يتيمــــــــه وظلم البشــــــــر 2024

السلام عليكم ورحمة الله وبركاته

سنقدم لكم هذه الرواية والتي تحمل بطياتها الكثير والكثير ..وهذا كثير مايحدث احيانا بين الأهل والأقارب لعل من روايتي هذه تعديل الوضع والإستفاده منها..لنبدأ
========

عائله مكونه من أخوين لاثالث لهما

الأول= اسمه نافع وتعيش معه زوجته هدى وابنته الوحيده حوريه..

نافع ..انسان خلوق ومثقف ومتواضع يحب الخير للناس مثل مايحب لنفسه يحب الصدقات حالته الماديه فوق الخيال..عنده شركة مناقصات واستيراد..

هدى..من النساء المتحشمات أهم ماعندها زوجها تلبس من أحسن اللبس الذي يميزها بين النساء وترضى بالواقع..

حوريه..البنت الوحيده لأمها وابوها بنت مدلــلــه تعيش برفاهيه عاليه تتمير بلبسها عن صديقاتها..جمالها لايوصف..

الأخ الثاني..اسمه كايد يعيش مع زوجته (دوشه)

ومعه من الأولاد (خالد)

والبنت الكبرى(أسماء)

والبنت الصغرى(فايزه)

كايد..موظف يعيش على قد حاله حالته الماديه أقل من الوسط يتميز بالحقد والحسد والنفاق..

دوشه..من النساء(ذات الوجهين) تطعن بالظهر.لاتخاف الله..همها المال وبس..

خالد..الشاب الخلوق بعكس ابوه لايريد الظلم لأحد..يعطي كل ذي حق حقه..

أسماء..البنت الكبرى لكايد تحاول ان تكون كلمتها الأول بين الناس ولكن طبعها طبع أمها..

فايزه..البنت الدلوعه ذات الغنج كثيرة الكلام.تحاول جذب الناس…

====
نافع..يسأل اخوه كايد وش رأيك تعمل معي بالشركه وسوف أعطيك الربع من أرباحها بدلا من الوظيفه اللي انت فيها هذي راتبها محدود وأكيد مايكفيك انت واولادك..

كايد…شوف يانافع والله ماني فاضي لوجع الرأس خليني دوام الى الظهر ونومة العصر تسواك انت وشركتك..انا مرتاح كذا…

نافع…..على كيفك انا قلت بدل ماجيب واحد غريب انت الأولى..

كايد…..لا ياحبيبي تبغى تصرف فيني على كيفك…خليك بحالك وبس..

نافع..طيب شوف أخوي تراني عازمك انت واعيالك أخر الأسبوع عندي بالإستراحه.قلهم يجهزون حالهم..

كايد..أوكي ان شاء الله توافق دوشه..يروح لزوجته دوشه ويخبرها باللي صار..ومادار بينهم من حديث..وبالعزيمه..

دوشه…اسمع لاتطاوع هالخبل يبي يقطعك من وظيفتك ويتفرد بك ويتصرف فينا على كيفه هو وزوجته هالدلوعه..جيده بس بلبس الذهب قدام الناس.لا..وتشوف حالها علينا..

لكن قله خلاص قابلين عزيمتك يالله..على ماقال المثل..شعره من جلد الخنزير فايده..

كايد..يروح لأخوه نافع بمكتبه ويسلم عليه.ترا الأهل جاهزين وعلى موعدنا..

نافع..يجهز حاله هو واهله وعلى الإستراحه..

كايد..هو وأهله جميعا على الإستراحه..ويستقبلهم نافع..

العائله..جميعهم على مائدة العشاء وخلصوا عشاهم.

نافع..اسمع ياكايد انت واهلك عندي لكم خبر سار…

كايد…منك نسمع يالله بس لاتقول تعال اشتغل معي بالشركه…

نافع..لا ياكايد انا اليوم استلمت مشروع بخمسه وعشرين مليون من الحكومه وعلى شان يتبارك هالمشروع نويت لك انت واهلك على خير..

هذا شيك باسمك ياكايد(40000)اربعين الف ريال

وهذا شيك باسمك يادوشه(30000)ثلاثين الف ريال

وانت ياخالد هذا نصيبك(20170)عشرين الف ريال نقدا

وانتي ياأسماء هذا نصيبك(10000)عشرة آلاف ريال نقدا

وانتي يافايزه هذا نصيبك(10000)عشرة آلاف ريال نقدا

هذا أقل مايستحقه اخي وعائلته مني وموفقين….

كايد…الله يبارك لك ياخوي ويعطيك العافيه..

دوشه…مشكور..

خالد..مشكور ياعمي والله يبارك لك ويزيد من أمثالك..

البنات..مشكور ياعمنا ومتى الدفعه الثانيه…

نافع…..ماسويت الا الواجب تجاه أخي وعائلته…وخلصوا سهرتهم والكل راح على بيته..

كايد…وصل على بيته ويتناقش هو وزوجته دوشه.شفتي اخوي هالنذل مشروع بها المبلغ واربعين الف ريال بس…

دوشه…لاتقول على اخوك نذل الا…نذل وحقير وواطي هاللي مايستحي على نفسه …ليش ماعطاني مثلك على الأقل…

نافع….يارب انه فرح اخوي واولاده بها المفاجأه الساره…انتهى الجزء الأول والأحداث جايه بالجزء الثاني مالذي سيجري من دوشه..أعطونا توقعاتكم للجزء الثاني