روآية رآئعة للمبدعة لمسة برآءة
بسم الله الرحمن الرحيم
مقتطفآآت..~
صرخت بدآخلها: مستحيييييل…مامات من الحريق..انا جفته بعيني وهو مقتوول..!! "
كانت تبكي بحرقة والم وحسرة وضعف..وهو بلا رحمة ممسك بشعرها ويشده نحوه بقوة ..وهي تحآول جاهدة ان تتخلص منه وتنقذ ما تبقى من بقآيا شعرها الكستنآئي..
أرخت بصرها للأرض ورأت خصلات شعرها المتناثرة عند قدميها..وصوت المقص الكريه لازال مستمر..!
قالت برجاء وضعف: خلاص ..بس..بـــس ..ليش تسوي فيني جذي..؟!
ولكن رجآئها لم يحرك فيه ساكنا..قآومت كثيرا لكنه اقوى منها ..حآولت الصمود أمام جبروته..لكنها لا تجرأ..!
تنهد برآحه: رفعي رآسج اجوف..
لكنها لم تنفذ رغبته..بل زااد صوت نحييبها..
صرخ عليها بصوته المرعب: أقوووولج رفعي راسج ولا ابي اسمع صووتج ..
توقفت عن البكاء ولم يسمع الا صوت شهقاتها التي لم تستطع إخفائها..رفعت رأسها ببطىء ..لكن عينيها بقيت معلقة في الارض..
…..: حلوووو..يلا ذلفي حجرتج ياا بنت ******
لم تكن لديها الشجاعه بان تتحسس راسها او تنظر الى المرآة لترى ما تبقى من بقايا شعرها..كانت خاائفه من ان تنصدم بواقعها المرير..
جلست في زاوية غرفتها الكئيبة او بالأحرى مستودعها !! فهذه لا يمكن ان تسمى بـ غرفه..كانت قذرة بكل معنى الكلمة ..الارض خشنه وصلبة..النافذة لا يتسللها ضوء اشعه الشمس بسبب الجدار الذي يمنعها من التسلل..والفئران المختبئة في الشقق الصغيرة والحشرات الواقفه على الجدران..كل هذا مثير لتقزز والخوف..
تمنت لو انها ماتت في حادث السير ذاك الذي توفي فيه ابويها وإخوتها..واحترقت معهم..ولا تكون تحت رحمة هذا الشخص الذي تشك ان لديه قلب انسآن!!
.
بعد مدة ..استيقظت..ووجدت نفسها نائمة على وضعيتها السابقة..نهضت وتجوهت الى الحمام..
صدمة!!!
نظرت الى المرآة المكسورة..بعيون مفجوعه..صدمت من شكلها الذي اصبح شكل " صبي"..!!!!
رفعت يدها ببطىء وتحسست شعرها كان لديها امل بان تكون الصورة التي في المرآه ليست صورتها..!
لكن الامل تلاشى..
نزلت دموعها بصمت ..خرجت من الحمام وجلست في زاويتها المفضلة..لتشكي اليها هموومها..!!
…: لاااا!! انت شكلك تخبلت..
…: لا ما تخبلت ولا شي..وخلاااص..اللي فراسي بسويه..
….: إبراهيم لا تتهوور..تراا الساالفه مب هينه..مثل ما انت شايفنها..
إبراهيم: سلطان لا تحااول فيني..انا تقريبا خلاص نفذت نص اللي فراسي..بس باقي شويه..
سلطان : انزين ما حصلت اي معلومات عنها او عن اهلها..؟
ابراهيم: اللي اعرفه ان اهلها ماتوو في الحادث وهي الوحيدة اللي نجت بس دشت ف غيبوبة لمدة شهرين بس ع كلام المستشفى انه محد زارها..وماحصلو لها اهل عسب يتواصلون ويااهم..
وقدرت اظهرها من المستشفى على انه انا اللي برعاها..وطلعت لها اوراق مزوورة..
سلطان بتفكير : بس لو تخليها رقاصه ولا مغنية..مو احسن..؟
ابراهيم: لالالا..كذي عادي اي حد يعرفها..جيرانها ولا ربيعاتها..
سلطان:افف منك تراك فريت راسي..مو تووك تقولي محد بيعرفها.؟
ابراهيم وقف: الحينة بتجووف وانت احكم..
سلطان وقف وهو منصدم: لاا..مستحييل..هي نفسها هذيك البنت.!!!!!
ضحك ابراهيم وبان ضرسه الذهبي: هاا..؟ شراايك..؟ تنفع ولا لا.؟
ابتسم ابراهيم بخبث: ما عليك..تطمن..انا بأهلها..(صرخ عليها) يلا ذلفي..
لم تدري كيف وصلت الى مستودعها ..كانت ترتجف من شدة الخوف..وساقيها للم تعدان قادرتان على حملها..جلست على الارض بقوة..وهي تحاول ان تهدىء قلبها الذي ينبض بقووة..!
سلطان: خخخخ..يعني الشباب برووحهم ضعيفين..هالبنت الضعيفة بتكون احسن عنهم..!!
ابراهيم: ماعليك..هالبنت انا بشرف عليها بنفسي..
سلطان بتفكير: بعد اللي انا جفته..والله انك قدها وبتسوي اللي براسك..
وجلجل الاثنان بالضحك..!
لمسة برآءة ~>
يعطيك العافيه يالغلا
متابعه لك واصلي
متتتتتتابعه بليز لالاتأخرين عليناا
باين عليها انها حماااااس
يعطيك العافيه يالغلا
متابعه لك واصلي
تسلمي لي غلآتي
ومبرووووك الترقية
متابعتك شرف لي
متتتتتتابعه بليز لالاتأخرين عليناا
باين عليها انها حماااااس
حيآآآك يآحلوة
وإن شآءالله مآبتأخر عليكم
والقصة كلهآآآ أكشششششششششن
~| الهمسة الثانية |~
وصيحآتهم تتعالى " شهرزآد" أو الملقبة بـ " حورية الغنآء"
تغني بصوتها الذي يشبه صوت العندليب ..ووجهها الطفولي الجميل وجسمها المتناسق الذي يتمنى كل المراهقات ان يصبحن مثله.!!
نعم…فهذه هي شهرزآد .. حورية الغنآء..!!
استمر الحفل الغنآئي الرآقص حتى سآعات متاخرة من الليل..وبعدها ذهب البعض الى منازلهم..وبعضهم يكآد ان يطير من السعادة بمجر حصوله على توقيع "حورية الغناء"..او لمجرد مصآفحته لها..!!
فتح الباب ..ودخل منه رجل في الثلاثين من عمره..
..: يلااا ..شوو تترييين حضرتج..؟ يلااا جدامي ع السيارة..
شهرزاد بصوت خافت: اووك..
شهرزاد بداخلها " افففف لوعتوا بجبدي..سير ذلفوا عن ويهي.."
همس لها وهو يصر على اسنانه: ابتسمي يال ******
ابتسمت شهرزاد بسرعه..لكنها كانت ابتسامة خوف..
ركبت السيارة وركب هو ايضا..
اسماعيل تكلم: ادائج اليوم ماشي حاله..بس حصلت ورآآه بيزاات..المرة الياية ابي احسن من جذي..ويوم يخلص الحقل مافي داعي تمدين بوزج شبرين..!! ترا حركاتج مقيدة..والصحفيين ع كل حركة تسوينها..! لو صاار وفضحتينا باي حركة ..بتندمين..!
شهرزاد بصوت خافت ومرتجف بشخصية مناقضة عن التي كانت واقفة ع المسرح تغني بصوتها الواثق :ان..ان شاءالله..
دخلا الى القصر..ذهبت شهرزاد الى قسمها الخاص..وقد كان فخم وراقي للغاية..يليق بفنآنة مشهورة..!
بعدما قامت بتبديل ملابسها..وارتدت بيجامة مريحه..استلقت على سريرها وهي منهكة..!
ترقرقت من عينيها الدموع..وتخطت خدها الصافي بألم وحرقة..!
يحسدها الجميع على ما نالت من شهرة ومال..! لكنها ليست سعيدة بما وصلت اليه..!!
بل تشعر بحرقة داخلها والم مع كل كلمة تلفظها ورقصة تقوم بها..!
وهي تعصي خالقها من فوق سبع سمآوات..؟!!!
لكن كل ماتفعله ليس بإرادتها..بل بالرغم عنها..,,,انتظروا..فلست انا من سيروي حكايتها ..سادع شهرزاد هي من ترويها لكم..لكن تشاركوها آلامها..!
عآيلتي..كنا عائلة فقيرة..تعتمد ع انتاج مزرعتنا الصغيرة..اللي نص الانتاج نبيعه و الباقي نسد فيه يوعنا ..!
انا البجر..واللي عقبي اختي سارة والحينة عمرها 13 سنة..وعقبها نورة 10 سنوات..عقبها مريم 8 سنوات..وسلمى 7 سنوات ..واخيرن عبودي 6 سنوات..
ابوي كبر في السن والامراض بدت تتلاحق عليه..مما خلاه يقعد ع الفراش وما قدر يكمل شغل المزرعه..!
لكن الانتاج كان اقل عن اللي قبل..وفقرنا قام يزييد..
في يوم من الايام..اليوم النحيس اللي مستحيل انساه..ياا ريال غريب عن القرية..الناس كانت متجمعه حووله و مبهورة تشوف البضايع اللي يايبنها..رحت انا وامي نجوف شرات الناس..وخاطرنا فاشياء وايد ناقصتنا ..بس البيزات ما تكفي..يالله تسد بها يوعناا..
انتبهت ان الريال الغريب قام يطالع فيني بنظرات تفحص من فوق لتحت..خفت…وبعدت من المكان ورديت انا وامي البيت..
ع المسا..سمعنا حد يدق الباب..سرت انا ابطله..جفت الريال نفس الغريب….خفت وااايد وقام قلبي يدق..مادري ليش..
قلت: ثواني..بعطيه خبر ..
قلت لابوي..قالي خليه يدخل..زقرته وصلته عند ابوي اللي بحكم حالته ماقدر يروح لين عند الباب..
انا سرت الغرفة الثانية عند خواني وامي..
بعد مدة زقرني ابوي..ولييته مازقرني ..الريال كان محد..
قالي ابوي: جهزي اغراضج ..
قلت بفزع: ليييش.؟
قالي: يا بنتي..انتي املنا الوحيد بعد الله..سيري ويااه واشتغلي..هوو قالي يباا وحده تخيط ملابس..وهوو بيعلمج..والله يفتح علييج من ابواب رزقه..
بطلت عيووني ع وسعهن..و امي شهقت..!!
امي: كيف تباا بنت تسير وياا ريال غريييب..؟!! ماندري عنه ولاشي..وتونا اليوم اول مرة نجووفه في القرية..؟
ابوي: لا تخاافين يا ام عبدالله..ربي بيحفظها…والله وياها..وما بيغفل عنها..( ناظر فيني) كوني قووية..سيري ترزقي..موو عشاني..عشان اخوانج..اللي يموتوون يووع جدام عيني وانا عاجز ماقدر اسوي لهم شي..!
نزلت راسي ….مارديت…كان ردي اني جهزت اغراضي وسرت وياا الرياال الغريب..اللي عرفت عقب انه عطاا ابوي مبلغ محترم..مقاابل اني اشتغل ويااه..
سرت ويااه المدينة اللي اول مرة اجووفها…بس طبعن لا تقاارن بقريتي الغالية..
شهر مر..وفيه تعلمت كيف اخييط..وكنت احصل ع بيزاات و اطرشهن حق اهلي اللي فرحوو فييها واااايد..وكان بالنسبة لهم بداية خير..
لكن عقبها..قرر يخليني مغنية وبنفس الوقت رقااصة..!!
يتلي جلطة..هذا تخبل ولا شوو..؟ طبعن رفضت بكل ما اوتيت من قوة..موو انا اللي اعصي ربي..و انزل راس اهلي في الارض..!
قررت اشرد..لكنه حبسني..طرشت لابوي رسالة بالسر اقوله عن اللي استواا..
خيرني اسماعيل بشيئين..!! كل شرط منهم اصعب من الثاني..
ناظرت ابوي بالم وقلت: " إقتـــــل ابـــــــوي"
طالعني اسماعيل بصدمة..! عقبها ابتسم بسخرية..ومشى وخذ ابوي..ويااه..
صرخت بألم و باعلى صوتي ودموعي تنزل : ابوووووي نلتقي بالجنة ان شاءالله..
عقبها راح ابوي..ومارد..!!!!
اليوم الثاني…وانا بعدني ماصحيت من الصدمة الاولى…تفاجات بصدمة ثانية..ياب لي الحقير … عبودي الصغير..!!
نفس الشي..عرض علي مرة ثانية الشرطين..
طالعت فـ عبودي..جفت كيف ويهه خاايف..ويناديني بصوته البرىء: "شهلزااد..ماابي امووت..شهلزااد..تعاالي ادلبي الوحس "
تقطع قلبي علييه وانا اسمع كلماته الخاايفة..ماقدرت اتحمل..واتخيل شكله وهوو ميت..! اخييرن وافقت..لان لو مات عبودي.. اخواني وامي بيلحقووه..وانا مابستفيد شي..!
جفت الحقير يبتسم بنصر..ومن هاك اليوم وانا اشتغل ع الشغلة..الين ما اشتهرت..
5 سنوات مرت وانا ماسرت اجوف امي ولا اخواني ..مالي ويهه اجابلهم..! كان يطرش لهم اسماعيل بيزات بس هم مارضو ياخذون ولا فلس..باختصار لانه " مال حرآآم " ..
فتاة قابعه في احد زوايا هذه الغرفة..محتضنها جسدها بيدها..محاولة ان تدفىء جسدها النحيل الذي يكاد يتجمد..شعرها الطويل المنسدل على وجهها بفوضوية وعدم ترتيب ولا يرى من وجهها الا عينيها التي تنبض بالخوف وعدم الامان..ملابسها الرثة الممزقة..التي تغطي جسمها..
في هذه الغرفة..حيث لايمكن لضوء اشعه الشمس من التسلل للداخل..لانافذه..لا مصدر للضوء..وحتى الباب مقفل ..!
شعرت بحركة خفيفه عند الباب ..وبفتحه صغيرة اسفل الباب تفتح بمفتاح صغير ..دخل منه صحن..ثم أغلقت الفتحه..
كل يوم وفي كل مساء يتكرر نفس المشهد..اقتربت من الصحن وتحسسته..فتات خبز..القليل من حساء بارد مثل العصير ..وربع كوب من الماء..
هذا هو طعامها منذ خمــــس سنوات..!!!!!
فرت هااربة الى اخر الغرفة..مبتعدة عن الباب..و التفت حول نفسها بهلع وخوف شديد فقد بدأ " التعذيب النفسي " …ضرباات شدييدة على الباب..وصرااااخ يخرم الآذان..و اصواات مخييفه ..
كانت تصرخ هي ايضا بكلمات غير مفهوومة وتردد بداخلها
ضحكاات تعاالت بعد هذه الجملة..ثم ابتعدت الخطوات عن المكان..وعم الصمت..
وربي يبارك فيك يالغلا
متابعه لك