قصتي وانا رايحه السوق كان اتعس يوم مر في حياتي 2024

×

اتفقناا انا وماماتي نروح السوق بكره عساس نشتري ملابس ولزوم الكوشخه حق العيد – اللي هو عيد الاضحى اللي فات

من بكره / اختي تضربني بالمخده اصحي اصحي ورانا سوق وفراره وعوار راسس واخوي بالغصب مسكناه ترى بيهرب ويخلينا لو ما صحيتي

قلت طيب طيب انقلعي شوي وبقوم قالت بسرعه وربي لو ما قمتي ل قول لخوي يجي يصحيك بطريقته / قلت لا لا تكفين كل شي ولا اخوك ذا الدفش يجي يجررم فيني هنا كني اصغر عياله

قالت اجل قومي بالطيب ازين لك وصكتني بالمخده على راسي > هنا انا غفلة معي وقوم واصيح عليها برررررررى لا اقوم ادوس في قاع بطنتس

رجعت كملت النومه عاد كنت اتحلم حلم انماا ايه توحفه > انطمي بس

الموهم شوي الا صوت اخوي يقول وينهاا ذي بشوف وجهها وانا هنا مدري وش اسوي ياربي لازم اجهز سلاح عشان لو جاء بيكفخني اضربه فيه اتلفت يمين وشمال الا اناظر الابجوره واضحك ضحكه خبيثه

قلت هذي هي مالي غير اصكه على راسه في الابجوره اخذتها اول ما دخل وانا اقوم في وجهه واقوله وقف وين ياخي بدرري عليك تضربني وانا معي الابجوره ذي بكسرها على راسك وافتح في راسك شوارع وافحط فيهم

قال اجل كذا الاخت صايره عربجيه اقول تعالي تعالي ويمسكني من شعرري بعنف > تبتسي يوم تتذكر وجع سحبة الشعر

وطب الا انا على راسي من فوق السرير ويبقسني انواع التبقيس لين عضيت القاع قلت خلاص والله التوبه وخر عني هين هين عند باباتي بعلمه عليك واخليه ينتف شنبك ويعلقك على باب غرفتي عبره للي يحاول يضربني

قال اقول قومي غسلي وجهتس والبسي لا امردغتس هناا وبسرعه ياويلك تتاخرين مافي سوق مره ثانيه قلت طيب طيب انقلع بس ياشرير

رحت واخذت شور وجيت اغني > مروقه الاخت واخوها ميت قهر تحت معلقته

لبست العبايه وركبت العدسات ولزوم الكوششخه طبعاا وطقيتها لثمه واخذت الشنطه وانزل بكل ثقه الا اخوي يناظرني من فوق لتحت وكنه مو عاجبه فيني شي قلت نعم وشتبي في شي غلط .؟

قال كلك على بعضك غلط الاخت رايح عرس ولا سوق .؟ قلت اللي تبي اهم شي توديني الحين ولا تكثر هرج لا اعلم باباتي عليك قال والله ما ذبحنا وخربك علينا الا ابوي قالت امي عادي خلها الله يهديها بس > اوف تقول مسويه جريمه

الموهم رحنا السوق واخذنا طبعاا كل العايله هع > اخواني اصغر مني اثنين عشان ينزلون معنا اخوي الكبير ما ينزل ونزلنا .. > بدغارد مو اخوان

اول ما دخلت من عند باب السوق { طبعا السوق زحمه عيد } من دخلت عند الباب طب ذيك الطيحه اللي خلت الناس كلها تناظر فيني > حوبت اخوي الدب تهي تهي

هنا احراج عاد بسررعه قمت معن احس اني تكسرت اناظر الناس الا كل واحد شاقه فمه الابتسامه وربي انقهرت بقوه واجلس اسطر اخواني ومعصبه

ورحنا ع السلم الكهربائي بنصعد فوق انا مو اول مره يعني متعوده عليه بس ذا المره نحس بقوه واول ما صعدناا عباتي علقت في السلم واسحبها بطلعها عجزت واخواني وامي واختي

الكل يسحب بنطلعهاا عيت تطلع يعني لازم تتقطع واصير امشي بالسوق ومعبايتي مقطعه اوم الفشله
وتقطعت العبايه بس اشوى من الطرف واجلس في مكاني ما تحركة وتروح امي وتجيب لي عبايه

والناس كلها تناظر فينا يلعن اوم الفشله مو كافي الضرب اول ما صحيت والطيحه عند الباب وبعد تقطعة عباتي كله من اخوي انا اوريه وطلعنا على طول قلت ما ابغى اشتري يلا نرجع البيت

رحت السياره واصيح واخواني وامي يضحكون علي قال اخوي وش فيها قالو صار كذا كذا وهو يحط اصبعه على وجهي ويضحك > هنا غفلة معي وقلت والله لوريكم يا اغبياء كله منك انت
واخوي توه مشتري سياره جديده فرحان فيها قلت طيب ما اخلي ذا الفرحه تكتمل لازم انتقم > شريره هع

وجلسة هو يسوق وانا اطمر عليه من ورى واتعبث في المسجل اخر شي وقف قال والله ما اسوق وذا السوسه عندي وجانا واحد من ورى سيارتنا منطلق الولد وماهو منتبه لنا واقفين وهو يسولف بالجوال الولد

وطم طااااخ الا صادمنا صدمه انما ايه احس اللي صادمنا صاروخ ماهو سياره اخوي الصغير من الصدمه والرعب وتعور انصررع وانا من الشر اللي فيني نزلت على طول > تبي تفك عمرها الاخت

تعور اخوي الشرير ضرب المرايا اللي قدامه خلها طحين هههههههه > هذا اللي ابيه وسيارته انعدمة العن اوم الفله > حوبتي اقوى من حوبته