يامليون هلا ومليون وخمسميت مرحبا على عيون كل بنات حواء
جيبالكم طريقة مهلبية انما ايه
النهارده بقى جايبالكم حاجه بجد مفيش اسهل من كده يعنى محدش يتحجج ويقول عاوزه اعمل حاجه حلوه ومكسله
مهلبيه البرتقال روووعه طعمها اكتر من رائع وبيحبها الاطفال جدااااااا
مقاديرها بكل بساطه لتر عصير برتقال<<استخدمت تروبيكانا
وكوب الا ربع سكر <<اتحكمى انتى فى الحلاوه بتاعتها
وربع كوب ماء مضاف اليه 5-6 ملاعق كبيره نشاء
بس كده …هاه فيه اسهل من كده؟
اولا حطى العصير فى الحله على النار وعليه السكر وقلبى كويس
بمجرد ماتغلى ضيفى النشاء على طول وقلبى كويس هتلاحظى ان قوامها بقى اغلظ
بس كده حطيها بقى فى الاطباق او الكاسات وزينيها زى مانتى عاوزه مكسرات او جوز هند او زبيب وطبعا بتكون روووعه وهى على وشها بوله ايس كريم
اتمنى يكون الطبق السهل عجبكم
يعطيكي الف عافية
نقله الى القسم المناسب
طريقه سهله وفيها تغيير
يعطيك الف عافيه يارب
في انتظارك ياعسل .
بأنتظارجديدك00
