ياعين ذا دمعك من اللي مبكيك
لاهم واطيني ودمعك غريبه
*
ياعين وين اللي من الناس مسقيك
منهو على شانه دموعك سريبه
*
ان قلت محبوبي ترى الحب معميك
وان قلت (( يمه)) والله انها عجيبه
*
يمه عسى عمرك طويل واخاويك
يمه فداك الكون ونفس لبيبه
*
ياجعل عمري فدوه بين اياديك
يامنتهى حبي وعذبه وطيبه
*
من فتحت عيني وعيني تحاتيك
ما شفت غيرك فالليالي حبيبه
*
اول تضميني عن البرد واوذيك
وافزع الدنيا وقلبك اذيبه
*
ياما سهرتي الليل والخوف مشقيك
دايم تجسيني وعينك رقيبه
*
ثم كبرت وصارت خطاي توذيك
حولي وجنبي دايم انك قريبه
*
وثم يمر العمر واشغل لياليك
في روحتي وان جيت لينك غضيبه
*
لكن حنان الكون متربع فيك
ما تبطي الزعلات وروحك ذريبه
ياوين ياقلبي على الكل حاديك
ما بين سمراء والكسر ما تعيبه
*
حسرتني بين الغنادير و بحفيك
واعلمك كيف الليالي كسيبه
*
يا شاري حبي ترى القلب ناصيك
انتي غلاء روحي وحبك مصيبه
*
و (( بيوون )) ياعزي ترى القلب حاويك
من دون كل الناس حبك غصيبه
*
من جيت لدنيا وعيني تباريك
وعلمتني درس فنونه رهيبه
*
علمتني كيف الليالي تنسين
همووم القلب واحزاانه
*
يا قلب لا تغفل ترى الحبل لاويك
ما قدمت يمناك تلقى حسيبه
*
ان كان فالدنيا من الناس طيبه
محد مثلها لو يقدم نصيبه
*
(( يمه )) تراني ما تبعدت ما بيك
لكن خذاني الوقت شمس ومغيبه*
*
*
القصيدة لشاعر / سعود عبدالرحمن الاحمد / موافي الجرح
وافزع الدنيا وقلبك اذيبه
*
ياما سهرتي الليل والخوف مشقيك
دايم تجسيني وعينك رقيبه
صح لسانك
قصيدة جميله
احترامي
انتظر جديدك
قصيدة في قمة الروعه
بنت مطير
اتمنى يابنت مطير تتقيدين بالقوانين
وتكتبين اسم الشاعر او منقول
ولك كل الشكر
ما قدمت يمناك تلقى حسيبه
*
ان كان فالدنيا من الناس طيبه
محد مثلها لو يقدم نصيبه
*
(( يمه )) تراني ما تبعدت ما بيك
لكن خذاني الوقت شمس ومغيبه*
مشكوره يا الغلا
تقبلي مروري المتواضع
ننتضر جديد قلمك