¤¤¤¤¤¤¤¤
بغداد كثر حزنچ كسر امآلي
وخلهة بالگاع اوراق مطروحة
¤¤¤¤¤¤¤¤
دمعة عيونچ گامت تنزل عالگلب
بلهفة وحرارة الم تفتح جروحة
¤¤¤¤¤¤¤¤
وگامت تقسم الجروح بية نصين
نص لهاذة الگلب والثاني لروحة
¤¤¤¤¤¤¤¤
من يخفي الگلب حزنة والآمة
تصرخ الروح بعالي الصوت وتبوحة
¤¤¤¤¤¤¤¤
چنتي انتي تهدين للزهرة عطرها
وعلى نسمة هواچ الصافي هي تفوحة
¤¤¤¤¤¤¤¤
هسة گام دولاب الزمن يعاكسچ
وكل باب بوجهچ يسدهة لو مفتوحة
¤¤¤¤¤¤¤¤
اتنگع هسة ثوبچ بدموع عينچ
انتي سكتي وحزنچ ثيابچ تنوحة
¤¤¤¤¤¤¤¤
ماي دجلة گد ما شبع دم
عذوبتة نساهة وانملى ملووحة
¤¤¤¤¤¤¤¤
ناسچ وطيورچ اتغربت يا بغداد
وين تلگة مثلچ مكان تروحة
¤¤¤¤¤¤¤¤
وانتي شعبچ ما سكت بالثمانين والتسعين لحظات
شنهو التغير بالعدو ما يگدر يلوحة
¤¤¤¤¤¤¤¤
چانت رايتة تعلى بكل المعارك
ليش اصبحت هسة رايتة مذبوحة
¤¤¤¤¤¤¤¤
حكامچ الانذال هم الي طيحوچ
عافوچ والتهوا بالبوگ وصعدوا المرجوحة
¤¤¤¤¤¤¤¤
لا تبچين مو قصدي العتب وياچ
العتب ب الي نسة همومچ والتهة بروحة————————————–
ويعطيك الف عافيه..
كم اتمنى ان اكتب معلقه للعراق الحبيب
لله عليك يابنت ابلادي بنت الحضارات بنت الرافدين
جمال لايوصف في حروف مبدعه تلك هي منك يامبدع الحرف
تعزف على وتيرة الشجن الذي سكن قمة بغداد حبيبتي وجريحتي
فشكرااااا يامبدع ورائع المدونة بريشتك واحاسيسك
تقبلي مني المرور
اميرالحب