كفايه ما كتبته من وهم عمري على الجدران
وصار الجرح الاول فالحياة يشبه الثاني
خسارة كل غيمة فالسما تروي العطشان
خسارة يالغيوم الصفر وش جبتي على شاني
انا من يوم ميلادي انا عارف انا الخسران
ولكن حكمة الله في الحياة ارضى بما جاني
انا الي جيت للدنيا كذا ما جيتها ولهان
لقيت اني على جمر السنين الحمر وحداني
انا والهم والوحدة على طول السنين اخوان
على الحلوه على المره على صوتي على الحاني
انا جرحي حفظته في دروج السر والكتمان
وفجر داخلي عالم يحاول يقطع لساني
انا اللي كان صدري للخيول الجامحة ميدان
انا اللي طيبتي كانت شعور للهمس وجداني
انا اللي كنت غافل لين جتني طعنة الشريان
نزفت العمر كله لين ضاعت قوة ايماني
ترى طعنة قريبك لو وصلت ياشينها بركان
وانا اللي طاح صدري في يدي وانهزت اغصاني
تغير كل شئ سرمدي وانعدمت الالوان
وصار اللون الاسود من هنا اسمي وعنواني
انا المجرم وانا اللي ما قتلت داخلي انسان
قتلت الحب والطيبه بعد ما شفت النقصاني
اناالحاكم واناالظالم وانا عالم من الحرمان
ومن يدخل محيط الحزن يشير بي ويلقاني
انا اللي خافقي مسجون واحساسي هو السجان
وضاع العمر مني وما قدرت اقبض على الجاني
انا عالم غريب وعالمي ما يسكن النسيان
عجزت انسى جروحي والزمن يسعى لنسياني
كفايه ما كتبته من وهم عمري على الجدران
كتبت اخر قصيدة من دمي في صدر حرماني
منقوووول
كما اتمنى مراجعة قوانين الشعر
مع التحيه
كلمات بغاية الروعة
مشكووووووووووووور
تقبل مروري
وانا اللي طاح صدري في يدي وانهزت اغصاني
روووووووووووووووووعه وجنان يسلموووو