تحت عيونه وجه المصفر: لا تخافين حبيبتي …. ما كمل كلامه إلا طاح هو مغشي عليه ..
جوهرة: يبه .. ضربته على وجهه لعل يصحى لكن ماصحى ، سمعت دقات قلبه اللي كل شوي تقل ، هنا من جد خفت عليه ، وبدون شعور طلعت لبيت أمي أم طلال من الرضاعة صرخت: يمه يمه .. جاني أبوي أبو طلال من الرضاعة
أبو طلال: وش فيك يا جوهرة ؟؟؟
جؤؤهورة ودموعها تخونها: أبوي أبوي أغمى عليه ألحقه ..
أبو طلال جري على بيت حمد أبو جوهرة وشاله ، وعالسيارته وعلى أقرب مستشفى وصل ..
أبو طلال: شلون أنت وش ترخبط بالكلام ؟؟
دكتور بحزن: للأسف مات بمرض الإيدز …
أبو طلال بصدمة: شنو ..
دكتور: حصل معه خطأ طبي ، لأنه كان هو اللي ضغط ارتفع عنده ، وأحد من الأطباء عطاه إبرة بالخطأ ..
أبو طلال: لا حول ولا قوة إلا بالله ، إنا لله وإنا لله راجعون … الحين وش أقول للجوهرة ..
صحت وهي تحس أنها توها صحت من كابوس مزعج ، لكن يوم سمعت الممرضة تناديها عرفت أنه كل شي حصل ..
أبوي كيف مات راح ليش ..
جوهرة: أنت وش اللي جابك ؟؟؟
العمة فوزية: هههههههه ضحكتني وأنا مابي أضحك ، أنت ياحبيتي راح تروحين معي ..
جوهرة: ما راح أروح معك ..
العمة فوزية: إيه إن شاء الله في الحلم يا ماما ، يالله قومي اصحي ..
جوهرة: قلت لك ما راح أروح معك ..
العمة فوزية شدت شعرها: راح تروحين وفوق خشمك ..
جوهرة نزلت دموعها ، ماقد شافت مثل أخت أبوها اللي تكون هي عمتها فوزية يا ماقواها ، لكن في اللي أقوى منها .. خرجت من المستشفى ومعها جوهرة .. وصلوا للفيلة ..
جوهرة وهي تشوف الفيلة: هذا بيت مين ؟؟؟
العمة فوزية: أنزلي ولا تكثري كلام مامنه فائدة ..
نزلت جوهرة ، وهي مجبورة .. دخلت الفيلة
الخادمة أخذت منهم العبايات ..
جوهرة: وين حنا فيه ؟؟؟
العمة فوزية تسحبها وتدخلها بين الناس ..
جوهرة وهي مصدومة عالإخر .. تشوف مناظر عمرها بحياتها ماقد شافتها ، بنات مخالعات وشباب ، وخمر ، وسكي وغيره ..
مشعل وهو يصفر ويتقرب مني: اوه ، وش هالحلا يافوزية ، مين وين جبيتها ؟؟؟
العمة فوزية وهي تشرب كاسة وسكي: جبتها وبس ..
وبدأ يتقرب مني أكثر وأكثر ، على طول بعدت عنه ، وهربت وأنا أبكي ، لالالا مستحيل إلا أشوفه .. لحقني .. وهو ماسك خصري: على وين يا حلو ؟؟
الله يعطيك العافيه
استمري متابعه لك
الله يعافيك غناتي
منوره خيتو ..
مشعل: أفا علامه الحلو زعلان علينا وش رأيك نطلع فوق ؟؟؟
جوهرة من صدمة عطته كف قوي لدرجة خده احمر: أنت قذر .. وبعد عمتي الحثالة ، أنت ما تخاف ربك ، لو قبضك ملك الموت على الفعلة شنيعة كيف بتقابل ربك قولي ..
مشعل بدون شعور ضميره يأنبه بس غريزة شيطان كان أقوى منه: أقول بلا كثرة كلام وأمشي معي ، وشالها بين يدينه .. ورقى فوق بغرفته ، تركي توه صحى من نوم وسمع صوت صياح يقطع القلب ..
مشعل يمسكني: وين بتهربين مني يا حيوانة ..
جوهرة صرخت بوجهه: هدني هدني ، حرام اللي تسويه فيني حرام ..
وكان بيأخذني لغرفته لكن أخوه توأم تركي شدني لناحيته: أنت مجنون وش اللي تسويه بالفيلة ، مابقى إلا أنت تشوه سمعتنا .. وسبحني وياه ..
تركي وهو مفور من العصبية: وأنت يا آنسة ليش ما تخافين على ربك ..
جوهرة بعدت عنه:أنا أخاف ربي مو أنت تجي وتعلمني ، لكن ما أقول غير حسبي والله ونعم الوكيل ..
تركي وهو مندهش من جمالها طفولي البريئ: أنت جيتي مع مين ؟؟؟
جوهرة وهي تترتجف من الخوف: والله جيت مع عمتي ، أنا أصلا كنت بالمستشفى وطاحت من الخوف أبوي راح مني وأمي أمي ماقد شفتها بحياتي ، كنت بغيبوبة لمدة أسبوع كانت وفاة أبوي لي صدمة ، وتو عمتي خرجتني من المستشفى وشوف وهذا دليل وهي تأشر على ملابس المستشفى ، أنا مستحيل سوي كذا أنا أنا ……. وراحت في بكاء عميق ..
تركي قلبه يأنبه على اتهاممه الباطل جلس جنبها: لا تبكين ، أنا مصدقك ، صديقني أنت باين من وجهك أنك شريفة لكن أخوي الله يسامحمه ، هو اللي خالاني اتهور ..
جوهرة: زين لاتناظر فيني ، أنت مو محرم لي ..
تركي ابتسم ولف وجهه: عظم الله أجرك على الوالد ..
جوهرة منزله راسها ودموعها تخونها: جزاك الله خير ، وهربت منه لكن انصدمت ويا مشعل ..
مشعل ببتسامة لأخوه: وش رأيك نضبطها ؟؟؟
تركي بعصبية شد جوهرة ولصقت فيه: مشعل اصحى أنت مو بوعيك ، وش اللي تسويه وهو يعطه ذاك الكف اللي طيح مشعل ، لكن لا حياة لمن لا تنادي ..
مشعل: ههههههههههه ظاهر وقعت بحبها ..
تركي خذ أخوه معه: تقدرين تروحين ..
جوهرة: مشكور ، والله يكثر من أمثالك ، ونزلت تحت ولبست عباتها وخذت وياها عمتها اللي ماتحيط وين هي فيه ..
ببيت أبو الجوهرة
جوهرة: يبه ليش تركتني ، أنت وعدتني نبقى على طول ، آه آه آه آه يبه ، جوهرة حرام اللي تسويه في نفسك راح تعذبين أبوك ، مسحت دموعها وصلت ركعتين ، وقرأت شوي من القرآن ونامت ..
أم طلال: يا أبو طلال بروح أشوف جوهرة ..
أبو طلال: زين اللي تسوينه ، ترى هي خرجت من المستشفى ..
طلال راح للبعثة يكمل مجاستير بعلم نفس ، وبقى له سنة ويتخرج ..
تركي بعصبية: مشعل لاتخليني أذبحك بتهورك ، أنت توأمي وحرام اللي سويته بالبنت ..
مشعل: تركي والله آسف بس هذا كله من سبب فوزية ..
تركي: ومين هاي فوزية إن شاء الله ؟؟؟
مشعل: هذاي اللي حرشتني اسوي كذا ، وضحكت علي وهي اللي جابت البنت اللي كنت بتحرش فيها ، بس أنت أنقذتها مني ..
تركي وتوه فهم على كلامها: زين هي وين ساكنة فيه ؟؟؟
مشعل: أنا عرف مكان بيتها ..
تركي: حلو مشينا ..
مشعل راح ويا أخوه ، وأخيرا وصلوا لبيت العمة فوزية ..
مشعل: كاهو هذا البيت ..
تركي: أنت اجلس هنا ، ولا تتحرك لا يمين ولا شمال ..
مشعل: زين بس عادي إذا تنفست ..
تركي: الله المستعان ، ونزل من سيارته ، وضغط عالجرس .. فتحت له العمة فوزية ..
العمة فوزية: أمر أخوي ..
تركي ببتسامة سخرية: أنت فوزية ؟؟؟
العمة فوزية وهي خايفة من هبيته: ايه ..
تركي: بتخليني اوقف بالباب ..
العمة فوزية: تفضل ..
دخل تركي: ممكن أعرف البنت اللي جبتيها أمس بفيلة مشعل من هي ؟؟؟
العمة فوزية منقهرة: مو شغلك ..
تركي: لا عاد هالكلمة مرة قوية ، اكسر شر وتحكي ..
العمة فوزية بخوف: هي تكون بنت أخوي ..
تركي: صدق ؟؟؟
العمة فوزية: ايه ..
تركي: زين ليش اجبرتيها تجي ..
العمة فوزية: لأن جوهرة مثل أبوها ، ما تحبب إلا نفسها ..
تركي (( فديتها واسمها جوهرة )): ههههههه قلت لي مايحبون إلا أنفسهم ، صديقني لو تسوين خير ابي اعرف وين ساكنة فيه ..
العمة فوزية: ها ، هي ساكنة بحي ****
تركي: أها مشكورة على المعلومات ، واتصل على شرطة اللي قبضوها ، لأن المدام تبيع مخدرات ..
بنكون متابعين لك
بس عزيزتي حبيت أذكرك بالقوانين
و ربي يوفقك
ربي يسلمك غلاتي
وهلا بك
ويوفقك أنت بعد عزيزتي
وعالقوانين راح التزم بها غناتي
ولعيونكم راح انزل بارت
مدخل:
يا صاحبي وإلي خلق نعمة السمع
إنك هنا بين المعالي كتابك
ماجيتلي صدقة ولاجيت لك رمع
وإن غبت عني فرحتي معك غابت
غيري عبث بالحب بسياسك القمع
لكن لايوم ودت ولايوم جابك
" ببيت أبو جوهرة"
جوهرة توها صحت من النوم ..
أم طلال: صح النوم ..
جوهرة ببتسامة بهاته: صح بدنك ..
أم طلال: حبيبتي قومي صلي العصر ..
جوهرة: يوه تأخرت على صلاة ، يارب أنك تسامحني ..
دخلت الحمام " الله يعزكم " توضت وخرجت من الحمام " الله يعزكم " ولبست جلال صلاة ، وصلت العصر ..
ماهي إلا ثواني ، ويرن الجرس ..
الخادمة فتحت الباب ..
تركي: هذا بيت جوهرة ..
الخادمة: ايه بابا ..
أم طلال: مين يا حليمة ..
الخادمة حليمة: هذا رجال واحد ..
أم طلال: أبو طلال حليمة ، تقول في رجال ..
أبو طلال: زين خلاص روحي ، وسوي القهوة ..
أم طلال: إن شاء الله ..
أبو طلال: تفضل حياك ..
تركي ببتسامة: الله يبقيك وجلس ، عظم الله أجرك على أبو جوهرة ..
أبو طلال: جزاك الله خير ، وصب له القهوة ، سم ..
تركي: سم الله عدوك ، أنت أكيد تقرب للجوهرة ..
أبو طلال وهو مستغرب منه: ايه أنا أبوها (( بس من الرضاعة )) ..
تركي: أها ، بصراحة أنا جيت هنا عشان أخطب بنتكم جوهرة ..
أبو طلال ببتسامة: ممكن اسأل سؤال ؟؟؟
تركي: أكيد راح تقول ؟؟ وش عرفني بها ؟؟؟
أبو طلال: عليك نور ..
تركي: بصراحة شفتها بالصدفة ، وأتمنى أسمع رأيها ..
أبو طلال: زين ، أبوك ليش ما جاء معك ..
تركي نزل راسه: أبوي توفى ، وأمي للأسف مسافرة ..
أبو طلال قرب من عنده: اعتبرني بمقام الوالد ..
تركي رفع راسه وهو مبتسم: والله أنك مثله ، أشوفك على خير ..
أبو طلال: أفا ، ماعندنا ضيوف بدون عشا ..
تركي: لا تكفى يبه >> ظهرت عفوية .. ، والله شوي مشغول ..
أبو طلال: لا تتحجج ببتعشاء يعني بتتعشا ..
تركي ببتسامة: أمرنا لله ، واتصل على ياسر ..
ياسر المسؤؤل عن الأجتماعات: هلا طال عمرك ..
تركي: اليوم ألغي كل شي ..
ياسر: تأمر طال عمرك ..
بعد العشا ..
" عند جوهرة "
جوهرة: يمه ، تبين مني شي ..
أم طلال: لاحبيبتي ، سلامتك ..
جوهرة ببتسامة: الله يسلمك ..
خرجت جوهرة للحوش إلا ، وتنصدم بشخص ..
أنفها يألمها: آييييييي ..
تركي(( اه وش حلوك ياجوهرة )): اوه ، آسف ما انتبهت عليك ..
جوهرة رفعت راسها وانصدمت: أنت أنت ، وش وش تبي تبي فيني >> من صدمة تتكلم كلمة كلمة ، الله يخليك ابعد عني ودموعها نزلت ابعد عني ، أنا أنا … . وراحت بنوبة بكاء أكبر ، وأكبر ..
تركي ماتوقع بس الحين فهمها (( على بالها أخوه مشعل )) ماقدر يشوف دموعها الغالية عليه حيل ، ضمها لصدره وقال بصوت حنون: لا تبكين يالغلا ، أنا تركي مو مشعل ، لا تخافين ..
جوهرة مازالت على حالة صدمة وقلبها يتراخي وينبض بسرعة لدرجة سمعها تركي انهارت ماهي قدراة تستحمل فقد أبوها: أنت كنت تبي تضيع شرفي .. بس والله أنا شريفة ، مو ذنبي اني رحت ويا عمتي فوزية ، هي من كنت أنا صغيرة تحقد علي وتدعي على أمي بالموت ، أمي أمي اللي تركنتي وراحت ، ما أشوفها إلا بالصور ، ليش كل البنات دوم يكونوا مبسوطات ، وأنا دوم حزينة .. ليش ؟؟؟؟
تركي يهدأ فيها وعرف شعورها لأنه جربه بس مو أكثر منها: لاتبكين حبيبتي ، وبعدين في مفجأة وأتمنى أنها راح تعجبك وطبع بوسة وأختفى ..
أما جوهرة تذكرت عيون تركي اللي لونها عسلي فاتح ، وتوها تستوعب اللي كان بإحضانها تركي ، وفشيلتك يا جوهرة ، أكيد يقول لي البنت مفسخه الحيا ، دخلت البيت ..
أبو طلال: جوهرة جوهرة ، وينك حبيبتي ؟؟؟
جوهرة: هلا يبه ..
أبو طلال: قربي وأنا أبوك ..
جوهرة باست راسه ، وجلست بجنبه: هلا يبه ..
أبو طلال: أنت ما شاء الله عليك كبرتي ، وصرتي عروسة ، والبنت مصيرها ببيت زوجها ، واحد تقدم لك ، مابي اسمع رأيك الحين ، إلا بعد ماتفكرين عدل بالموضوع …
جوهرة بصدممة: تقدم لي ، وأبوي توه له اسبوع بقبره ، قمت من مكاني ، أنا مستحيل أتزوج ؟؟؟
أبو طلال: ليش مستحيل ، يابنتي رجال مايعيبه شي ، وهو ما شاء الله ولد أجاويد ، وبصراحة يابنتي أنا بسأله عنه ، وبشوفه ..
جوهرة: يبه الله خليك ، قلت لك مابي اتزوج .
أبو طلال: يابنتي ، صديقني لو أبوك عايش ، كان راح يفرح لك أكثر مني …
جوهرة بخجل: ومين هو هذا ؟؟؟
أبو طلال: هذا تركي بن مساعد …..
جوهرة منصدمة: تركي ، وتوها تتذكر كلامه ، ورقت فوق بغرفتها ..
أبو طلال: يا أم طلال روحي وياها ..
أم طلال: يا أبو طلال ، لاتغضط على البنيه ، خلها الحين بروحها ، وبعدين نروح لها ..
بإنتظارك
أم طلال: آمين …
مر على هالكلام اسبوع ..
جوهرة جوالها يرن: ياهلا والله ..
طلال: هلا والله باللي ماتدق علي ابد ..
جوهرة: اوووووه سامحني ، بس وربي كنت مشغولة بحوسة الإختبارات ، ولا قدرت أدق عليك ..
طلال: مسموحه يالغالية ، وشلونك وشلون أمي وأبوي ؟؟؟
جوهرة: كلنا بخير يالغالي ، يالله متى بترجع لنا ..
طلال: إن شاء الله سنة الجاية ..
جوهرة: الله يوفقك حبيبي ..
طلال: ويه ، إلا أقول جوهرة ، وشلون شروق ؟؟؟
جوهرة: أهااا ، قلت لي شروق ، ايه بخير ..
طلال: جوهرة حبيبتي وش فيك ؟؟؟
جوهرة: سلامتك ، يالله حبيبي أنت لازم تبذل كل مافي جهدك عشان تصير دكتور ..
طلال: أدري يالغلا ، مبروك عالنسبة اللي تبيض الوجه ..
جوهرة: نسبة ، ايت نسبة …
طلال: ما شاء الله ماتدرين كم جبيتي نسبتك ، لا صدق أنك دافورة ، تراك جبتي 100 % ..
جوهرة بفرح: صدق ..
طلال: ايه ..
جوهرة ببتسامة: الله يبشرك بالخير ..
طلال: يالله حبيبتي ما اطول عليك ، فمان الله ..
جوهرة: فمان الكريم …
من الفرحة نزلت تحت عند أبوها ، وأمها ..
جوهرة ببتسامة: يبه يمه نجحت ، ما صدق ، يعني أنا بروح الجامعة ..
أم طلال: هههههههههههه ، إن شاء الله ..
أبو طلال بجدية: جوهرة مافكرتي بالموضوع ..
جوهرة بخجل: ايه يبه ، إلا تشوفه وهربت فوق لغرفتها ..
أبو طلال اتصل على تركي ..
تركي توه خارج من الإجتماع المتعب: هلا والله بأبوي ..
أبو طلال: هلا والله باللي يأخذ بنتي ..
تركي من الفرحة بانت غمزاته: صدق ، وافقت علي ظاهر أني أحلم ..
أبو طلال: لالا أقول انتبه على روحك ، لاتسوي شي وتبلشنا هههههههه ..
تركي: دوووم يايبه ، مافي مفر حتى لو كنت عمي بناديك يبه ..
أبو طلال: والله أنك مثل ولدي طلال وزود بعد ..
تركي: يبه ، مايصير اتغدا وياكم ..
أبو طلال: الله يحيك يا ولدي ..
تركي: لا وشدعوة اجيك هالحزه ، بوقت ثاني إن شاء الله ..
أبو طلال: على راحتك ، فمان الله ..
تركي: فمان الكريم
باليوم ثاني ..
سمعت الجرس يررررن بشكل مزعج ، فتحت الباب وحضنته: طلال ..
طلال بضحكة: مفجأة حلوة ..
جوهرة: أحلى مفجأة ..
طلال بزعل: جوهرة مو كأنك نحافنه ..
جوهرة: ها ، ايه من هم الإختبارات ..
طلال: أمي ، وأبوي ماهم في البيت ، وينهم ؟؟؟
أم طلال: يا جوهرة من على الباب ، وقفت تبي تستوعب أنها تشوف ولدها ..
طلال على طول حضنها ..
أم طلال بكت ..
جوهرة يوم شافت هالمنظر انسحبت ودموعها على وشك الهطوول ، المنظر ذكرها بأبوها اللي دوووم تحضنه ، لكن لا ابوها ولا حضنه موجود ، مسحت دمعة يتيمة ..
طلال: يمه ابو جوهرة وينه أبي اسلم عليه ..
أم طلال: حمد أبو جوهرة ، عطاك عمره ..
طلال انصدم: شنو وش اللي تقولينه يمه ؟؟؟
أم طلال: له اسبوعين ، وهو متوفي ..
طلال: وجوهرة ، وتذكر البارحة مكالمتها صوتها كان واضح انه تعبان ، ترك شنطة سفر ، وجر رجوله لغرفة أخته ، وشافها بمنظر يقطع قلبه تقطيع ، كانت حاضنه رجولها ومنزله راسها وشعرها متناثر حضنها: جوهرة حبيبتي هدي عمرك ..
جوهرة تبكي وتتشاهق: مو قدراه ، ابوي له اسبوعين متوفي وأنا اشتقت له ابيه طلال ابيه ..
طلال قرأ عليها شوي من الآيات شوي إلا وهي نايمه ، سدحها بسريرها وغاطها بلحاف ، وباس جبهتها وخرج من غرفته ، وهو حزين على حالة أخته .. راح لأمه وباس راسها ويدها: يمه احكي لي عن كل شي صار بغيابي ..
أم طلال حكت له عن كل شي ، وحتى قالت له واحد خطب أختك ..
طلال انصدم: لا يكون وافقت ..
أم طلال: ياولدي ، رجال ماينرد حسب ونسب وجاه ويكفي أخلاقه ابوك سأل عنه ، وكل واحد يذكره بالخير ..
طلال: ومين هذا ؟؟
أم طلال: تركي بن مساعد الفصيل ..
طلال بفرح: صدق يمه ..
أم طلال: ايه ، وأنا أمك ..
انتهى البارت الأول (( الفصل 2 ))
مين هااااااي شرووووق ؟؟؟
وش سر فرحة طلال ؟؟؟
هالله بالردووود اللي تبيض الوجه ……
انتظروني قريبا ..
تصبحون على خير
غلاتكم: