التي نشرت في العدد الاخير لفواصل
مصحوبه بخلفيه صوره طفله
قد تكون هي(مي)المقصوده بالقصيده او شبيهتها
فقط ادعكم مع نص يشبع احساسكم العذب
مي هذي مثل طل الصبح لأغصان الحدايق
يبتسم قطر الندى لاباسته أو باسها
مي هذي بنت لامن شفت صدر الليل ضايق ..
أدري ان عيون مي اليوم طال نعاسها !
من هنا تصحى ويصحى الحب في عيون الخلايق
ومن هنا تغفى وتنسى الارض ضحكه ناسها
يسعد الله قلب مي اللي كثر ماهوب بايق ..
..من قلوب الخلق..مااذكر مر يوم وداسها
لأن مي أرق بنت..ولو قست ماهوب لايق
حيرتني مي..الأجمل : هي..والا أحساسها !؟
بالها لاضاق زانت..كيف لامن صار رايق!؟
في انتباهتها براءه..كيف اجل هوجاسها !؟
العمر لو كان ضحكه مي تكفيني دقايق
بس اخاف ان مت..تحني مي فوقي راسها
مي لو تبكي لموتي مالي الا افز فايق
من قبل لااموت أكثر..من نشيج انفاسها
مي .. لاتعطين بال لمن يقول الموت عايق
الجسد موته يفك الروح من حراسها
ماأحبك فوق الارض وبس ياكل الخلايق
حتى تحت الارض أحبك يابعد من داسها
مي لو ماقلت فيها بيت واحد ماتضايق
لأن مالي شعر ينشر لو رفض كراسها
لفهد المساعد
يعطيك العاافيه عاالنقل الطيب
وصح الساان الشااعر
بانتظار ذووقك الرااقي
مزون شمر
الاصيل
كلمات بغاية الروعه مهذبه وغنيه عن التعريف اتت كالشروق قويه في اضائتها
الله يعطيك ألف عآفيه على ه الموضوع
شآكر لك روعة سطورك النيره
في أنتظآر جديدك
كل الشكر والتقدير
دمتم . . . ب ح فظ الله
الشتيلي!!!