ملاحظه/
قرب كرتون مناديل بجنبك..
كان سعود يعيش مع امه وكان عنده اخت متزوجه تأتى لزيارتهم بين الحين والاخر ,كان يشتغل في البحريه
المشهد الاول:في الصباح سعود نازل
سعود: صباح الخير يااحلى ام بالدنيا
الام: صباحك نور , وش عندك قايم بالصباح؟
سعود: ولاشىء بس حابب اجلس معك والا اروح انام احسن لى؟؟
الام: لايمه تعال هنا انا بروح اسوي لك فطور
سعود: اوكى
بعد 5دقايق الام جايه
الام: الا اقول ورى ماتروح الشغل ؟
سعود: يمه ماتدرين انا عندى اجازه شهر ونص
الام: ليش يمه تاخذها الحين؟؟
سعود: لاهم معطينياها الحين, ليش مابغيتيها الحين؟
الام: لا كان ودى يعطونك اياها بالعيد
سعود: المره الجايه اقولهم
الام: آآآه اليوم بتجى اختك وعيالها
سعود: اخيرا بتجى مو لنا اسبوع واحنا نقول لها تعالى تعالى , وتقول طيب اليوم جايه . وماتجى
الام: تعرف زوجها اشغاله كثيره
سعود: يمه تعلمينى عن احمد والله ماعنده شغل بس مايبيها تجى
الام: لا والله الا احمد يبيها تقعد هنا ماتروح له
سعود: يمه انا طالع تبين منى شىء؟؟
الام: وين بتروح ؟؟
سعود: مواعد اصدقائي بروح اتمشى معهم
الام: فمان الله وانتبه لنفسك واذا بتتاخر اتصل فينى طيب؟؟
سعود: انشاء الله
الام:لاتنسى هذانى قلت لك
سعود: طيب يمه مانى بناسى
***********
المشهد سعود مع اصدقائه احمد وعبادي ومساعد
عبادى: هاه وين تبون نروح؟؟
مساعد:انا ادرى عنك انت صاحب السياره
احمد: اقول انا الساعه 12 مواعد صديقتى عند باب الكليه اوكى لاتروحون بعيد
سعود: وشووو!! مواعد وحده؟؟ لامنت بصاحى وشو تلعب على بنات خلق الله
احمد: ياخى تحبنى البنت وانا احبها وش مدخلك انت
سعود: يااحمد خلك من اللعب هذا توك لاعب على وحده وتاركها والحين ماخذ لك وحده ثانيه الى متى هالحال؟؟
احمد: اليما اتعب وتزوجنى امى.
سعود: استغفر الله
عبادى: خلاص عرفت وين نروح؟
مساعد: وين؟؟؟؟
عبادي:نروح محل ابوى نجلس فيه ونبيع ونتسلى وش رايكم؟؟
مساعد : اصلا منت مودينا الا علشان كذا
سعود: خلاص نروح المحل
***************
المشهد وعند الساعه 11 ونص احمد يقوم
احمد: يالله مشينا
عبادي: وين بتروح؟
احمد : مانى قايل لك انى مواعد وحده الساعه 12
عبادى: بس الحين مابعد جت الساعه 12؟
احمد: بس يالله نروح الى هناك وصلت الساعه 12
مساعد: يالله خلنا نروح حتى انا ابى اشوف لى حبيبه
عبادى:انت اصلا من تشوفك وحده بتبطل تروح الكليه
سعود: يالله وانا بروح…..
قاااااااااااااااطعه احمد
احمد: بتروح تشوف حبيبتك ادرى عنك
سعود: وش دراك؟؟ ايه بروح اشوف حبيبتي وحياتى وعمري بعد
عبادى: من هى سعوود؟؟
مساعد: يالله كل هالمده وانت مخبى علينا يالجربووع
سعود: اقولكم من هى؟
مساعد: ايه من هى؟
سعود: امى ويضحك ههههههههههههههههههههههه
عبادى: الله يرجك على بالى تحب اقول خذ مالت عليك بس
سعود:اغصان الجنه
عبادى: ايه هين
***********************
المشهد عند باب الكليه
احمد: الله ياخذها من بنت ماجات الساعه الحين 12 وخمس
عبادى: انتظر ماراحت الا خمس دقايق بس
كان سعود قاعد على السياره منتظر اصدقائه متى يجون فجأه وكان هو مسرح جاءت بنت تمشى وطاحت كتبها وملازمها جاء سعود ولمها لهااا
البنت: خير انشاء الله انا قلت لك تعال رتب اغراضى
سعود: بسم الله علينا وش سويت لك بس جاى اساعدك
البنت: والله ماطلبت منك ولااشرت لك تجى تساعد
سعود: طيب لاتاكلينا بلسانك الشرهه علي انا اللى جاى اساعدك
البنت: والله حاله من شافو بنت طاحت ملازمها او اى شىء جوو ركض يتلزقووون
راحت البنت وبينما سعود رايح شاف نوته للارقام اخذها وكان بيلحق البينت بس كانت البنت راكبه السياره
اخذها سعود وشاف الارقام بوكان اسمها مكتوب والمعلومات الشخصيه كان اسمها منيره ورقم تليفونها والجوال
**************
المشهد احمد ومساعد وعبادى جايين
احمد: طيب تشوف نويره ان ماوريتها
مساعد: والله شكلك يضحك يا احمد
احمد: جعل بطنك البط قول امين وشو اضحك
عبادي: اقول اركبو خلصونا
وبعد مانزلو احمد ومساعد
بعبادى: سعود وش فيك مسرح
سعود: هاه .. لا… ابد سلامتك مافيه شىء
عبادى: ليكون شفت لك بنت
سعود: يضحك وشو انا يالله بنت تطلع بوجهى تقول لى شفت لك بنت
عبادى: اقول ياحبك لكتم الاشياء اقول انزل واذا فيه بشىء تبى تقوله لى اتصل ترى رقمي عندك اوكى
سعود: تسلم ياقلبى يالله مع السلامه
***********************
المشهد : سعود داخل البيت والا وفي وجه ولد اخته عبود( عبدالله)
سعود: هلا فاطمه كيف الحال؟
فاطمه:بخير انت حالك؟
سعود: ماشى الحال , واخيرا وافق احمد يجيبك
فاطمه : ايه وافق ليش؟؟
سعود: ابد سلامتك بس ماكنه طول؟
فاطمه: اقول رح نام بس.
الام: سعود رح ارتاح اليما يجهز الغداء
سعود: بقوم ارتاح زى ماقالت امى بس بعدين بقول لاحمد ليش تاخر؟
فاطمه: يصير خير , وخذ معك عبود وانت طالع خله يلعب معك
سعود: مابقى الاهى اخذه علشان يكسر عظامى الدب
الام: بسم الله عليه قول ماشاء الله
سعود: ياما قلنا ماشاء الله خلنا اليوم مانقولها ونشوف وش بيصير
الام: يالله سعود قولها
سعود: ماشاء الله , الله اكبر, تف تف تف عليك
********************
المشهد في المساء سعود في غرفته وماسك النوته يتصل والا مايتصل عليها قال خلاص بتصل على البيت واشوف
سعود: الو السلام عليكم
المتكلم: نعم خير انشاء الله >>> كان واحد مزعجهم يكلم ويقفل
سعود: طيب ردى السلام ترى واجب
البنت : عارفه وش تبى
سعود: مممم فيصل هنا
البنت : لا غلط النمره باي ….. صكت التليفون
اتصل مره ثانيه بعد ربع ساعه
البنت: هلا خوله
سعود: احم احم السلام عليكم
البنت: وعليكم السلام>>>>> منقهره
سعود: ودى اسال محمد هنا
البنت: لحظه اناديه لك
سعود ارتبك طلع عندهم واحد اسمه محمد قفل السماعه
في اليوم الثانى اتصل قال
سعود: الو السلام عليكم
الام: وعليكم السلام هلا
سعود: هذا بيت مين ياخاله؟
ابلام: انت داق تبى مين , وتقول بيت مين هذا
سعود: لا ياخاله بس الرقم كان عندى وماادرى بيت مين؟
الام: هذا بيت خالد الضاحى
سعود: اها مشكوره ياخاله
الام: من تبى؟
سعود: محمد هنا؟؟
الام: لاوالله طلع العمل
سعود: اها اجل مع السلامه ابتصل عليه مره ثانيه
سعود قفل السماعه عائله الضاحى ماهى غريبه عليه يعرفهم اتصل على عبادى وقال
سعود: هلا عبادى ودى اسالك اذا انت مو مشغول؟؟
عبادى: هلا قول اسال هذا اذا جاوبت لانى تونى قايم من النوم
سعود: طيب تعرف عايله الضاحى؟؟
عبادى: ايه اللى عندهم ولد اسمه محمد الضاحى
سعود: ايه تعرفهم؟؟
عبادى: ايه الله يرجك ماتعرفه هذاك اللى كان معنا بالثانويه وكنا معطينه ركبه
سعود: اها ذكرتنى الله يذكرك بالشهاده يالله مع السلامه
عبادى: وش تبى منهم
سعود قفل الجوال.
*****************
في المساء اتصل سعود
سعود: الو السلام عليكم
البنت: وعليكم السلام
سعود: هلا والله
البنت: احلف عاد وشو هلا ليه انا اعرفك تعرفنى لين تقول لى هلا والله
سعود: لا لا تعصبين ريلاكس
البنت: ليش وشو مااعصب اقول اخلص من تبى لاتخلينى اقفل الخط بوجهك
سعود: طيب محمد هنا؟؟
البنت : لحظه
**************
محمد: الو
سعود: السلام عليكم
محمد: وعليكم السلام
سعود: كيف الحال محمد؟
محمد: بخير وانت؟
سعود: الحمد لله
محمد: من معى ماعرفتك؟؟
سعود: مو انت محمد الضاحى؟؟
محمد: ايه بس من معى ؟
سعود: طيب انت الحين ماراح تعرفنى لو اقولك بس وش رايك نلتقى في مكان
محمد: وين تبى انت؟
سعود: تعرف ثانويه عمر بن الخطاب؟؟
محمد: ايه اعرفها خلاص بكره الساعه 2 انشاء الله هناك
سعود: ليش مايكون الساعه 12
محمد: لا لانى بروح اجيب خواتى من المدارس
سعود: خلاص صار القاك هناك انشاء الله
محمد: انشاء الله***********************
اليوم التالى الساعه2
سعود عند بوابه الثانويه ……. محمد مقبل عليه
سعود: انت محمد الضاحى؟؟
محمد:اي اى خدمه؟
سعود: انا سعود الفايز ماعرفتنى؟؟
محمد : لا والله ذكرنى؟
سعود: ماتذكر ذاك اليوم اللى كنا بالصف وبرشمت في ورقه وقطيتها عليك وابتلشت انت ؟؟
محمد: اهااا الله يلعن ابليسك كيف الحال؟
سعود: بخير الحمد لله وانت حالك؟
محمد: بخير , والله من زمان عنك وين ايامك ياشيخ؟؟
سعود: والله تعرف البحريه وشغلها
محمد: اخيرا دخلت البحريه بس كنت انت تبى الجيش وش غير رايك؟؟
سعود: تعرف اصلا انا مريض بالربوو وتعرف الجيش بعد يبيله ركضه وتمارين وانا مانى قدها .. بس قولى انت وين تشتغل؟؟
محمد: انا ياطويل العمر اشتغل في شركه الوالد بعد وفاته
سعود: الله يرحمه انشاء الله
محمد:الجميع, الا انت كيف مااخذ رقم تليفوننا
سعود مرتبك:اها انا انا اخذته من واحد الله يستر علينا وعليه
محمد : طيب منهو هالواحد؟
سعود: ياخى واحد الله يتسر عليه
محمد: طيب لازم اروح علشان الشغل
سعود: الله معك لاتنسانا
محمد : انشاء الله
المشهد سعود في الغرفه يفكر يتصل على جوالها والا لا , واخيرا قال بيتصل ويصير اللى يصير
سعود: السلام عليكم
البنت:هلا
سعود: ممكن….
البنت قاطعته: لو سمحت انتظر تراه مو جوالى لحظه اناديلك صاحبته
سعود: اوكى
منيره:الو
سعود:السلام عليكم
منيره: من معي
سعود: ماتعرفيني؟؟
منيره:لا ولاابى اعرفك.. وقفلت السماعه
*** سعود يتصل فيها بعد نص ساعه
منيره: لحوول وانت وش فيك مزعج العالم هاه
سعود: طيب يامنيره لاتعصبين
منيره: وشو كيف عرفت اسمي ؟؟
سعود:اصلا انا اعرفك واعرف صديقاتك كلهم مو عندك وحده اسمها منى، زهراء ، خوله
منيره:شوف انت شخص لعاب ماعندك غيره على بنات وطنك ولو كان عندك كان مالعبت على خلق الله وشوف ترى انا وحده ماتسوي هالحركات اوكى يعنى ياتبطل حركاتك الزعمجه يااروح اقول لاخوى يتصرف معك
سعود: اها تهددينى باخوك محمد المسكين؟؟
منيره: اوكى … وقفلت السماعه
**************
وبعد منتصف الليل اتصل سعود عليها
سعود: لحظه لاتقفلين الخط اوكى
منيره: حلوه هذى انت الحين تامرنى؟؟
سعود: لا هذا طلب ومايامر عليك عدوو
منيره: وش بغيت بسرعه؟؟
سعود: شوفى ترى ان ماكلبمتيني اقدر اروح لاخوك محمد وامك واقولهم انك تكلمينى، وان عندى شىء يخصك وبوريهم يعنى لاتقعدين تهددين وتقفلين الخط بوجهى ولاتعصبين((( كان بيموت من الضحك بس ماسك نفسه))) لانك لو سويتيها وربى وربى هذانى حلفت انى لافضحك يابنت الضاحى … وقفل السماعه وقعد يضحك
****** في الساعه 2 ونص رن جواله كان نايم ولكن استمر قام من النوم
سعود: من؟؟
منيره: السلام عليكم
سعود: هلا والله
منيره: اسمع يا .. مدرى وش اسمك شوف ترى انا مو راعيه شباب واكلمهم ودرى انت كيف ماخذ رقمى وارقام صديقاتى ، بس شوف انا والله بنت ناس محترمين وسمعتهم زينه ، فالله يخليك لاتسبب لى مشاكل معك انا في غنى عنها لانى مو ناقصه مشاكل خلقه انا مشكله
سعود: هيه لحظه منيره
منيره : خير
سعود: شوفى وربى انا بعد لاتحسبينى من ذولا الشباب كل يوم مع وحده ويضحك على الثانيه ، انا عندى احسن منكم يالبنات عندى امى الله يخليها وشوفى على سالفه الفضيحه انا عن نفسي كنت العب معك وهذى اخر مكالمه بس كنت ابى تعصبين،، وتبين تعرفين منو انا ؟؟
منيره: ايه من؟؟
سعود: انا اللى كنت ابى اساعدك يوم طاحت ملازمك
منيربه: آآيا قليل الادب اثاريه انت هين ان ماقلت لاخوى
سعود: ردينا … قفلت السماعه
***********************
جلست منيره على السرير وقعدت تفكر وقالت صح بما انى قفلت الخط بوجهه وعصبت عليه كان يقول انه بيفضحني والحين تراجع وطبعا حلف ولازم يصوم خلينى ارسل له مسج اقوله يصوم
ارسلبت مسج((( انت حلفت انك بتفضحنى بس ماسويتها يوم قفلت الخط فارجو انك تصوم علشان لاتاخذ ذنب)))
شافها سعود وقعد يضحك لانه كان يفكر بالموضوع هذا
ارسل(( من عيونى ابصوم و3 ايام هى صح؟؟)))
ارسلت(( ايه 3 ايام واذا تبى صوم اسبوع)))
ارسل(( ياعينى عليك تبين تموتينى اسبوع حرام عليك))
ارسلت(( اقول خلاص لاترسل انا وراى دوام باي))
ارسل (( تصبحين على الف خير))
********************************ب****
وبعد اسبوع اتصل محمد على سعود
محمد: السلام عليكم
سعود: هلا والله ، وعليكم السلام
محمد: كيف الحال؟؟
سعود: تمام ، انت وش اخبارك؟؟
محمد: الحمد لله ماشى الحال
سعود: هلا وش فيك متصل؟؟
محمد: ابد بس كنت ابى اناديك انا مسوي عزيمه وناديت الربع قلت انادي سعود هاه وش رايك؟؟
سعود: تم خلاص بس متى؟؟
محمد: الخميس الجاى انشاء الله
سعود: انشاء الله
***********************
يوم الخميس تجهز سعود وقال في نفسه انشاء الله القاها
سعود وصل لبيت الضاحى طق الجرس
ردت منيره: ادخل ترى مفتوح
دخل سعود المجلس وسلم على الجماعه وبعد ماتعشوا طلعوا نصهم
طبعا منيره واخواتها كلهم على الدرايش يشوفون المعازيم
وبعد مارحوا بقى سعود وواحد جات منيره تشوفهم شافت سعود وقالت ايه وربى هو !!!
وبعد ماطلعو راحت منيره وقالت لمحمد
منيره: محمد من اللى قعد اخر واحد معك انت وولد عمي
محمد:ليه تسألين وانتى لازم كل عزيمه مرابطه عند الدريشه
منيره: اقول اخلص وش اسمه
محمد: وش تبين منه ليكون عجبك؟؟
منيره: اعوذ بالله عجبنى مابقت الا هالاشكال تعجبنى
محمد:هذا ياطويله العمر سعود الفايز
منيره: اهاااا
****************
وبعد صلاه الفجر ارسلت مسج له تقول فيه ((( ترى مايخفى على شىء ياسعود الفايز)))
طالع سعود وقعد يضحك اكيد شافته اتصل عليها وردت
سعود: السلام ياللى مايخفى عليها شىء
منيره: ليش متصل؟؟
سعود:بس اقول لك السلام والا محرم
منيره: ايه محرم تقوله
سعود: هاه وش رايك فينى بالله مو حلوو انا؟؟
منيره: الا تخرع بسم الله علينا انت ماشفت القمر اللى بجنبك ولد عمي بسم الله عليه
سعود: ايه يصير خير احلى منى عارف انك معجبه فينى بس ماودك تقولين اقول يالله مع السلامه .. وصك التليفون
====
**** مر الشهر ومنيره تبى تكلم سعود بس مو قادره وماتبى تعلق روحها فيه
المهم يوم جا دوام سعود حب يقولها اتصل وبسرعه رفعت السماعه
سعود: الله كنتى تنتظرين مكالمه صح؟؟
منيره: ايه….من وحده بس ليش انت متصل ؟؟
سعود: اولا السلام عليكم وكيف الحال
منيره: وعليكم السلام ، تمام الحمد لله ، انت كيفك؟
سعود: بخير لما سمعت صوتك
منيره: ايه صحيح بخير،، هاه وش فيك متصل واوجز لانى ابى اكلم صديقتى
سعود:اجل خليها الشهر الجاى اقولك
منيره: لا تعال خلاص قول وش عندك؟؟
سعود: لا بس كنت ابى اقولك ترى انا الاسبوع اللى جاى خلاص بيبدا دوامى وابى تكون ذى اخر مكالمه من جد لان شغلى اهم واذا ماتعرفينه ترى انا بالبحريه ولانه انا فكرت بعد ولقيته حرام اللى اسويه
منيره: طيب وشو اخر مكالمه ليش؟؟
سعود: يؤيؤيؤ يعنى تبين تكلمينى هاااااه
منيره: لا انا ماقلت كذا ويكون افضل بعد صح حرام والشرهه على اللى عطاك وجه والا انت مو راعى …. اوووووف منك
****************
سعود رايح عند امه
سعود: يمه ماودك في احفاد؟؟
الام: هذولا هم عندى عبدالله وساره اولاد فاطمه
سعود: لا يمه قصدى ناس جداد اطفال توهم
الام: كيف ؟ مافهمت عليك؟؟
سعود: يؤيؤ كيف افهمك يمه .. اقول انا ابى اتزوج
الام: هذى الساعه المباركه وانا على ادور لك البنت الحال انا وفاطمه
سعود: لا يمه وشو تدورين الى الان مابعد لقيتى
الام: لا لازم شور اختك فاطمه
سعود: اوكى انا بروح اكلمها
ننتظرك تكملينها
وتقيدي بالقوانين الله يسعدك
ولك شكري
سعود: السلام عليكم
فاطمه: وعليكم السلام.. هلا سعود وش فيك متصل امى بخير
سعود: اي بخير وش فيك ؟؟
فاطمه: لا بس ليه متصل غريبه؟؟
سعود: لا بقولك شىء احم احم
فاطمه: هاه وش فيك
سعود: بتزوج
فاطمه: قول والله !!
سعود: والله ليش احد يمزح بهالكلام؟؟
فاطمه: لابس سلامتك وانا على ادورلك البنت
سعود: يؤيؤ نفس كلام امى
فاطمه: ليش وش فيه كلامي
سعود: بصراحه انا لقيت لى البنت اللى داخله مخى بس ابى تروحون تشوفونها
فاطمه: احلى من وين تعرفت عليها
سعود: ماتعرفت عليها هذى اخت صديقى
فاطمه: خلاص يصير خير انشاء الله
سعود: وشو يصير خير !! قولى متى بتروحون والا اقولك بكره ترى بنروح
فاطمه: طيب ليش مستعجل؟
سعود: لانى ياحلوه الاسبوع الجاى بالعمل
فاطمه: اى صح خلاص بكره مروا على ونروح لهم
سعود: طيب خلاص
**********************************
ويقفل السماعه ومازال يبى يكلم منيره اتصل
سعود: السلام
منيره: مو تقول ان هذيك اخر مكالمه ؟ليش متصل؟
سعود: لا ابد سلامتك بس كنت ابى اقولك انا فرحان بقوه لانى بكره بروح اخطب وحده من البنات احبها مووووت
منيره:وش دخلنى انا طيب؟؟
سعود: لا ابد بس انتى محد جاى خطبك؟؟
منيره: لو سمحت ممكن تنسى شىء اسمه منيره ورقمها
سعود: انا عن نفسي مااقدر والله ولايطاوعنى قلبى انى مااكلمك
منيره: لا خله يطاوعك ولاتكلم وقفلت السماعه وخلت الجوال مغلق
*************************************
في اليوم التالى جاء سعود وامه واخته لبيت الضاحى
محمد: يالله حى سعود
سعود: الله يحيك
محمد: وش عندك جاى ؟
سعود: ماعندى الا كل خير بس جاى اخطب
محمد: مبروك وطبعا وحده من خواتي؟
سعود: اجل ليش جاى انا واهلى عندكم بس نشوفكم
محمد: هاه من تبى تنقى؟؟
سعود: وشو من ابى مو اكبر وحده منيره
محمد: ايه بس وشلون عرفتها؟؟
سعود: لا لا بس انت قلت لى مره ماتذكر
محمد: اها
*******************************
بعد مرور ساعتين
سعود: محمد
محمد: هلا
سعود: ابى اشوفها
محمد: من هى
سعود: مين يعنى خطيبتى منيره
محمد: مسرع صارت خطيبتك يمكن البنت تبطل منك؟؟
سعود: فال الله ولافالك ياولد اللذين بالله ابى اشوفها النظره
محمد: انشاء الله بس لحظه اناديها
************************
وبعد 5 دقايق دخلت منيره وبيدها صحن عصير
وقعدت في اخر المجلس وبعد ثوانى قال محمد
محمد: لحظه بروح اشوف خطيبتى متصله على
سعود: الله معك وليتك تطول
محمد: خذ راحتك
سعود ومنيره في المجلس ولاحركه فجأه
سعود: ليش قاعده باخر المجلس تعالى هنا
منيره: مانى بجايه
سعود: يؤيؤ وش منتى جايه ليش فينى جرب والا مو عاجبك؟
منيره: لا مو عاجبنى
سعود: طيب اذا كنت مو عاجبك اجل ليه وافقتى على
منيره: غصب على
سعود: اقول يالله تعالى هنا بجنبى
منيره تهز راسها بالنهى
سعود: اجل خلاص انا جاى
قام سعود وقعد جنبها
سعود: السلام، وين تدرسين انتى
منيره: بالكليه وقسم تاريخ وسنه 3
سعود: انا سالتك وين مو باي قسم ولا سنه؟؟
منيره : علشان ماتتعب انت تسال؟؟
سعود: يؤ يعنى يهمك تعبى
منيره: اشرب العصير اقول
سعود: طيب ماابيه الا من يدينك ممكن
منيره تقوم وتاخذه وتعطيه ولما تعطيه يمسك يدينها
سعود: عاد تصدقين انى
بس قاطعه محمد وجا
محمد: الللللللله خبرى انك كنت هناك ياسعود وش جيبك هنا
سعود:تعرف انا مااشوف زين قلت اجى اشوفها
محمد: طيب خلاص النظر والا باقى
سعود: ياليت تروح تكلم خطيبتك بس
محمد ياشر على منيره لتطلع وطلعت
سعود: ليش ياااخى كذا ماابعد شفتها زين
محمد: الله انا ماقعدت مع خطيبتى كثرك انت ومنيره اقول قم بس قم اهلك يبون يروحون
سعود: نشوف وجهك على خير انشاء الله ويمكن بكره من يدرى
محمد: خلنى اشوفك الا بعد الزواج
سعود: وش دعوه يالله مع السلامه وسلم لى على منيره
محمد: يوصل
*************************************
سعود داخل غرفته والساعه 3 اتصل
سعود: هلا والله
منيره : هلا
سعود: كيف الحال
منيره: تمام وانت
سعود: انا من اليوم اسعد انشان تدرين ليش
منيره: لا ماابى ادرى
سعود: الا بقولك
منيره: قول بس انا بروح اوشوف دراستى
سعود: لانى شفتك وسمعت صوتك وصرتى خطيبتي
منيره:لا والله
سعود: شفتى انك سمعتينى ماتقدرين تروحين وانا اكلمك
وبعد ثوانى بدا سعود يسعل بقووه
سعود: حبيبتى انا بروح اخذ دوائى واتصل عليك بعد ثوانى انشاء الله
منيره: اوكى
*******************
مرت ساعه وساعتين ونص ومااتصل منيره قلبها يدق ليش مااتصل هو قال انه بعد ثوانى بيتصل بس قالت انشاء الله مايكون الا الخير وبعد ثوانى اتصلت منيره بس محد يرد واتصل واتصلت بس سعود ماارد قالت في نفسها الا صار له شىء وماناااامت
وفي الصباح الساعه 6 ونص اتصلت مرتين وبالمره الثالثه رد سعود
منيره: وين اللى بيتصل بعد شوى هااااااه؟؟
سعود:طيب اول شىء صباح الخير
منيره: صباح النور
سعود: لا ياحبيبتى بس والله من اخذت الدواء وانا مدرى وينى
منيره:اى اضحك على قول انك تكلم بنت ثانيه من وراى عادى وش فيها ماراح ازعل حتى انا اكلم شباب
سعود: طيب ليه تصارخين الحين
منيره: انا مااصارخ ولاشىء بس مااحب احد يلعب على ياسعود
سعود:الله مااحلى اسمى يوم قلتيه
منيره: يالله ليش مااتصلت امس؟
سعود: لهدرجه كنتي تبين تسمعين صوتي!!
منيره: لاوالله بس ليش تكذب على اجل؟؟
سعود: شوفى منيره ترى عمرى ماكذبت على احد ولاراح اكذب اوكى انا واحد تجيه حالات ربو ضيق تنفس ولازم اخذ دوائى واذا مااخذته ابموت فهمتى؟؟
منيره: ايه صح،، بسم الله عليك من الموت
سعود: اوكى انا بقفل لانى بروح مع اصدقائى تامرينى بشىء؟؟
منيره: لا مشكور وانتبه لنفسك لاتموت
سعود: اشوفك والا اقول اسمع صوتك على خير
منيره: سعود
سعود: هلا والله
منيره: لاخلاص بس اتصل اوكى
سعود: من عيونى
منيره: تسلم عيونك مع السلامه
**********************************
سعود مع اصدقائه
عبادى: مبروك الخطبه ياسعود وعقبالي
مساعد: وشو خطبت سعود!!
سعود: ايه ابشركم
احمد: عقبالى انشاء الله
سعود: انشاء الله
عبادى: هاه رحت شفتها
سعود: ليش انت كذا غبي؟؟ اكيد رحت شفتها اجل وشلون خطبتها وربى انا قاعد مع ناس مسطلين
مساعد: بالله كيف هى اوصفها
سعود: لا مانى واصفها
احمد: اجل وش اسمها
سعود: اسمها ممممم ،، منور طبعا هذا دلعها واسمها منيره
مساعد: ياشين ها الاسم
سعود: هو صدق مو حلو ولاهو مناسب مع اسمى بس البنت تحليه ياااخى
*************************************
سعودمنتظر في غرفه الانتظار يرن تليفونه
سعود: هلا منورى
منيره: السلام عليكم
سعود: وعليكم السلام
منيره: خبرى انى قلت لك اتصل فينى مو لااسمع صوتك ابد
سعود: انا اسف وحقك على بس الحين انا مااقدر اكلمك منيره
منيره: ليش؟؟
سعود: لانى بمكان ممنوع احد يكلم فيه
منيره: اها اكيد مع شله بنات وماتبى اكلمك اوكى انا اسفه ازعجتك
سعود: وش دراك!! انى مع بنات يالله اشوفك على خير حبيبتى بلحق على دورى
**************************************
قفلت منيره السماعه وهى منقهره
وعند وصوله الى البيت اتصل عليها وكان جوالها مشغول ويتصل ويتصل ولكن مشغول
وبعدساعتين اتصل وردت وهى تضحك
سعود: السلام
منيره: هلا سعود
سعود: وش فيك تضحكين؟؟
منيره:لا سلامتك
سعود: ليش الجوال مشغول ساعتين من كنتى تكلمين
منيره: صديقى كان يقولى نكت تفرقع ضحك
سعود: اها صديقك
منيره:هاه وش فيك متصل ؟؟
سعود: لا اصلا انا غلطان كنت ابى اتصل على بدور وحده عندكم بالكليه بس غلطت بالرقم
منيره: اجل روح اتصل عليها وانا بروح اتصل على صديقى
سعود: اوكى وماتبين تسالينى وين كنت؟؟
منيره: وين كنت؟؟
سعود: كنت ياحبى بالمستشفى
منيره: لا عاد سعود وين كنت؟؟
سعود: والله كنت بالمستشفى
منيره: ليه سلامتك
سعود: الله يسلمك بس كان عندى ضيق ورحت شفت نفسى
منيره:وش قالوا لك
سعود: وليش يهمك تعرفين وش قالوا لى؟؟
منيره: اذا ماتهمنى يهمنى من اسال؟؟
سعود: تسلمين لى يامنورى ولاشىء كالعاده كشفوا على وعطونى العلبه ذيك ورحت البيت
منيره: ماتشوف شر
سعود: الشر مايجيك
منيره: يالله سعود انا طالعه الحين مع السلامه
سعود: مع السلامه
*******************************************
وبعد يوم كان اليوم الاخير للاجازه اتصل عليها
سعود: السلام على من اخذت قلبى وروحى بعد
منيره: وعليكم السلام
سعود: كيف حال القمر اليوم؟؟
سعود: يسلم عليك .. انت كيفك؟؟
سعود:وربى بخير لما سمعت صوتك جعلنى ماانحرم منه
منيره: انشاء الله
سعود: هاه وش عندك قايمه الصباح؟؟
منيره: انتظرك تتصل
سعود: علينا ياحلوه
منيره: ايه
سعود: يالله انا ترى ابى اشوفك ضرورى
منيره: تعال البيت
سعود: لا ابى اخذك نطلع نتمشى والا حرام
منيره: لامو حرام من قال بس تعال اول استاذن من محمد
سعود: ماراح استاذن اقول تجهزى العصر انا جاى اوكى
منيره: اوكى
********************************
قفل السماعه وراح اتصل على محمد
سعود: السلام
محمد: وعليكم السلام.. ليش داق؟؟
سعود: ليش وش فيك؟؟؟
محمد: لا منتظر مكالمه من خطيبتى
سعود: اوكى انا بس بغيت اقولك ترى انا جاى اخذ منورى اليوم
محمد: من هى منورى هذى ؟؟
سعود: يعنى من منيره
محمد: وشو تجى اقول انثبر مكانك
سعود: لا والله حلال عليك تروح انت وخطيبتك وحرام على!!!
محمد: انتم صغار مراهقين خلكم بالبيت اخاف تضيعون هههههههههه
سعود: لا تكفى محمد ابجى واللى يخليك انشاء الله
محمد: خلاص خلاص يالله مع السلامه تعال العصر وخذها
سعود: مشكوور والله …. و_توه ماكمل الا وقفل بوجه
********************************
راح سعود واتصل على منيره
سعود: هلا عمرى
منيره: هلا وش فيك تسرع كان احد يركض وراك
سعود: لا خلاص اخوك وافق والعصر بنروح اوكى
منيره: اوكى..
وفي العصر سعود واقف بسيارته قدام البيت ركبت منيره
منيره: السلام عليكم
سعود: هلا والله توها نورت السياره
منيره: اكيد يوم فتحت الباب نور الشمس
سعود يضحك: ادخلى بسرعه
****جلسوا في السياره لاكلام ولاشىء وبعد اذان العشاء
سعود: هاه وش تبين اى مطعم نروح له؟
منيره: على كيفك؟؟
سعود: قال لى محمد انك راعيه مطاعم
منيره: اى صحيح من وين اعرف المطاعم
سعود: خلاص ندخل مطعم انا ادخله دايم انا وربعى
منيره: بكيفك
سعود: اكيد بكيفى اجل بكيفك ابى اشوفك لى فتره من يوم الخطوبه وانا ماشفتك
====
دخلوا المطعم
سعود: بروح الحمام الله يعزك واجى ادخلى هنا
منيره: اوكى لاتتاخر
******* وبعد فتره دخل سعود
سعود: الله وش هالحلاه وش هالجمال ياشيخ
منيره: لا والله صحيح
سعود: لا من جد انتى منيره اللى اعرفها !! اخاف معطينى اختك وانا ماادرى
منيره: لا منيره الضاحى
سعود: والنعم والله
****************************
سعود: نسيت اقولك تراه هذا اخر يوم لى هنا من غير شر
منيره: ليه وين بتروح؟؟
سعود: لا بروح الجبيل علشان البحريه
منيره: طيب ماراح تجى ابدااا
سعود:انشاء الله اذا كنت فاضى اجى اشوف اهلى واختى وربعى
منيره: وانا مو في القائمه
سعود: انتى اهلى ، وناسى ، وربعى بعد
منيره: طيب يعنى هذا اخر لقاء بيننا
سعود: لا انشاء الله انا قلت بحاول افضى نفسي واجى اشوفك
منيره: اوكى ولاتطول
سعود: ودى اقولك شىء بس مستحى
منيره: اول مره اشوف رجال يستحى!!!
سعود: اكيد اجل انتم يالبنات تستحوون
منيره:هاه وش بغيت تقول
سعود: بس سؤال واحد اوكى وابى تجاوبينى؟؟
منيره: اذا قدرت اجاوب بجاوب
سعود: انتى تحبينى مثل ماانا احبك؟؟
منيره ساكته
سعود:هاه وش جوابك يالله قبل لاتنزلين
منيره: مع السلامه ياسعود اشوفك على خير انشاء الله
سعود: طيب جاوبينى تحبينى والا انتى مغصوبه على
منيره تفتح الباب وتقول: انتبه لنفسك
سعود: يعنى ماراح تجاوبينى خلاص انا زعلان مانى مكلمك
منيره: يمكن اجاوبك اليوم انتظر
وفي الساعه 4 فجرا كان سعود يجهز اغراضه علشان بيروح الجبيل وفجأه جاته رساله
راح وقرائها كانت من منيره
(( اهلين سعود ابيك تمرنى قبل لاتروح عندى لك شىء لاتنسى انتظرك))
رد عليها
((( انا بمر عليك بس اطلعى بسرعه لانى بكون مستعجل تونى صاحى)))
وفي الساعه 4 ونص جاء سعود اما البيت
منيره: صباح الخير
سعود: صباح النور هاه وش بغيتى تراك رجيتينى
منيره: مافيه شىء بس لاترفع صوتك علشان اهلى لايسمعونك .. تعال المجلس
سعود: دخلنا المجلس وش فيك؟؟
منيره: لا ولاشىء بس حبيت اشوفك قبل لاتروح
سعود: الله يامنيره جايبتنى علشان تقولين لى بس حبيتي تشوفينى
منيره: ايه وعلشان تسمع جوابى
سعود: اى جواب؟؟!!
منيره: على سؤالك اللى امس
سعود: اها هاه وشو ردك
منيره: اكيد ايه
سعود: اكيد ايه … ايش كملى ابى اسمعها منك
منيره: احبك
سعود: الــــــــــــله لا يحرمنى منك قولى امين
منيره: امين ولايحرمنى منك
سعود: يالله منورى انا والله مضطر اروح اشوفك قريب والا اسمع صوتك انشاء الله
منيره(( ودموعها تنزل)): انشاء الله ياسعود
سعود: ياحبى لاتقعدين تبكين ترى رايح وراجع بسرعه
منيره: انشاء الله
سعود: ممكن اسوى لك شىء بسرعه؟!!
منيره: هاه وش تبى تسوي؟؟
اقترب منها سعود وسلم على جبينها
سعود: يالله مع السلامه
منيره: انتبه لنفسك ودواك ياسعود لاتنساه
سعود: من عيونى
***************************************
مرت الايام وسعود يكلم منيره كل ماجاته فرصه
سعود:السلام
منيره: هلا حبيبى اشتقت لك كثييييير
سعود: تشتاق لك العافيه وش فيه صوتك متغير انتى تعبانه؟؟
منيره: لا ابد
سعود: الا والله فيك شىء
منيره:لا بس حاسه بضيق وصداع
سعود: طيب ليش ماتروحين المستشفى محمد مو هنا
منيره: الا موجود بس خلاص بتزول انشاء الله
سعود: لا ماراح تزول الا اذا رحتى المستشفى
منيره: اوقلك بس صداع بيخف الحين
سعود: من متى؟؟
منيره: من اسبوع
سعود: منيره تراها مده طويله امنتك بالله روحى المستشفى اليوم
منيره: من عيونى
سعود: تسلم لى عيونك ياقمر …. يالله انا بروح الحين لانهم ينادونى وبتصل عليك بكره اشوف وش صار لك اوكى
منيره: مع الف سلامه_
سعود: لاتنسين اللى قلت لك اياه
منيره: اوكى
*************************************
وبالفعل راحت منيره المستشفى وكشفوا عليها وقالوا ان النتايج بكره بتطلع
وفي الصباح راحت منيره مع السواق
منيره: السلام
الدكتور: وعليكم السلام . اجلسى يامنيره
منيره: لا ودى اروح انا مستعجله يادكتور
الدكتور: طيب اجلسى علشان اشرح لك وش فيك
منيره: طيب جلسنا وش فينا؟؟
الدكتور : يامنيره احنا لما جتنا النتايج شفنا..
منيره: قول وش فينى يادكتور لاتقدم
الدكتور:منيره انتى فيك سرطان وانا اسف
منيره: لاتمزح معى انا بخير وشو سرطانه
الدكتور: منيره هذا قضاء وقدر وانشاء الله يصير كل شىء بخير
*******************
منيره تطلع من المستشفى وتدخل غرفتها ولااحد يدرى بالموضوع ماكانت تبى يعرف اهلها هذا الشىء وتزيد مشاكلهم ومحمد خلاص مقبل على الزواج ولكن ماقدرت تخبى على سعود
** مر اسبوع كامل وسعود يحاول يكلمها ولكنها تعتذر وتقول قولوله انى مو موجوده او طالعه
يتصل على الجوال مغلق
مر شهر كامل وزادت حاله منيره وقررت تكلمه
منيره: السلام عليكم
سعود: هلا منورى وينك ماتكلمينى اشتقتلك وااااااجد
منيره: تشتاق لك العافيه سعود
سعود: وين كنتى الجوال مغلق واهلك يصرفونى
منيره: كنت تعبانه
سعود: شهر تعبانه والا تتغلين علينا … ترى احبك وماراح تقدرين تصبرين على
** وفجأءه سكتت منيره
سعود: منورى حبيبتى انتى معى
منيره( وهى تبكى): سعود ابيك الحين عندى
سعود(يضحك): وش فيك لهدرجه وحشتك طيب علشان خاطرى لاتبكين
منيره: سعود وربى محتاجتلك تعال اليوم
سعود: منيره انا مااقدر اجى الحين من اللى بيخلينى اجى
منيره: يااخى تعال وبلاش اعذار ابيك اليوم ضرورى
سعود: شوفى منورى قولى لى وش فيك طيب
منيره: هذا الشىء ماينقال بالتليفون
سعود: طيب اهلك بخير ؟؟ اهلى بخير؟؟ الجميع بخير
منيره: اى كلهم بخير
سعود: وانتى؟؟
منيره: لا مانى بخير يالله سعود تكفى تعال مانى قادره انام
سعود: شوفى انشاء الله هذا الاربعاء انا جى اوكى
منيره: اوكى
**************************************
قفل السماعه وكان باله مشغول منيره ياهى مشتاقه لى ياهى مريضه
مر الاسبوع وجاء يوم الاربعاء واستاذن ليومين ضرورين
سعوداتصل على منيره وقال انه بيجى ياخذها ويطلع معها بالسياره
سعود: هاه وش فيك بسرعه وربى قلبى يدق
منيره: لالاول خلنا نروح بيتكم
سعود: بس مافيه احد امى راحت عند فاطمه
منيره: معليه ابى اروح هناك
سعود: بس بسرعه تقولى لى اوكى
منيره: طيب
وصولا الى البيت ودخلت منيره وسعود المجلس
سعود:اجلسي اليما اجيب لنا عصير
منيره: لا ماله داعى تجيب اجلس هنا
سعود: هاه جلسنا يامنور
منيره: انا ياسعود مريضه
سعود: يضحك كلنا مرضان ماتشوفينى مريض بالربو وفاطمه توها تقول عظامها تعورها
والتفت وشاف منيره تبكى
سعود: منيره حبيبتى وش فيك تبكين
**مسح دموعها بيده
ومسكت يده وقال
منيره: ياسعود انا مانى حبيبتك ولانى باقيه لك ياسعود
سعود: وش ذا الكلام يامنيره تعرفتى على احد غيرى؟؟
منيره: ياليت ياسعود
سعود: اجل وش فيك
منيره: انا مريضه بالسرطان
سعود: لا منيره من جد وش سرطان لاتتفاولين على نفسك
منيره: اى ياسعود انا فينى ورم بالراس
سعود: لا مو معقوله يامنيره
منيره(تبكى بقوه): الا ياسعود وعندى المفات الطبيه اذا تبى
سعود: طيب عادى ابوديك امريكا تتعالجين
منيره: لا ياسعود خلاص مافيه علاج لحالتى
سعود: منيره لاتعقدين الموضوع كل داء وله دواء
منيره: الا انا ياسعود مالى علاج
سعود: ياحبيبتى لاتقولين هالكلام
منيره: بطلبك طلب وابيك تسويه ياسعود وانشاء الله اخر طلب لى بالدنيا
سعود: لا يامنيره انشاء الله تغرقينى بطلباتك ويالله اطلبى
منيره: ابيك تنسانى ابى تفسخ الخطوبه ابى تنسى شىء اسمه منيره الضاحى
سعود: عذرا يامنيره لا الا هذا الشىء تبين تقضين على بطلبك هذا .. هذى حياتى كيف انساك شوفى لو تنسينى انتى اناا مانى ناسيك ولاتكررين سالفه فسخ الخطوبه لانها مو نافعه معى اوكى
منيره( تجلس على ركبتها): انا طلبتك ياسعود لاتردنى وان قالوا ليش فسختو الخطوبه انا راح اقولهم انا ماارتحت له
سعود( يمسكها ويقومها):ياحبى ياكلى انا اخذتك مو علشان اذا مرضتى اقطك ولانى من ذولا الناس ابدا انا مااخذتك الا علشان اهتم فيك
منيره: ياسعود شكلك انت ماتعرف السرطان
سعود: الا اعرفه وعارف ان له علاج وان كثير من الناس تعالجوا
*قاطعته منيره
منيره: ولكنهم ماتو بعد العلاج ( بكت)
احتضنها سعود
سعود: منيره خلى ايميانك بالله قوى وكل شىء بيصير زين
منيره: ياليت ياسعود
وبعد نص ساعه
منيره: يالله خلنا نروح
سعود: وين
منيره: بيتنا ابى ارتاح
سعود: خلاص يالله بكره ابجى اخذك ونتشمى قبل لااروح الجبيل
منيره: لاياسعود لاتجى بكره عندنا عزيمه وبروح لها
سعود: اهم منى؟؟
منيره: سعود لاتقارن نفسك بعزيمه انت اهم شىء بحياتى
سعود: يالله يالله على بالى انا صفر بالشمال
**ابتسمت منيره
سعود: الله لايحرمنى من هالابتسامه يارب
*********
في اليوم التالى اتصل سعود على منيره
سعود: هلا والله
منيره: هلا فيك
سعود: كيفك اليوم انشاء الله احسن
منيره: دامنى سمعت صوتك وشفتك امس اكيد بخير
سعود: انشاء الله بخير بوجودى او من دونه
منيره: انت كيفك؟
سعود: الحمد لله
منيره: وش عندك متصل؟؟
سعود: ولاشىء والا…. قاطعته منيره
منيره: لاماهو حرام بس انا مشغوله قاعده ارتب نفسي بروح العزيمه
سعود: (يضحك) خلاص بجيكم الحين
منيره: وين؟
سعود:ابى اشوف القمر في زينته
منيره:طيب اطلع برى وشوفه
سعود: ياليت بس لو اطلع واشوفه بس مااقدر
منيره: يالله بس بروح الحين
سعود: يعنى اجى؟؟
منيره: لاتجى اخاف عليك من تشوفنى يصير فيك شىء؟؟
سعود: اصلا انا من شفتك وجانى منك مس
منيره(تضحك): ياالله ياحلو انا والله لازم اطلع والا ماتبينى اروح العزيمه
سعود: ودى والله ماتروحين تدرين ليش؟؟
منيره: ليش؟؟
سعود: علشان اجى واخذك واحضتك مثل امس
منيره: وانت ماعلقت في ذهنك الا هذى اللحظه
سعود: واحلى لحظه كانت ودى تطول بس خفت على ثوبى انه يتوصخ من مكياجك
منيره: طيب يالله بروح وبقفل الجوال ورح نام بكره بتروح الجبيل
سعود: يالله مع السلامه ولو انى ماودى اقفل بس يالله
***********
مرت الايام ومرت الشهرين ومنيره تزادا وعلمت اسرتها بالمرض
كان سعود يتصل تكلمه عادى كأن مافيها شىء بس من اسبوع ماكلمته قالوا اهلها انها راحت جده عند بنات عمتها
ومرت ٣ شهور واخذ سعود اجازه كان متلهف انه يشوف حبيبته منيره كان يقول في نفسه بيطلعها الحين ونروح مكان ونروح … ونروح.. وراح اجيب لها الخاتم اللى طلبتنى اياه
دخل بيتهم وشاف امه وفاطمه
سعود: السلام عليكم
الام: وعليكم السلام
سعود: هاه وش الاخبار وجلس يضحك معهم ساعتي وبعدها قال يالله انا مستعجل
الام: وين بتروح بدري؟
سعود: ابروح اشوف منيره
فاطمه (تبكى)
سعود: وش فيك تبكين
يلتفت يشوف امه تبكى
سعود: يؤؤ وش فيكم تبكون صار شىء
الامبدون شعور)
منيره ماتت ياسعود
سعود (يضحك):اكيد هى قالت لكم كذا يالله انا رايح لها
فاطمه: لا ياسعود من جد تراها البنت ميته من اسبوع
سعود: وش ذا الكحى اقول انا مكلمها قبل ايام تقولين لى ماتت
(الدموع في عينه) لا وشو ماتت اقول انا بروح واقولها عن المزحه الثقيله
الام تمسك ولدها:يمه اجلس وانااقولك كل السالفه
سعود: لا مو صحيح وخرو بس ادرى انكم ماتبونى اتزوجها ولاهى عاجبتكم اصلا انتم من الاول ماتبونى اصير كذا
الام: ترحم عليها ياسعود
سعود: وشو اترحم عليها والبنت عايشه الى الان وبروح معها الحين نتمشى ونتزوج بعد كم يوم
************
راح سعود الى بيتهم وعلم بالموضوع
سعود: لا.. لا.. لاتقولون اصلا هى قالت لى انها بتستننانى كيف تقولن ماتت بالله هذا شىء يدخل العقل؟؟
محمد: سعود البنت بقبرها وانت مو مصدق وهذى الورقه منها
***************************
اخذ سعود الورقه وراح البيت وجلس بغرفته وقراها
(( حبيبى سعود:
عشت معك اجمل واروع مراحل حياتى كان نفسى ماتروح عنى ابدا ، بس المرض ماامهلنى شىء بس
اشكر ربى انى حبيت مثلك من انسان.. سعود اتمنى انك تنسانى وتعيش حياتك مع وحده غيرى
احسن واجمل منى .. سعود انا جالسه اكتب واحس ان روحى تطلع.. اتمنى انك تكون معى الحين
وتضمنى مثل ذيك المره قبل لايضمنى التراب .. سعود انا بحبك الحين وبكره وليما اموت
وانا احبك .. وانشاء الله يجمعنا ربى في جناته واشوفك
حبيبتك منيره))
اقوول متى تبي تنزل قصة سلطان وريما ؟؟؟؟
يعطيك العافيه