وانا فقير
خلينا نشوف احلام الفقير
طبعا دا كلو هزل مش اكثر
=============
احلام الفقير
========
========
انتا جيت ياباشه
هقابلك بكل بشاشه
وبكل حاجه هرضيك
لو عزت عمري اهديك
اصلك ياباشا غالي
مقامك يابوي عالي
هشتغلك سواق
انشالله حتى حمال
ومش هطيقلك فراق
انتا يابتاع المال
اصلي عايز اكون
زي جنابك مجنون
بتعليني الفلوس
اصلها كسر نفوس
ويبقى عندي طياره
وفالارض الف عماره
واكون جنتل مان
واعيش دايما امان
واتجوز بنت حلوه
اكون فحياتها غنوه
والناس تقدرني
لما انده تعبرني
اصلي مليت الفقر
رزقي فمخلب صقر
باكل العيش الحاف
وابات من غير لحاف
ممعيش حق الدوا
بشتري حتى الهوا
الحاله مش ميسوره
لإمتى هقول مستوره
دا هدومي مهتريه
وحياتي مش هنيه
انا خلاص هتمرد
وابدا مش هتردد
انا لازم افكر
وبسرعه اقرر
ازاي ابقى معلم
ازعق وانا بتكلم
واحطهم من تحتي
اه يامه يابختي
والبنات بتتمناني
يموتو نفسهم عشاني
واخواتي يجيلهم عرسان
ويتفسحوا فكل مكان
واخد امي للفريضه
والضحكه دي عريضه
وابقى راجل مهم
ولكل الفلوس الم
والصعلوك يناديني
ياباشا ياباشا اديني
وساعه ارمي جنيه
وساعه بالقلم اديه
وساعه معاهم
ابقى متفاهم
وساعه دماغي حجر
ومن الزعل اتفجر
ااه بس يامه
ااه بس ياولاد
دنا طلعت رمه
ومن اغبى العباد
مش لو كنت حرامي
دا العمر لسا قدامي
والا اسرق الحكومه
دي حياتي مظلومه
هيا جت عليه
دا غيري ميه
عاشو احلى حياه
وماتوا احلى وفاه
دا انا لو اموت
مش هيدفنوني
وامي تصوت صوت
وللكلاب يرموني
دي حتى الترب غليت
والناس قلوبها غليت
وبقت لحمه مشويه
دي بقت مستويه
احنا اتأكلنا اكل
ولا كن لينا اهل
ولدموعنا مين يدارينا
دا محدش سائل فينا
منك لله ياباشا
دا انتا نسيتني البشاشا
انا هفضل مكشر
للبصل افرم واقشر
وتبكي منو عنيه
خطيبتي مبقتش ليه
ادي ربنا وادي حكمتو
انا اللي بيدور على لقمتو
خلاص هرضى بالمقسوم
دا اكيد جايلي يوم
ربنا خلق الناس
اشتاتا واجناس
ناس فوق السحاب
وناس تحت التراب
====
منقول من بنات افكاري من تأليفي وسبق نزلتو فمدونة تاني
اختكم لمسات سعوديه
تقبلى مرورى ميرنا
الله يعطيك العافيه