المقادير
كاستين أو جيلتين << بالقطري رز، منقوع لمدة ربع ساعه
كنعد مقطع، ونغسله بملح، وطحين، وبعدين ننقعه
(بشوية كركم، وفلفل اسود، وملح، وطحين) عشان مايتفكك وقت القلي، نتركه ربع ساعه
ونجهز الاتي :فينوكة:
بصلتين كبار
طماطم مبشور (كبيرة)
ثوم انا افرمه مع كزبرة حب وشويه ملح
مكعبين ماجي
بهارات (بهارات مشكلة، كركم، فلفل احمر بودرة، ثوم مطحون، كزبرة، سنوت، فلفل اسود، ليمون اسود مطحون، كمون)
بهارات حب (دارسين أعواد، ليمون أسود (كثروا منه)، مسمار، ورق الغار، وجوزة الطيب)
صلصل
كزبرة طازجه
قرنين فلفل أخضر حار
نجي اللحين للطريقة:
نحط زيت، ومعه شوية زبده، بس يسخن نضيف البصل
وفي هالوقت نبتدي نقلي السمك (عشان مايتفكك لما نكبسه)
بس قلي خفيف لين يتغير لون السمك، ويكون قاسي من برا
لما يجهز، يكون كذا
لما يتحمر البصل، نضيف عليه الماجي والبهارات البودره
وهنا اضفت البهارات الحب، والفلفل الاخضر
الطماطم المبشورة
الصلصل والكزبرة اخر شي
السمك المقلي، نضيفه على البصل بدون تحريك، عشان السمك مايتفكك
ونخليه يتسبك 10 دقايق
بعدين نضيف مويه مغليه، لين تغمر السمك،
نص ساعه تقريبا، بس على نار هاديه، والاهم ماينهرس السمك،
بعد النص ساعه، نطلع السمك بشويش، ونخليه في صينية للفرن، وبعدين نحط الرز،
ويكون الرز مبين عندكم ، يعني مايغمره الماي كثير، عشان مايلين
على نار هاديه، ويفضل وضع شبك، تقريبا ياخذ الرز ساعه الا ربع لين يستوي،
طبعا لاتنسون تحطون السمك في الفرن، وناخذ شوي من البصل (المروق) والليمون الاسود ونحطه عليه، ونشغل الفرن لين يتحمر السمك ، ويكون جاهز
وهنا يوم جهزت الكبسه،
وزينت الوجه، ببصل شرايح مقلي، وكزبرة 🙂
طبعا منقوله 🙂
تسلم يداك ع النقل ياعسل
روح فديتك
منورة الله يسلمك ياخيتي 🙂
يسلمو ياعسل على النقل المميز..
دمتي بود عزيزتي ..
رووووووعه
تحياتي"