سوه فورمات للحاسبة وعرف الديلنك ****نوبة النت يمه ضعيف ونوبة طيارة
فتح ماسنجره وتلقى التهاني ****واحبك موتخلاها العبارة
دخل جات ومدونة ولطش على بنية ****بت محافظته العزيزة وربع ساعة بالسيارة
برسالة خاصة لو بالخاص كام يدك ناعم ****واجيبك للدرب هذا شعاره
البنية ادوهنت وكالت هذا خوش وليد ****ولزك من الصبح لليل وهي محتارة
وكالعادة ممكن نتعرف انه من محافظتج **** كالت اي ممكن. نشنش الولد وطكله جكارة
كاللهه انه طالب وسيارتي بيجو 2024 **** وبيتي دبل فاليوم عبالك عمارة
عجبني اسلوبج بالحواروشخصيتج الفذة **** واسمج بعد احلى كله حب وشطارة
وماطولهاعليكم صارت ميانة **** وحبهم المايكروسوفت وصلت اخباره
يكلهه احبج وحبج ما ينوصف وصفا ****وهي تكله اسكت من شوفتك ***ي يفتح ازراره
كاللهه شنو نقالج اسيا لو عراقنا لواثير****حتى واحد يتصل بالاخر ونقوي العلاقة
خطية البنية على نياتهه وتعلقت بي **** وصارت مكابله الحاسبة وتلزم خفارة
هسه يدخل بعد شوي يدخل وهو ماكو****تتصل بي يسد التلفون وشغل الحقارة
ذاك اليوم دخل وكالتله شنو نهايتنه **** ويمته تخطبني ونزوج ونعلكها بالحارة
كاللهه سكتي انه مدمر وحالي بالضيم **** كالت شبيك مريض سويلك جارة
كاللهه لا حبي مو شغلت مرض كالت ****شنو. كال ابوي جبرني ازوج بت عمي سارة.