——————————————————————————–
ياعين مالومك لو حصل بالدم تبكين
حتى العدو من حالتي قد بكاني
اليوم تختم حالت الحزن شهرين
شهرين ما شفت السعاده ثواني
عانيت أنا فرقاء حبايب عزيزين
حظي بمر فراقهم ذي رماني
إن قلت بضحك جاوبت دمعت العين
كنها تقلي لا سامح الله زماني
غابوا بعد عشره عمره ستة سنين
عشرة وفاء تحمل جزيل المعاني
ياما رسمنا ع المرايا سهمن بقلبين
وما عمره زعل مني ولا عمره جفاني
الورد يشهد بالغلا بين خلين
وما حصل و بغير ياروحي دعاني
الله كرمنا وألتقى بالحب قلبين
قلت حققت أقصى حدود الامل والتماني
نسيت إن الزمن ما يستوي يومين
هدمت لحظت ألم نظرتي في كياني
أنا ألي كنت أشفق على شخص حزين
أنا ألي نسيت الحزن يومه ما نساني
صرت أصيح تكفون درب الونس وين
سكنت من قسى الايام مكان ماهو مكاني
صارت حياتي بعد ألالوان لونين
لون الكئآبه وضعفي لونها الثاني
مسكين يا قلبي من البعد مسكين
يعيش جرح فراق شخص هواني
بالله يا ألي تمروا ديرة الزين
خبروه إني من فراقه أعاني
يالله دعيتك تجمع شتات شخصين
وتصلح بحولك حظي ألي عصاني
يا خالق الخلق يا محسن التكوين
أرحم بحالي ما غيرك احد (ن) حماني
تحياتي لمن دمر حياتي
منقووول
أرحم بحالي ما غيرك احد (ن) حماني
صح لسان الشاعر
كلمات رووووووعه
يسلمووووووو على النقل الحلو
الله يعطيك العافيه
تحياتي…
ويعطيكم الف عافيه