غيم الوله ، غطا سما قفر الإحساس
………. و أمطر : على فياض الضمير المعاني
سقياهـ نبض ، و نفحة أنسامه أنفاس
………… و عشبه شرايين ، و غصونه محاني
لا هزها ، من يمة [ الوجد ] نسناس
……….. فجر ، ينابيع [ الحنين ] ، و ملاني !
عليك : يا ماخذ عيوني ، من الناس !
………… في حاضري و اللي مضى من زماني
للصبح شمس ، و للدجى ضي نبراس
……….. و أنت [ الأمل ] في دنيتي ، والأماني
أذكرك ، و [ شفاه المواعيد ] يباس !
………… و أضمى وصالك ، لو جفاك إرتواني
على : أمل لقياك في [ مهجر الياس ]
……….. عمت [ البحور ] اللي ، بليا مواني !
صمتي صداه أجراس وأصوات الأجراس
………. [ تصدع بما تؤمر ] هنا ، في كياني !
أغض عنها الطرف ، و أقول لا باس
……….. و أسمع [ صداها ] في زوايا مكاني !
لو للحطب حيله ، على سطوة الفاس
………. ما شفتني من [ جور الأقدار ] أعاني
بسماتي : أشبه بـإبتسامات الأعراس
………… يقرا [ رضاها ] في ، من لا قراني !
و العبره اللي مرها الدمع ، عساس
……….. قطفت : يانع طلعها ، من .. لساني
دمعة حبر ، طاحت على خد قرطاس
……….. فيها : نطق همس الشعور و حكاني
عطني كفن حبك ، قبل يلفظ أنفاس !
………. و أنا : علي ، أطويه : بين المحاني
راقت لي
للشاعر فيصل العطاوي
الغالية والشاعرة المتألقة
أوراق الخريف
نقل موفق وأختيارجميل
مشكورة والله يعافيك
مودتي
صح السان الشاعر فيصل العطاوي
ويعطيك العافيه على الطرح ..
يعافيك ربي يالغلا
الله لايحرمني من طلتك يالغلا
تحياتي
اسعدني مرورك وردك اللطيف
لك شكري
ويعافيك يالغلا
الله لايحرمني طلتك
لك ودي
تسلم يدينكـ وصح لسآن آلشاعر ~
لكـ ودي و إحترآمي ‘‘‘
تـسـلـمـي ويـسـلـم
كـلـمـات جـمـيـلـه مـعـانـيــهـا عـمـيـقـه