بس قبلها حبيت اعرف عن نفسي
انسان قليل الخبره في الحياه
اكبر مشوار يروحه لحاله الى البقاله و ازيدكم من الشعر بيت…و بعض الاحيان اروح البقاله و انا ارجف من الخوف
<<<<<<< ام الركب فكك بهللله زايده و بلاشي ركب
و اخيرا و ارجو المعذره حبيت اعترف انو اسمي الحقيقي خماش مو احس الحب اس
طبعا اذكر اني استلمت شهاده الثانويه العامه و اللي اذكرها انها من الاشياء القليله اللي هزت الحياه في بيتنا
فاخواني يتشمتون و امي تصارخ و تشد شعرها و اخواتي يحرشووون و يطلعون البلاوي اللي كنت مسويها فيهم
و انواع الضرب و الكفوف و الله الحاله صعبه و تبكي
و كل شوي يرن التلفون هااااه : هاااه بشري يا ام خماش و لدك كم جاي
و هااتك امي تبكي و تقول منو اللي كان السبب
المهم بعد ما انقضت فتره العقوبه التي استمرت 20 سنه مع الاعمال الشاقه و طبعا الحبس انفرادي
<<<<< اقول كلها يومين و كل اللي سويته انك و ديت اخوك الصغير البقاله
قالي اخوي انه في مكان حلو قدم فيه و مواصفاته حلوه فل اوبشن يمكن يقبلوك
وانا ابكي و اقول ياااااااااا رب " نفس طريقه سموره اللي في بابا فرحان"
المهم اهلي رتبو الاوضاع علشان اسافر و نسقوا مع واحد اقربلوا علشان يستلمني من المطار و يرميني في الكليه علشان اختبر و بعد كذا ياكلني لقمتين و اريح و بعد كذا يرجع يسفرني الى اهلي و انا كل اللي اسويه اني اركب الطياره و اقراء ورقه التعليمات اللي كاتبها لي اخوي الكبير و معلقها على رقبتي علشان لا اضيع
في يوم التقديم سافرت بالطياره و انا ابكي و اغني غنيه راشد" لا تلوح للمسافر المسافر راح لا تلوح على المسافر المسافر راح" و مسوي نواحه زايده على اللزوم
الى شوي حزن اللي جنبي علي و جاا يبي يسكتني وقالي بلطف اول مره تسافر لوحدك يا شاطر
الا رديت عليه مخطانتي نازله و قلت بؤ " معناها ايوه"
قالي ليه ما تتكلم ليه ما ترد ما تبغاني اكلمك رديت عليه و قلت يوء " معناها لا ما ابغى اكلمك"
الا رد و قال اهاااااااا انت اكيد ما تبغى تكلمني علشان اهلك ما يسمحولك تكلم ناس ما تعرفهم
رديت عليه و قلت بؤ " اكيد انكم عارفين المعنى"
بس قالي يا شاطر انا مني شرير و حتى الدليل على كذا اني ما اضحك بصوت عالي و اقول ها ها ها هاااااااي
الا فرحت و قلت بالله يعني انت طيب
<<< ايش رايكم في الدلاخه
قالي ايوه
بعدين قعد يدردش معايه و قاعد يهدي من خوفي
المهم او ما هبطت الطياره و وصلنا المطار قعدت استنى اللي يقربلي و تاخر علي 10 دقايق بس
الا قلت في نفسي الحين انا قوي ليه ما اركب مع واحد و اقولو يوصلني الكليه علشان اقدم
المهم ما ادري كيف هبقت معاي الا و رحت مع واحد و وصلني الكليه
و دخلت الكليه علشان اختبر الا اشوي و اتفاجات انو مع التقديم فيه اختبار!!!!!!!!!!!!!!!
التكمله في الجزء الثاني
ماني عارفة شو اصنف نوع هالدراما….اممممممممممم يمكن دراما هندية …بس ناقصة
يلا بسرعة كملها….
مشكور اخوي على مشاركتك الحلوة
بيني وبينك اشكرك على المرور السريع
و الجزء الثاني قريب انشاء الله بس لما افضى اكمل كتابتو
———————————————————————————————————————————–
الجزء الثاني
طبعا اللي قاهرني في الاختبار اني ما حضرت ليه يعني افهموها ريد بول او بايوسن
و الله جات الاسئله لا باس بها سهله مائله الى الصعوبه
<<<<<<<<<<<< يا هوووو ماكنت اعرف انو يمديني اكتب جمله بهذا الابداع
طبعا الاسئله مكونه من اختيارات " ا . ب . ج .د" و كل اللي عليك انك تظلل الدويره اللي عند الاجابه الصحيحه
طبعا حاولت اجاوب على اول كم سؤال ما جات معي قلت ما لي الى اني انشر ابداعي الفني و الون الدويرات حسب مزاجي
<<<<<<<<< يا واد انتى يا حجازي يا خطير
و دخلت جو مع الحل و عجبني الرسم
الا اشوي الا الي جنبي يقولي الفقره كذا ايش حلها
و طبعا انا نشمي اعطيته الاجابه
و هو ما صدق خبر قالي الا بعدها
و انا اعطيه
قال اللي بعدها
و انا اعطيه
قال اللي بعدها
و انا اعطيه
و كملنا على هذه الحاله
الا شوي جانا دكتور هيييييه يا ابو الشباب انت و ايااااه على وين رايحين
فجاوبتو ببلاهه خير انشاء الله ايش فيه
فقال ترا عدد الاسئله 120 و انت كملت و حليت 150 سؤال
الا اشوي و يخزرني اللي وراي بحقد و كانه يقول و انا اللي احسبك دافور
المهم الولد طلع و بقيت انا احاول اجاوب على الاسئله السهله
فقعدت اشوي و اخذتها في راسي و طلعت
بعد ما طلعت جلست افكر وين اروح يا ربييي
اهاااا جاتني فكره
ليش ما اجرب اسافر بالسياره
فقعدت استنى شوي الاما جاء لموزين و راح يوصلني الى النقل الجماعي علشان اروح اسافر مع حقون الخطوط
لما وصلت ما حصلت واحد يوصل الى جده الا رجال كبير في السن معاه يا كرسيدا او قراندي قديمه
<<<<<<<<<<< و النعم باين عليك فهيم في السيارات
ركبت السياره "" وكانت اكبر غلطه سويتها في حياتي رايحيين تعرفوون ليه""
و بدينا السفر
طبعا الله لا يوريك الشمس حارقتنا و السياره زحمه تصدقون راكبييين فيها سته اشخاص وطبعا ما دام انو السواق شايب يعني افهموها حده لو عدى يمشي ستين لا و اللي زاد الطين بله مشغل محمد عبده على البال "اصدار يقولك كح كح من قدمو"
طبعا في الطريق فاحت روايحنا بطريقه تسد النفس
و انا عن نفسي الا يومك و انا قالب لوني تكروني " و الا لما ولدت كانوا اهلي يسموني بياض الثلج"
<<<<<<< اهييي تلعبها على مين كانوا يسمونك شريك
و كملنا على هذه الحاله الى ما وصلنا جده
تخيلوا يا شباب انو السفر اخذ مننا سبع ساعات و اللي قاهرني
و انا من الفرحه على الوصول ما صدقت على طول اخذت لموزين و روحت على البيت و انا فرحان
الا اشوي الا تذكرت اني نسيت الشهاده و اوراقي الرسميه في السياره
فكلمت اللموزين انو يرجعبنا الى النقل يمكن نلاقي صاحب السياره
و الله ادور ما لقيت احد
فرجعت الى اللموزين و انا ابكي و اقولوا بالله ارجع لطريق السفر يمكن نلاقي صاحب السياره
و نحنى في الطريق شفت دوريه فقلتلوا وقف ابغى اكلم صاحب الدوريه
فرحت اكلموا و قلت وقف صاحب السياره القديمه تراه اخذ شهادتي و بطاقتي و صوري
فقالي : سبعه شلوك " 07" و شهي شهادته
فقلت شهادتي انا شقى عمري انا و تعب عمري انا وكل عمري انا …
فقالي : اهاااا اثرك مضيع شهادتك
فقلت و كمان صورتي و ازيدك من الشعر بيت بطاقتي
فقالي عطنا السالفه
فقلتلوا مني فاضيلك يا تدوني شهادتي يا بلاش كلام فاضي
قالي هو سفعها منك " اللي فهمتو انو بمعني سرقها "
فقلت لا
فقال اجل و انا اخوك ما بيدنا شي و شهادتك راحت عليك
فقلت اندر على وجهك منك اخويا و لا حاجه و بعدين و بعدين ليش تقولي شهادتك راحت عليك
فقالي عليك العوض ومنك العوض
و من هنا و هناك ما جاتني فكره ايش اقدر اسوي
فرجعت البيت مكسور الخاطر حزين
و طبعا انتم عارفين بقيه القصه اللي هي ضرب من جميع افراد العائله
القصه هذه حقيقيه صارت معي مع اضافه بسيطه لبعض الاحداث اعذروني على الاخطاء فهذه اول مره اتجراء و اكتب فيها قصه عن نفسي
الرجاء في حالت النقل ذكر المصدر
<<<< واثق انها عاجبتكم
<<<<< من وين جايب هذه التحيه
مشكور على المرور اعطيني رايك بعد اكتمال الموضوع
قدساويه
لووووووووووول و هذه هي البقيه
انتظر ردك بفارغ الصبر
و اعذروني يا شباب على التأخير
بس انتبه للبطاقه تروح بيد واحد يسوي فيها شي يمين ولا يسار وتتورط انت
مشكوور على القصه
حبيت اضيف معلومه
القصه هذه ليها سنتين و انا الحين بكامل اغراضي الشخصيه
اما عن ايش سويت " هذه قصتي الجايه انشاء الله"
و اشكرك ندور على المشاعر الطيبه
يسلمو