اشعار وصور
للشاعر حسين الساعدي
![الجيريا](http://v.3bir.com/imgcache/2016/08/travel"ورده سي:763771b-1.jpg)
طر كبرك حبيبي وكوم وياي
دز خطابتك يا احله عاشق!
أمس عاتبت ابوي اتندم اهواي
وحلف بالله إذا ترجع يوافق!
——————–
خاويت التعب والوالي مفقود!
بس حب العزيزه ابكلبي مزروع
طريات وكمت قويت الزنود
ولا امي العزيزه اتموت بالجوع!!
———-
ابشرك دكت ادفوف العواذل!
كالوا راح منه وهاي هيه
ودكتهم مثل ضرب القنابل
يعني الصبح متلحك عليه!!
—————–
مديرة مدرستنه اتهدد اهواي!
ورادت ولي أمري اشلون حيره!
لقبر أمي وأبوي امشيت عناي
عسى ايطلعولي الهاي المديره!
———-
تعال احسب دمع والحاسبه اوياك
وإذا تيهت بالعد عيد الدموع
صدك يوم الخميس انحرم ملكاك!
عسى الخميس ما خلوه بالاسبوع
————————
لتصدك الخانت قبلك انسان
لو حضن ابحضن تحلفلك اوياك
شوف اعيونهه مرسومه ليوين!
ويه يا بشر تتغازل اهناك!!!
————————–
اشوكت نرجع اطفال ونلعب العاب
ااشنسينه الما لعبناها ابزغرنه!
نطب بيت البيوت اويه الهوى الهاب
ونكل للزمن وكف عمرنه!!!
—————————
لا تسألني حالي اشلونه يالون!
تعال ابدمعتي ارسملي ابتسامه
على اصدور الاباحه انزرعت اعيون
ومحد عاين الحال اليتامه!!!!
——————-
تنيتك عالبحر وي شمس الغروب
ازرعت عالروج همسات وهواجس
وصحت ابصوت من بحاته متعوب!
وعلى حالي بجت حتى النوارس
————
اسمعت عنك مريض وصرت دكتور
طيبتك رغم كل المأسي
راسك طاب انته ومابقه ايدور
بس اني الطحت يوجعني راسي
———————————
تتوقع إذا ما تكتب اوياي
اتنازل ودزلك رساله!
لا والله إذا تبقى اعله هالراي
الغي الخاص احط مغلق بداله
———————-
الوطن لو تبجي عينه لا تلومه
على المافرحت وضلت حزينه
فدوه الها شلع كل الحكومه
هاي امنا العراقيه الحنينه
مع تحيات
الشاعر حسين الساعدي
منقوووول
جميل جدا
في منتهى ألذووووق
تقبل مروري
ودي
صور الأطفال عند القبور تقطع القلوب
وما حكت حالها من كلمات
مؤثرة جدا …صح لسان الشاعر
نقل رائع …الله يعطيك العافية …
تحياتي وتقديري
الصور محزنه وفي الصميم
وهذا وقعنا
جميل جدا
في منتهى ألذووووق
تقبل مروري
ودي
مروركم اجمل يا معذب الغرام
شكرا لروعتكم مع اجمل التحايا
صور الأطفال عند القبور تقطع القلوب
وما حكت حالها من كلمات
مؤثرة جدا …صح لسان الشاعر
نقل رائع …الله يعطيك العافية …
واكتملت الروعة بمرورك الاروع
دمتم ودامت روعتكم
تحياتي