كيش بالصدر الدجاج quiche à l’escalope de poulet 2024

بالنسبة لكمية المقادير فعينكم ميزانكم:

تنحتاج ـ العجينة المورقة اي La pâte feuilletée لتنحط في القالب ديال طارط و نتكها بالفورشيط و نخليها على جنب حتى نحضر الحشوة
ـ البصلة مشلدة اي مقطعة مربعات صغار
ـ الفلفلة الحمرة و الخضرة و الصفرة مقطعة مربعات صغار
ـ صدر الدجاج اي l’escalope de poulet مقطع مربعات صغار
نحط المقادير كاملة في مقلة ديال طياب و نضيف التوابل ( الملح ؛ البزار ؛ الكمون ؛ تصفيرة (الملون الاصفر) ؛ فلفل احمر الحلو و الحار؛ القزبر ؛ المعدنوس ، الثومة غبرة ؛ الزيت ) و نخلي الكل يطيب على نار هادئة بلامنغطي المقلة باش مديرش المرقة.
ملي يطيب الكل نحط في اناء يبرد و نضيف ليه البيض ؛ كريمة سائلة ؛ فروماج محكوك ؛ و نصب الخليط في القالب لوجدنا قبل و ندخل الفرن حتى يطيب و يتحمر .
يقدم دافئ من الاحسن و بالصحة و الراحة.

[IMG][/IMG]