.
&
.
بسم الله الرحمن الرحيم
السلام عليكم روحمة الله وبركاته
الى الكل من الاحبه .. هنا في
عبير المحبة والشعر . . والبساتين
أهدي أول تواصل للحب والشوق
مع قلوبكم .. اهدي الى الكل
عبير حزني .. شكرا
.
.
تسكن عيوني بس ماطالك الشوف
ولا طالك بلمحه كثير التلفات
صدري بوسع الكون ويضيق بالخوف
كانه زهمك العمر .. عود بهيهات
وين انت ؟.. اغمض وافتح الرمش بنكوف
أحد سرق من عيني الفرح بسكات
قال السهر: وجه الطفل فيك مخطوف
قلت : احتري .. قال المسا : صبحنا مات
حسبتها ليله مسير انها تطوف
لا طلت صبر ولا قصرت المسافات
ياللي تظن الصد ليلين ويروف
أمضيت عام ولا لجرحك مدارات
مدري اعيش العمر بالحلم مكلوف
والا رميت لساحل الياس مرساة
حلو النصيب اخطاك وضلوعي تشوف
وعيت تصيبه لو رميته بهقوات
هذي يدي تقوى على كل مخلوف
لكن بلاي القلب مابه مروات
اللي فقير مثلي اكثره متلوف
هم الرغيف اولى من الحب لافات
مااخترت جرحك ياالغلا .. عنك مصروف
لكن صدفتك تلطم الصدر مرات
وانا اعبر الدنيا من ظروف لظروف
ذقت الفرح سكرات والحزن سكرات
إنسان عادي مالقى هم وحسوف
وماشال احد همه .. متى ماتعب بات
إنسان .. كان اجمل عذابه غلا " نوف "
والحين حي يمدي ان اكثره .. مات !!
.
.
لكم الود
.
&
.
.
.