شي يخصك باقي عندي قلب من غيرك وحيد
ما يبي يبقى معاي يا أجيلك أو يجيلك
يسألوني الناس عنك وليه ما أكتب قصيد ؟
قول لا تسكت تكلم وش أجاوبهم دخيلك ؟
إختلفنا وماعرفنا شنهو الراي السديد
يا تضحي في عنادك أو أضحي في سبيلك
ليه كل عيد إنتفارق ؟ صرت أكره كل عيد
وإنت فارق في غلاتك وقلبي ما عنده مثيلك
المشاعر من غيابك يا دفا إحساسي جليد
طحت من عيني ل قلبي وما قدرت إني أشيلك
يشهد الله من رحلت وفي حياتي ، لا جديد
وكل ما ألمح سرابك أرتبك ، الله وكيلك
حالتي صعبه بدونك وكيف حالك يا بعيد ؟
أشتكي منك إليك ومن جروحي أشتكيلك
والله ما قصرت فيني بس ودي لو تزيد
يعني إذبحني وكمل يا بعد قلبي جميلك
أدري غلطاتي كثيره وفوق كل هذا عنيد
وش تسوي هذا حظك رغم زلاتي خليلك
أقتلك لا من خطيت ويا عسى عمرك مديد
و أعذرك لو كنت قاتل لأنه يستاهل قتيلك
ويلي منك لو نسيتك والزعل طبعا شديد
ولو أحس لحظه ب أنك منشغل عني ؟ يا ويلك
كل عاذل جاك بعدي وقال لك إني : سعيد
ما صدق وين السعاده والحزن شيد رحيلك
وكل عاذل قال عني شي إحساسه بليد
ما قدر ياخذ كثيرك صار يطمح في قليلك
وكل عاذل إن عطيته وجه وراك المزيد
لو يقول إنه : يبيلك خير والله ما يبيلك
جيتهم طيب وأدري في زماني ما يفيد
وش حصيل الطيب فيهم ؟ ومن فراقي وش حصيلك
بترك الدنيا عشانك دام هذا ما تريد
ويا عسى كلمة عشانك تشفي يا روحي غليلك
الدليل إني أحبك : صرت أحسك ب الوريد
وأدري في قلبك يحبني دون ما أسمع دليلك
في عيونك صرت ( شاعر ) واصل القمه فريد
وصرت تسوى في عيوني كل بني جنسك وجيلك
مثل قلبك ما ألاقي ومثلي ما تلقى أكيد
يعني ما عندك بديل ومستحيل ألقى بديلك
يا غزال شوف قلبي ما يبي غيرك يصيد
ولا بغيتك أدري وينك أسمعك وأتبع سليلك
إجلس ب عرش الفؤاد ولك أحاسيسي عبيد
وإعتبر حبي نهارك وقمرة تضوي في ليلك
ياللي شيعت المفارق إشرب وصالي و أزيد
خذ دفا إحساسي و إدفا كان بردك هد حيلك
يا أجيلك
أو تجيني
هذا هو الحل الوحيد
وإنت قرر يا حبيبي
يا تجيني
يا أجيلك
:
احمد الصانع
ربي يسلم هالاياااااااااادي
تنقلين الجميل
وتختارين المثيل
وتنتقين الاصيل
الف شكر على النقل والاختيار
داائما موفقه ومتميزه فيما تطرحينه
مبدعه
رووووووووعة
يعطيك الف الف الف عافية
بنتظار جديك داااااااائما
دمتي بود
ويعطيك الف عافيه
على النقل المميز
تقبلي مروري
ودمتي بكل الود
{ لاعدمتكم } ,,,,,,,,,,,,,,,,,,,,,
والله تريب وتنسيق من كل النواحي رووووووووووووووعة
تسلمين
تحياتي لكي
– ما صدق ! وين السعاده ! والحزن شيد رحيلك !
يسعدك ربي
قصيدة في قمة الروووعه واحساس رائع
يسلمووو على الطرح
الله يعطيج الف عافيه
تحيتي لكم
أسعدني مروركم ,,,
دمتم بخير ,,,
ولو أحس لحظه ب أنك منشغل عني ؟! يا ويلك ..!
لصدى حرفك نغمه خآصه في قلبي
تطرب أسماعي لها ..
احسآس مميز ..
شعور فريد..
دمتي على عرش الابدآع ..
كل الشكر لنقلك المميز ..
أرق التحايا ..