ابحرت الي هناك الى حيث والدي الراحل حتى انتقي لكم بعضا مما سطرت به ليتذكره قلمي وروحي وعالمي وجميع من حولي
رحمك الله يا والدي فلا زلت فخرا لي فوق الثرى وتحتها،،،
ماهمني هالصغير ان جاء يعاتبني
يشر ويضحك ابوك شايب"ن"راسه
ياتاج راسي لو ان الشيب محرجني
مانورت صورتك بوكي وقرطاسه
صورتك ياروح بنتك حيل تبهجني
مثل الذهب عندي وفي قيمه الماسه
يالغالي اللي صوره ان ضقت تفرجني
يلي تفرد من الطيبه على ناسه
راعي بعارين في حكواه يسعدني
يملك غنم والحليب يصبه بطاسه
ايه بدوي والبداوه فيه تعجبني
عن الغلط والزريه حافظ"ن" ساسه
في الصف الاول جميع الناس تحسدني
في نور عيني عسى الله يطول انفاسه
تنشدني الناس عن صورتك واسمعني
وشلون اجاوب فخر في الشعر واحساسه
هذا الوحيد الذي له حق يمنعني
وهذا الوحيد الذي ابوس انا راسه
هذا الفخر والرجوله كلها يعني
هذا ابوي انا وياحظي بساسه
وهذا الذي عاتبوني فيه مسعدني
ياحلوه ولو غزاه الشيب في راسه
بقلمي المتواضع،،،
تعثر لساني عن الكلام لا أدري ماذا أقول
بس يبخت أبو أنتي بنته