والشوق شخص يشيع الحب لا مات
والحزن لوحه تحتويها النواظر
بروازها دمع العيون الحزينات
والآه صوت اللي جروحه تكابر
والقلب آله تعزف الجرح آهات
والليل والقمرة وبعض الخواطر
هي سلوة احساس المحبين بالذات
يا صاحبي دامك مهاجر مهاجر
خذ آخر جروحي من القلب بسكات
اخاف لا قلبي يشوفك مسافر
ومن الغلا يشتاق ويقول لك هات
هات الجروح اللي بقت لي جواهر
بأعيشها ذكرى اليمة ولذات
ارجوك يا خلي اذا صرت عابر
على الطريق اللي جمعنا بدايات
وقف دقيقة صمت على المشاعر
واذكر تفاصيل الهوى والحكايات
واذكر بعد آمالنا بيوم باكر
واحلامنا يوم النوايا سليمات
ولوحاتك اللي جسدت روح شاعر
وابياتي اللي تحتوي حب لوحات
وان خلت الذكرى دموعك تناثر
كم يوم كنت امسح دموعك ولابات
الله ياذا الوقت تنهى وتامر
كنك على كل البشر لك وصايات
وش ينفع المشتاق والحظ عاثر
والروح ثمله والبداية نهايات
والحب دايم يبتدي والاواخر
اما قصايد شوق والا روايات
عزاي في من مات باقي دفاتر
تجمع حروف وتحتوي كل ما فات
مما راق لي
أأأبيآت رآآئعه .. و نقل ذو و وق 🙂 ,
يعططيكـ أألعآفيه .. لآعدمنآكـ ,
صح لسآن كآتبهآ وسلمت إيد [ نآقلهآ ] ‘
تقبل مروري
دمت بخير 🙂 ‘
الله يعطيييييييييييك العااااااااااااااااااااااااافييييييييييييه
تحياتي